Ezequiel 22:13 - Biblia Dc en Mixe de Quetzaltepec

¹³ Ëjts mëkës yam mijts ntukjoot'anpëky jä'ä ko je'eyë ëyoopëja'ay amëjaaw xyajmëtuny ets mijts mkumeenytyä'äky ets myajja'ay o'kp näjyëtu'un.

Biblia Mixe de Quetzaltepec

¹³ Ëjts mëkës yam mijts ntukjoot'anpëky jä'ä ko je'eyë ëyoopëja'ay amëjaaw xyajmëtuny ets mijts mkumeenytyä'äky ets myajja'ay o'kp näjyëtu'un.

Ezequiel 22:13 ပူးပေါင်းရင်းမြစ်များ

Ezequiel 21:17

Ëjts ni'ikyës yam näjyëtu'un nyajjoot'anpëka'any koonëmës yë n'äkë xyäämëty. Ëjts Wintsën, ëjts ënaanp.

Isaías 33:15

Mëti'ipë ja'ay mëtëy tii tyuunpyën, nän mëtëy winë tkäjpxy tmëtyä'äky; mëti'ipë ja'ay ka'ap jyiiky myëku'uk tëytyunyën ets mëti'ipë ka'ap tkupëkyën ja näynyamo'ojë mëti'ipë yajktëpën ja ja'ayëty, ka'apë y'oy'atën ja jyot wyinma'anyëty; mëti'ipë ka'ap tmëtowa'anyën ko pën tnikäjpxy tnimëtyä'äky ja yajja'ay'o'kën, ets tim winpi'tsp këtiipë t'ixëty ja ëxëëktu'un ëxëëk kajpxën.

Ezequiel 22:27

Yë ënä'ämpëtëjkëty mëti'ipë yajpatëpën ma ya'atë kajpnën jëtu'un jyä'äy'atë waxën mëti'ipë piw nuuk tyuunpyën yë y'o'kpë; yaja'ay'ookaanp je'eyë ets tyämäämpy jyä'ätsäämpy ja jot ne'pny ko kyumeenytyä'äky.

Ezequiel 21:14

Mijts ye'etyëjk, nimëtya'ak yë n'aaw n'ayukës; yajjoot'anpëjkta'a ja'ay. Ja tëypyujxn nipëjktaakë y'ijnë ets yajja'ay'ookëty, tääpë tëypyujxn tëë ja naax kajpn t'okwinkajpxëtyä'äy.

1 Tesalonicenses 4:6

Ka'ap pën ja myëku'uk ja tyo'oxytyëjk twin'ë'ënëty, jä'ä ko Dios tu'kë'ëyë tukumëtoowta'aja'any mëk'äämpy mëti'ipë jëtu'un ëtëtstëpën; ijxtëm të ntuk'ëwaanëtën janaam jatsojk.

Amós 3:10

Jëtu'un yë Wintsën y'ënä'äny: Yë'ëjëty ka'ap tnijawëtë wi'ix tii oy tuntëtyën; jap tyajnipätë ma kyutujkëntëjkëtyën mëti'ipë ja'ay pyëjkëtëpën atsip.

Proverbios 28:8

Mëti'ipë ja'ay may yë meeny nyipëjkpejtypyën ko tyäky ënu'kxy, yë meeny y'u'unk yë'ë nëjkx tjä'ä'aty mëti'ipë jyiiky myëku'uk pya'ëyoopyën.

Ezequiel 33:31

Ets jëtu'un ja nnaax nkajpnës mniminyë ets nyaaxwäätstë mijts mwintuuy, jëtu'un tä xëmë tuunk'atën ets tmëtoow'ita'antë ja n'aaw n'ayukës. Je'eyëp ko ka'ap tpatuntë. Jëtu'un t'akajpxëtë janaam jatsojk tä ja'ay tkuuy'iyën yë nätsyok näjyawë, e ma jyot wyinma'anyëtyën, yi'iyë myëmaay myëtajtëp wi'ix wit meeny tpaatëty t'ixtëty.

Ezequiel 21:19

Kääts mäjtsk yë tu'u ma Babilonyë yajkutujkpë tmënaxëtyën yë tyiypyujxn. Ja mäjtskpë ja tu'u aakjam tsyoontëty ma tu'ukpë kajpnën, ma ja tu'u tsyo'ontä'äkyën jam xykyëxja'ajëty maatsow nyijkxyën.