Ezequiel 22:12 - Biblia Dc en Mixe de Quetzaltepec

¹² Tam yë mëkunaax mëkukajpn mëti'ipë nyimeenypyijkpyën ets nëjkx yaja'ay ooky. Tam mëti'ipë meeny myëku'uk tyuk koontsoopyën ets may'äämpy tyaj'u'unk'aty, tam mëti'ipë je'eyë myëku'uk mëk tjanty yajtunyën ets yë'ë myeeny'äjtyp. Ëjts ka'apës pën xy'ëkja'amyäjtsnë, tëëjës xyjyä'äytyëkooynyëtë. Ëjts Wintsën, ëjts ënaanp.

Biblia Mixe de Quetzaltepec

¹² Tam yë mëkunaax mëkukajpn mëti'ipë nyimeenypyijkpyën ets nëjkx yaja'ay ooky. Tam mëti'ipë meeny myëku'uk tyuk koontsoopyën ets may'äämpy tyaj'u'unk'aty, tam mëti'ipë je'eyë myëku'uk mëk tjanty yajtunyën ets yë'ë myeeny'äjtyp. Ëjts ka'apës pën xy'ëkja'amyäjtsnë, tëëjës xyjyä'äytyëkooynyëtë. Ëjts Wintsën, ëjts ënaanp.

Ezequiel 22:12 ပူးပေါင်းရင်းမြစ်များ

Nehemías 5:1

Jä'ä xëëw jä'ä jëmëjt ja naaxja'ay kajpn ja'ayëty pyëtë'ktë mëktä'äky, naaxwiinyëtë ja'ay to'oxytyëjk ets tnipëtë'ktë ja myëkunaax myëkukajpnëty jutië ja'ayëty,

Nehemías 5:7

Koos yajxon tmëmaay nmëtajy, ënätës n'ënany ko janty tëy jëtää jëtu'un, tääjës ojts ntuk'ënëëmë ja yajkutujkpëtëjk ets ja kutuunktëjkëty wi'ix ko jëtu'un ja myëkunaax myëkukajpn timy tyuntë. Ojtsës ëpëky ntuknipëjktaakë tu'uk ja nätyu'ukmukë ets jam yajkajpx yajmëtya'akëty ja jotmay,

Salmos 106:21

Ojts tja'atyëkooynyëtë ja Dios, mëti'ipë ënety të yaj'ëwaatsëpëtsëmëtën, ets mëti'ipë ënety jap Egiptë winë të tuny të tkäjpxyën,

Salmos 15:5

mëti'ipë ja myëku'uk tyuknu'kxtsoopyën ja wit meeny, ets ka'ap t'amëtoy jënu'un tyaj'u'unk'aty, mëti'ipë ka'ap yë myëku'uk tnimeenykyonën; mëti'ipë jëtu'un juukyajtpën, ka'ap nijëna'a pokyjotm kya'aja'any.

Proverbios 1:19

Jëtu'un kyukëxëja'antë ja atsojkpë, ko tii t'atsoky yë'ë nätyukyaj'o'këp.

Isaías 1:23

Yë mkutujkpëtëjk je'eyë kyäjpxykyumëtoownaxtë, jä'ä pyutëjkëtyëp mëti'ipë yaja'ay o'ktëpën. Aak meeny je'eyë myëmaay myëtajtëp ets jëtu'un winë tuntë ets yi'iyë pyatijtëp ma tii jëtu'unyë namëyajtën tpaatëty. Ka'ap ja ku'ooky u'unk nipaye'eytyë, ka'ap tja'amyätstë mëti'ipë ja ku'ookpyë to'oxytyëjk patëpën.

Isaías 17:10

Jä'ä ko të xyjyä'äytyëkoy yë Wintsën mëti'ipë të myajtso'okyën, ka'ap të xyjyä'äymyetsy ko yë'ë tsoktakn'ajtp, jëtu'un tä tu'uk tsaakopkën. Mijts janty'oy ja mkam mtu'u xy'oytyuny, ets ja pëjy oyjätyëty jam xynyi'ipy xykyojy, yë'ë mtukwintsë'ëkëjäämpy mëti'ipë wiink naax wiink kajpn y'ëwtajtëpën,

Isaías 56:11

Jëtu'un y'ëtëtsnëtë ukën ka'apë kyu'uxyën, ja këwent'ajtëp ja'ijtyëty je'eyëp ko ka'ap nijënu'un jyä'äkyukëtë; këëk tu'u tjantyye'eytyë, aakyë'ë pyajëtijtëp wi'ix myeenypyaatëtyën,

Jeremias 2:32

¿Wä'än jëtää tu'uk to'oxytyëjk tja'atyëkoyëty yë nyantsëm, tyatsktëyë ets kyë'ëjiits mëti'ipë të tmëpëkyënë? Ka'ap yowë. Näyjyëtu'un jeexyë yë nnaax nkajpnës nän ka'apës jeexyë xyjyä'äytyëkoy, e yë'ë tëëyëpës xyjyä'äytyëkooynyë.

Jeremias 3:21

Jam të'ëts'itjotm, jam tunkëjxm yajmëtoy ja aaw yo'kn: Israel ja'ay yë'ëjëty mëti'ipë jëëytyëp yaxtëpën, mëti'ipë y'amëtoowtëpën ets yajpa'ëyowtëty. Tëë tyu'utëkoytyë ma ja në'ë tu'ujën oypyë ets të xyjyä'äytyëkooynyëtës, ëjts Wintsën, mëti'ipë Tyios'ajtpën.

Jeremias 6:13

Wä'än tmëj tmutskëty yi'iyë myëmaay myëtajtëp wi'ix wit meeny tpaatëtyën mëët ja ëxëëkpë ja tu'unën kajpxën; yë käjpxynyajxpë ets teetytyëjkëty aakyë'ë yajtukwin'ë'ëntëp wit meeny.

Jeremias 9:1

Jëtu'unpëk jeexyë yë nwiinës tä nëëkopkën ets nwiinnëëjës nëëkapën, jyëkyejpy jeexyë xëëny koots nijë'ëy niyä'äxyës yë nmëkunaax nmëkukajpnës mëti'ipë të y'ooktë.

Ezequiel 18:13

nëkooyë këjää tyaj'u'unk'ajnë meeny mëti'ipë myëku'uk tyuk'ënu'kxypyën; tääpë ja'ay ka'ap tjëkyepy jyuuky'atëty. Ko ënety të tuunta'ay tëkokyë mëti'ipës n'ëxëëk'ijxypyën, tääts y'ooka'any ets ka'ap tii yajtso'oka'anyë, kë'ëm ënety jëtu'un nyätyunyë.

Ezequiel 18:8

Ko yë meeny pën tuk'ënu'kxy ka'ap yë'ëkyëjxmëty ko tyaj'u'unk'ata'any; ka'ap pën t'ëxëëktuny; mëtëy tnipaye'ey ja nëë poky ko pën nimäjtsk tsyippaaty;

Ezequiel 23:35

Paaty ëjts maas nWintsën'atyën, jëtu'unës n'ëna'any: Mëët koos tëë xyjyä'äytyëkooynyë ets ja mjëxk të xytyuk'akëëynyës, kopkpëky ko xykyumëtowëty ko xim yam ja ye'etyëjk të xymyëët'aty ets ko mijts je'eyë të mpëyë'ëk'ëwtity.

Ezequiel 36:12

Nëjkxëp yë nnaax nkajpnës nyäxy tyëkë ma miitsëtyën tun kopk, mëti'ipë yajpatëpën ma Israel kajpnën ets nëjkx yë'ë tjä'ä'atë ja it naaxwiinyëtë ma miits myajpaatën ets yë'ëjëty ka'ap nëjkx u'unktuk y'ëk'ijnëtë.

Amós 8:4

Mëtoow'itë ya'atë aaw ayuk, miitsëty mëti'ipë myaj'ëyoowtëpën ets mtëytyuuntëpën yë ëyoopëja'aytyëjk ets o'ktëy xytyuntë xy'ënëëmëtë ja'ay mëti'ipë yu'unk naxym ja'ay'ajtëpën ma naax kajpnën;

Amós 8:6

Yajxon o'ktëy n'ëktu'unmëty yë ëyoopëja'aytyëjk ets kë'ëm xynyimi'inmëty ets nyätyookëtëty ma ëëtsajtëmën ets tuunpë nwa'anmëty ets ka'ap nmëju'uymyëty, je'eyë mëk njanty yajtu'unmëty ets jëtu'un tkëpätëty ja nyu'kxyëty, oy ënety tu'ktä'änkën je'eyë ja kë'ëk të tnu'kxy. Yë'ëpaat nëjkx ntukmëto'këmë ja tsajpmok ak.

Mateo 23:13

Mon tuk miitsëty myajpaatë, yaj'ijxpëjkpëtëjkëty, mëti'ipë nyija'awëtëpën ja ënä'ämën tëyajtën, wiinkë'ëy akë'ëypyë oyjyä'äy mnäpyëjkta'akëtën. Ko miits xy'ëtuktë ja tsajpjotmëpë kuttujkën këtiipë jam pën tyëkëty. Ets ni miits mkatëkëtë ets ni yë'ë ja'ay xykyayajtëkëtë.

Mateo 23:25

Mon tuk miitsëty myajpaatë, yaj'ijxpëjkpëtëjkëty, mëti'ipë nyija'awëtëpën ja ënä'ämën tëyajtën, wiinkë'ëy akë'ëypyë oyjyä'äy mnäpyëjkta'akëtën, nëkëjxy ja a'ukën xytyätypyujtë ets näjyëtu'un ja atojkxën, e ko mtontë määtstë ets ko yë'ë xytyäty tsyojkën'ajtë ja wit meeny ka'ap ja xyjyotmayjyawëtë.

Lucas 18:11

Ja fariseë ja'ay, tënääpy ja Dios tmëkäjpxy ets në'ix pa'at'ix, jëtu'un y'ënä'äny: Dios Teety, mijts yam nkukajpxëp ko ka'apës njëtu'unëty ijxtëm yë ja'ayëtyën, mëti'ipë mä'tstëpën, mëti'ipë ëxëëk ja'ay'ajtëpën, mëti'ipë ka'ap ja nyiye'etyëjk ëkë ja nyito'oxytyëjk twintsë'ëkën; ets ka'ap njëtu'unëtyës ijxtëm xiipë yajkukëpäjtpën.

Lucas 19:8

Ënet ja Zaqueo wya'kujkëy ets t'ënëmaay ja Wintsën: Wintsën, tyamës nmo'ojëty ja ëyoopëja'ay kujkwä'kxy mëti'ipës nmëët'ajtypyën; pën tëëjës pën nmeetsy tyamës nyajwinpijtëty taxk jëtu'un.

Lucas 3:13

Tääts ja Juan y'ënëmaayëtë: Ka'ap yë ja'ay tii tsowni'ik xytyukkukëpätëty.

1 Corintios 5:11

Yë'ës ntijpy, ko ka'ap miits mëët m'ëk ye'eymyujknëtëty ja ja'ay mëti'ipë nätyijëpën ko tmëpëky ja Kristë ets tyam ja ëxëëk winma'any tpaaty; ets ameeny, wyintsë'këp ja tsaatsetsy, kepy tsyetsy; pi'tskajpxk, je'eyë y'uuky myu'ukyë ets mä'tsp. Ni xykyamëëtkaytyëty ja jëtu'unpë ja ja'ay.

1 Corintios 6:10

Këtii myajwin'ëëntëty, jä'ä ko jam ma ja Dios ja kyutujktaknën ka'ap yajpaata'antë mëti'ipë jyot nyini'kx yajktëpën, mëti'ipë tsaatsetsy, kepy tsyetsy y'ëwtajtypyën, mëti'ipë ka'ap yë nyiye'etyëjk ëkë tyo'oxytyëjk twintsë'ëkën, ëkë mëti'ipë ato'oxyën, ëkë mëti'ipë myëye'etyëjk pyijkpyën y'ukpyën.

Deuteronomio 16:19

Këtii yë tëyajtën xyajma'atëty, këtii yë ja'ay tu'uk xy'oyjyawëtëty ets tu'uk xy'ëxëëk'ixtëty, ko tëyajtën winë xynyipaye'eya'antëty, këtii ja'ay mnätyukwin'ëënëtëty ko yë wit meeny mjamo'oja'anëtëty ets jëtu'unyë ja pyoky xyajninaxtëty. Jä'ä ko jëtu'unpë yajwinma'anytyëkoopy yë wijyjyä'äytyëjk ets ka'ap tii oy t'ëkkajpxnëtë mëti'ipë oy ja jyot wyinma'anyëtyën.

Deuteronomio 23:19

Yë jaaypyaat jaaypyo'kxy jyëkyäpëp xytyukmatstëty ets tyakëty ja meeny'u'unk. E yë'ë tëy yë mëkunaax mëkukajpn këtii mëktä'äky xytyukmajtsë'ëkëty ja meeny'u'unk, ëkë oy yë'ëjëty yë jë'kxy pëky, ëkë oytyiijëty mëti'ipë ënety të xytyuk'ënu'kxyën. Jëtu'un nëjkx ja Wintsën mkënu'kxëtë mëjwiin këjää, oy tii xytyimtuntëty.

Deuteronomio 27:25

Poky yë ja'ay wyë'ëmëty mëti'ipë yë myëku'uk nyimeenypyijkpyën ets tyaj'ook tyajtëkoyëty, oy ënety nitii poky të tkatuny. Ënet ja ja'ay y'ëtsowtëty: Oy, jëtu'un'atëp.

Deuteronomio 32:18

Mijts Israel ja'ayëty tëë ja mteety xyjyä'äytyëkooynyë, mëti'ipë mkëwent'ajtëpën. Tëë xyjyä'äytyëkooynyë ja mTios mëti'ipë juukyajtën mooyëpën.

1 Timoteo 3:3

ka'ap y'uukëty myu'ukëtëty, ka'ap tsyipja'ay'atëty, mä'kxtukëp, ka'ap meeny t'ook'atëty.

Judas 1:11

Pyaatantëp ja mëj ëyo'on, jä'ä ko yë'ë tyuuntëp mëti'ipë ja Caín tyuunën. Ko myeeny atsoktë jëtu'un y'ëtë'ëtstë ijxtëm ja Balaamën ets ja Coré ets kë'ëm tku'ookëja'antë ja y'ëxëëk winma'anyëty.