Ezequiel 22:11 - Biblia Dc en Mixe de Quetzaltepec

¹¹ Tam mëti'ipë jyiiky myëku'uk myëëtko'knääyëpën ja tyo'oxytyëjk ets tam mëti'ipë ja'ay myëëtko'knaaynyëpën yë myaank yë tyo'oxytyëjk ets t'atsip'ajnë yë'ëpaat yë kyu'uty to'oxytyëjkpë.

Biblia Mixe de Quetzaltepec

¹¹ Tam mëti'ipë jyiiky myëku'uk myëëtko'knääyëpën ja tyo'oxytyëjk ets tam mëti'ipë ja'ay myëëtko'knaaynyëpën yë myaank yë tyo'oxytyëjk ets t'atsip'ajnë yë'ëpaat yë kyu'uty to'oxytyëjkpë.

Ezequiel 22:11 ပူးပေါင်းရင်းမြစ်များ

2 Samuel 13:14

Amnón ka'ap ninu'un jyä'äkyujkëy, e jä'ä ko yë'ë kumëjaaw ënety ni'ik, paaty ni'ikyë tmajtsta'tsy ja Tamar ets t'atsip'ajty myëëtko'knëtëty.

Ezequiel 18:11

mëti'ipë ka'ap yë tyeety ijty tunyën, ijxtëm ko jam tunkëjxm yajnixëëwtunyën yë wiink tios ets pyëjkëp yë myëku'uk ja tyo'oxytyëjk,

Hebreos 13:4

Wintsë'ëkëtë ni'ëmukë ja pëjkën ukën, näy'ix nämyëyatëtë oy yajxon wa'ats wiin wa'ats jot; jä'ä ko Dios tyiytyunäämpy ja ja'ay mëti'ipë ka'ap ja pëjkën ukën twintsë'ëkën, mëti'ipë xim yam ja ye'etyëjk ëkë ja to'oxytyëjk myëëttsënääpyën.

Gálatas 5:19

Nikëxë'ëky yë'ëjëty mëti'ipë tyuuntëpën ja kyë'ëm winma'any: xim yam pën mëët tsyënaaymyuktë, tyuuntëp kyajpxtëp ja ka'apë y'oyëtyën, myëët'ajtëp ja ëxëëk atsojkën,

1 Corintios 6:9

¿Ka'ap xynyijawëtë ko yë ëxëëkja'aytyëjk ka'ap jyuuky'ata'antë ma ja Dios ja kyutujktaknënë?

Malaquías 3:5

Yë Wintsën mëti'ipë maaytyääyëpën winë jëtu'un y'ënä'äny: Minaanpës ets miitsëty nipaye'eya'antë. Näyjyëtu'un kë'ëm n'ixa'any nmëtowa'anyës wi'ix ënety yajtuntën ja mëti'ipë najtsja'awëtëpën, mëti'ipë ka'ap twintsë'ëkën ja nyiye'etyëjk ëkë ja tyo'oxytyëjk; mëti'ipë nanëkoo ëëwpäjn kajpxpäjn wyäämpyën yë Dios yë xyëëw; mëti'ipë ka'ap tsow tmëjuyën yë tyuunpë, je'eyë mëk tyajtuny; mëti'ipë o'ktëy tyuunpyën ja ku'ookytyo'oxy ets ja ku'ooky u'unk; mëti'ipë yaj'ëyoopyën ja jaaypyaat jaaypyo'kxy ets mëti'ipë ka'ap wyinkutsë'ëkën.

Jeremias 29:23

Jëtu'un nëjkx mjatë mkëpätë ko ënety ëxëëk winë të xytyuntë jam Israel: ko ojts ka'ap ja mto'oxytyëjk xywyintsë'ëkëtë ets xymyëët'ajnëtë ja mjëëky mmëku'uk ja tyo'oxytyëjkëty ets ojts winë xynyikajpxtë ëjts nxëëwkyëjxmës ka'apë myëtëyëtyën mëti'ipë ënety ka'ap të ntuk'ënä'ämtën. Ëjts nija'apës yë'ë yajxon ko jëtu'un m'ëtëtstë m'ënantë. Ëjts Wintsën, ëjts ënaanp.

Jeremias 9:2

Jëtu'unpëk nmëët'atyës yë tsënaaytyakn jam të'ëts'itum maas jeexyë ntsëënën, täätsës jeexyë nnaax nkajpn ntimmyëjëkämke'eky. Jä'ä ko ma yë'ëjëtyën ni pën ja näywyintsë'kën tkamëët'aty, tëë tyajtëkoytyë ja wintsë'kën, aak nyikäjpxyyajkëtyëp ja jyiiky myëku'uk.

2 Samuel 13:1

Yë Absalón, yë myaank yë David, tam ijty tu'uk yë y'uty to'oxytyëjkpë janty'oy y'ixëty, jä'ä xyëëwajtyp Tamar. E jamts ënety näjyëtu'un wiinkpë yë David myaank jä'ä xyëëwajtyp Amnón, ojts mëk tsojkën'aty yë Tamar,

Deuteronomio 27:22

Poky yë ja'ay wyë'ëmëty mëti'ipë myëëtko'knääpyën yë myëkä'äx to'oxytyëjkpë, oyxyëp wiink to'oxytyëjkëty tjataak'aty, tu'ukyë tyeetyëty tukmuktë, ëkë mëti'ipë wiinkteetyën, tu'ukyë ja tyaakëty tukmuktë. Ënet ja ja'ayëty y'ëtsowtëty: Oy, jëtu'un'atëp.

Deuteronomio 22:22

Pën tu'uk yë ye'etyëjk myëët'ajtyp yë to'oxytyëjk mëti'ipë pëkynyën ets nimäjtsk yajkupaatëtëty. Nimäjtsk nëjkx yajkuka'atstë, jëtu'un ka'ap yaj'ijxta'akëty ja ëxëëktu'un ëxëëkajpxën ma ja Israel kajpnën.

2 Samuel 13:11

e ko ja Tamar ojts ja y'äy tjatuk'apëkëja'any ja kyääky, je'eyë ojts kyë'ë amëjaaw myajtsta'tsxëty ets y'ënëmaayë: Min Tamar, tsojk nämyëët'ajtëmë.

Ezequiel 18:6

ka'ap jam nyijkxy kopkkëjxm ma ja'ay tnixëëwtunyën awinax ets ka'ap tuk'ijxpety ka'apë tiosëtyën mëti'ipë Israel ja'ayëty myëët'ajtëpën; ka'ap yë myëku'uk yë tyo'oxytyëjk t'atsojkë ets wyinkutsë'këp yë tyo'oxytyëjk ko y'ëmaay'ity;

Ezequiel 33:26

Je'eyë mtsiptuna'antë, aakjä'ä mtuuntëp ka'apës n'oy ixyën, myajtëkooytyëp ja wyintsë'kën ja pëjkën ukën, ¿ets ënät maaytyëpë mtajtëpë ko xyjyä'ä'ata'antë ja naax kajpnë?