Ezequiel 22:16 - Biblia Dc en Mixe de Quetzaltepec

¹⁶ nëjkxëpës xyajnipäxëtëkëtë ko ënety ëxëëk mjatë mkëpätë ma wiinkëtypë naax kajpnën, e kopkpëky jëtu'un jyatëty kyëpätëty jä'ä ko ënätës nëjkx xy'ixkaptë ko ëjts Wintsën.

Biblia Mixe de Quetzaltepec

¹⁶ nëjkxëpës xyajnipäxëtëkëtë ko ënäty ëxëëk mjatë mkëpätë ma wiinkëtypë naax kajpnën, e kopkpëky jëtu'un jyatëty kyëpätëty jä'ä ko ënätës nëjkx xy'ixkaptë ko ëjts Wintsën.

Ezequiel 22:16 ပူးပေါင်းရင်းမြစ်များ

Ezequiel 6:7

Ko ënety xy'ixtë ja'ay may y'o'knë, täänëm nëjkx xy'ixkaptës ko ëjts jëtu'un Wintsënajtp.

Ezequiel 7:24

Ëjts nyajminäämpyës yë ja'ay mëti'ipë ëxëëkja'ayëtyën ets yë'ë tjä'ä'atëty yë tëjk mëti'ipë jam ma naax kajpnën. Nyajkëxäämpyës yë myëj'ajt kyëjxm'ajtën yë ja'ayëty mëti'ipë tyam ënä'ämtëpën; nyajkutukäämpyës ets kyutëkooytya'ajëty maajaty t'ëwtatën yë y'awinaxëty.

Salmos 83:18

Jëtu'un nijawëtëty ko mijts tu'ukyë mWintsën'ajtp, ko mijts tu'ukyë Ni'ik Këjxmëpë ma tëkokyë yë naaxwiinyëtë y'ëwtityën.

Daniel 4:25

Mijts yajkutujkpë myajwoowpëtsëmaanp ma ja mayjyä'äyën ets myajwoownëjkxa'any jam aayjyotm ujtsjotm ma mjuuky'atëtyën tä aayjëyujk ujtsjëyujk jyuuky'atën; yë'ë m'okëp yë mëëy tä yë tsajpkaa myiiy'okyën ets nëjkxëp yë mjot mnini'kx nyimaanikyë. Jëtu'un nëjkx mjuuky'äty mijts yajkutujkpë wëxtujk jëmëjt, koonëm xynyijawëty ko yë Dios Ni'ik yë'ë myëët'ajtyp yë kuttujkën ma tëkokyë yë naaxwiinyëtë ja'ayën ets yë'ë yaj'ëne'empy yajkutujkpy mëti'ipë yë'ë tyuknipëjktakëpën.

Ezequiel 39:28

Ëjts ojts nkäxtë jam wiink naax wiink kajpn tsumy matsy, ëjts näjyëtu'un nëjkx jatëkok nyajtu'ukmuktë ma nyaax kyajpnëtyën. Nitu'uk nëjkx wiink naax wiink kajpn nkayajwë'ëmyës tsumy matsy. Ënet nëjkx tnijawëtë ko ëjts Wintsën.

Ezequiel 25:3

Xy'ënëëmëty ko wä'än t'amëtoow'itë ja aaw ayuk mëti'ipë Wintsën tuknikäjxëtëpën: Miitsëty ojts xytyukxoonta'aktë ko xy'ijxtë ja ntsajptëjkës o'ktëy jyäty kyëpety, ko xy'ijxtë ja naax kajpn kyutëkooy ets ko ojts ja Judá ja'ayëty yajmënëjkxtë tsumy matsy wiink naax wiink kajpn.

Isaías 47:6

Ko ojts ntukjoot'anpëkyës yë nnaax nkajpnës, ojts nkë'ëyäkyës yë nkë'ëmnaax nkë'ëmkajpnës ets ëxëëk yajtun yaj'ënëëmëty, ets ojts npëjktä'äkyës mkë'ëjoty. E mijts ka'ap nijënu'un xypya'ëyooy, ni'ikyënëm ojts ja mëjja'aytyëjk xytyuktsëëmë'ëky je'emtypë tsëmy kë'ëy.

Isaías 43:28

ja mwintsëntëjk ëxëëk ojts jap y'ëtë'ëtstë maas yë ntsajptëjkën; paatyës ojts ntimmyajtstu'uty yë Israel kajpn, mëti'ipë yë Jacob kyajpn'ajtypyën ets myëtsip yajkutëkoyëtëty.

Isaías 37:20

E tyam, yajtsoktëk ëëtsëty ma yë'ëjëtyën, Wintsën, mëti'ipës nTios'ajtëpën ets tëkokyë ja naax kajpn nijawëtëty ko mijts tu'ukyë mWintsën'ajtp ets mTios'ajtp.

Salmos 9:16

Yë Wintsën tëë kë'ëm nyänyikëxë'ëkyë ko të tuny ja nipaye'eyën. Ja ëxëëk ja'ay tsumy matsy të wyi'imy ma ja majtstaknën mëti'ipë kë'ëm të tyaj'oyën.

1 Reyes 20:28

Ënet jam tu'uk yë Wintsën yë myëtuunpë tnimiiny yë yajkutujkpë mëti'ipë jam ënä'ämpën Israel ets y'ënëmaayë: Jëtu'un yë Wintsën y'ënä'äny: Jä'ä ko yë sirië ja'ayëty të y'ëna'antë ko jamës nWintsën'aty kopkkëjxm ets ka'ap jyamëty joyjotm, ëjts nkë'ëyakäämpyës nitëkokyë yë'ëjëty ma miitsëtyëty. Jëtu'un xynyijawëty ko ëjts Wintsënajtp.

1 Reyes 20:13

E ja Ahab mëti'ipë jam ënä'ämpën Israel, ënätyë ojts tu'uk ja käjpxynyajxpë nyiminyë ets y'ënëmaayë: Jëtu'un yë Wintsën të y'ënä'äny, ko oy jënu'un janty nimay xyjya'ixëty yë mëtsiptëjk, yë'ë nkëyakäämpyës yam ma mijts yë mkë'ë m'aawën ets jëtu'un xynyijawëty ko ëjts Wintsënajtp.

Éxodo 8:22

Ko jëtu'un tyunëtëty jyatëtëty, ka'ap jam Gosen nëjkx jëtu'unpë yaj'ixy, maas yë nnaax nkajpn yajpaatyën. Jam nitu'uk yë aktsa'ak kya'ita'any, jëtu'un'äämpy xynyijawëty ko ëjts mëti'ipë Wintsën'ajtpën, ëjts jam yajpatp ma tääpë kajpnën.

Ezequiel 22:17

Ënet ja Wintsën ojts xymyëkäjpxyës ets xy'ënëmaayës:

Salmos 9:17

Yë ëxëëkja'aytyëjk ets ja ja'ayëty mëti'ipë ka'ap yë Dios t'ëwtatën, mëti'ipë tu'ukyë yë Dios të tja'atyëkooynyëtën, jam kyëxa'antë ma o'kën yajkutukyën.