Ezequiel 21:3 - Biblia Dc en Mixe de Quetzaltepec

³ jëtu'un xy'ënëëmëty: Jëtu'un yë Wintsën y'ënä'äny: Ëjts mëtsipës yam n'awinpity ma mijtsën ets nkupujxta'aja'anyës yë ja'ay, yë'ëpaat mëti'ipë ka'ap pyokymyëëtëtyën ets mëti'ipë pokymyëëtën.

Biblia Mixe de Quetzaltepec

³ jëtu'un xy'ënëëmëty: Jëtu'un yë Wintsën y'ënä'äny: Ëjts mëtsipës yam n'awinpity ma mijtsën ets nkupujxta'aja'anyës yë ja'ay, yë'ëpaat mëti'ipë ka'ap pyokymyëëtëtyën ets mëti'ipë pokymyëëtën.

Ezequiel 21:3 ပူးပေါင်းရင်းမြစ်များ

Jeremias 21:13

Mijts kajpn mëti'ipë yajpatpën joyjoty mëti'ipë jam ënä'ämp yajkutujkpën, mëti'ipë yajpatpën jëtu'un tä jeexyë tsaatunkëjxy y'ityën jam joyjyotm, ëjts mëti'ipë Wintsën'ajtpën, mëtsipës të nnänyikäjpxyë ma mijtsën. Miitsëty jä'ä m'ëna'antë: ¿Pën jëtää xy'ëkmä'ämyëp, pën jëtää xy'ëknipëtë'kmëp ets xy'ëknitëjkëmëty yaa ma yu'utsy kë'ëy ets këwent'aty nyajpatëmën?

Job 9:22

Aakjëtu'un winë y'ixëty. Jëtu'unës ëjts nmay ntajy; yë'ë je'eyëm tyaj'ooky ja'ay, wä'än tpokyjyä'äyëty ets wä'än twa'atsja'ayëty.

Nahúm 3:5

Yë Wintsën mëti'ipë maaytyääyëpën winë jëtu'un y'ënä'äny: Tyaajës nyajpaaty ets mijts ëxëëk ntuna'any: Yë'ëjës yam yë m'ëxmuk nyujkwitsäämpy jampaat ma mwiin mjëjpën ets ja'ayëty mëti'ipë wiink naax wiink kajpn tso'ontëpën ëxwa'ats m'ixku'ixëtëty ets mtsëtyu'unpaatëty ma ja yajkutujkpëtëjkën.

Nahúm 2:13

Jëtu'un yë Wintsën y'ënä'äny mëti'ipë maaytyääyëpën winë: Tyaajës nyajpaaty ets mijts ëxëëk ntuna'any: Nino'kta'ajäämpyës yam yë mpujxn wintëkäämpë etsës jëënjok je'eyë nyaj'awinpita'any; nya'ookäämpyës yë m'u'unk ets ntimy yajkutëkoyä'änyës ja to'onën mä'tsën ma mnaax mkajpnën ets ka'ap nëjkx nijëna'a y'ëkyajmëtoownë ja y'aaw y'ayukëty ja nkäjpxynyajxpëtëjkës.

Ezequiel 5:8

Paatyës yam n'ëna'any, ëjts Wintsën: Ëjts nän mëtsipës yam n'awinpita'any mëët mijts, Jerusalén; ntëytyunäämpy yam ets y'ixtëp yë wiinkëtypë naax kajpn,

Zacarías 13:7

Yë Wintsën mëti'ipë maaytyääyëpën winë, jëtu'un y'ënä'äny: Pëtë'ëk, tëypyujxn, nipëtë'ëk yë kupixyny këwent'ajtpës ets nipëtë'ëk yë ja'ay mëti'ipës xypyutëjkëpën. Yaj'ook mëti'ipë kupixyny këwent'ajtpën ets kyääkwa'kxta'atëty yë kupixyny, etsës mëtsip n'awinpita'anyës ma ja kupixynyëtyën.

Sofonías 2:12

Näyjyëtu'un miitsëty Etiopíë ja'ayëty nän nëjkxëp yë mëj Wintsën myajtsëtyutëtë mëët yë tëypyujxn.

Ezequiel 26:3

Paaty ëjts maas nWintsën'atyën, jëtu'unës yam n'ëna'any: Tirë, ëjts jëtu'unës yam näpyëjktä'äkyë ma mijtsën tä tu'uk mmëtsipën. Ëjts ntuknipëjktaakëjäämpy ets may yë naax kajpn mnipëtë'ëkëtëty jëtu'un tä nëë o'pykyën mejyjoty,

Ezequiel 21:19

Kääts mäjtsk yë tu'u ma Babilonyë yajkutujkpë tmënaxëtyën yë tyiypyujxn. Ja mäjtskpë ja tu'u aakjam tsyoontëty ma tu'ukpë kajpnën, ma ja tu'u tsyo'ontä'äkyën jam xykyëxja'ajëty maatsow nyijkxyën.

Ezequiel 14:21

Ëjts Wintsën, jëtu'unës n'ëna'any: Ni'ik o'ktëy nëjkx yë Jerusalén kajpn jyäty kyëpety koos ntuknikäxëty ja majktaxkpë ëyo'on: Tsip, yuu, jëyujk ets pa'am ets y'ooktëty ja ye'etyëjk to'oxytyëjk ets jëyujkpaat.

Ezequiel 14:17

E koos njaakyaj'itëty yë tsip ma tääpë kajpnën ets nyajkutukëtyës wä'än t'o'kta'atë yë ye'etyëjktëjkëty ets jëyujkëty,

Ezequiel 5:12

Tu'kpëky ma ja tëkëëk pëkpyën, yuu xëëwës ntukyaj'ookäämpy ets pa'am ëyo'on ets ja mëmäjtskpëkpyë nëjkxëp yë myëtsip yaj'ookëtë mëti'ipë ënety të yajnatukyën, e ja mëtëkëëk pëkpyë jëtu'unyës nwojpwa'xta'aja'antë naaxwiinyëtë apëtsëmy. Etsës mpapo'oja'antë mëët yë tëypyujxn nkë'ëkëjxmës.

Jeremias 51:25

Ëjts mëtsipës nnaxy ma mijtsën. Jëtu'un mijts tä yë tun kopkën mëti'ipë yajkutëkoopyën, mëti'ipë tu'kë'ëyë yë naaxwiinyëtë yajkutëkoopyën. Ëjts Wintsën, ëjts ënaanp. Nxajtëwäämpyës yë nkë'ë ets mijts ntëytyuna'any, nyajwinkëpipäämpy tsaakäätswiiny ets nyaj'awinpita'any tä kopkën tëëpë nyitooytyu'utyën.

Jeremias 51:20

Jëtu'un tä kuwojpënën, jëtu'un tä pujxn mëti'ipë yajmëtsiptuunpën, jëtu'un mijts Babilonyë nwa'any. Mëët mijtskyëjxm të nyajkutëkoyës yë naax kajpn ets të nyaj'atëkoyës yë ënä'ämtakn kutujktakn.

Jeremias 50:31

Yë Wintsën mëti'ipë maaytyääyëpën winë, jëtu'un y'ënä'äny: Naax kajpn mëti'ipë amëj akëjxm kajpn'ajtpën, tëë nmëtsiptsoony; tëë tpaaty ja xëëw jëmëjt ma xykyumëtowëtyën yë mpoky.

Isaías 34:5

Jëtu'un jam tsyoona'any ja amay jotmay tsajpkëjxm tä ja'ay tëypyujxn tjëpijpminy tjëpijxëpyën, jam kyëta'aka'any Edom, mëti'ipë tëë yajtuknipëjktaakën ets kyutëkoyëty.

Isaías 10:5

Yë Asiria kajpn yë'ëjës nyajtunäämpy tä jeexyë tu'uk kepy nkajpë'ëkyënës mëti'ipës ntukwopantëpën koos të xyajjoot'anpëktë.

Eclesiastés 9:2

Aak o'kpë aak tëkoopyë ja'ay y'itë, wä'än yë'ëjëty wa'ats ja'aytyëjk ets ëxëëkja'aytyëjk, wä'än t'oyjyä'äyëty wä'än t'ëxëëkja'ayëty, wä'än të'kxypyëty ets wä'än tpu'uxm mëëtpëty, wä'än yë'ëjëty mëti'ipë wintsë'kën yäjkpyën ets wä'än yë'ëjëty mëti'ipë ka'ap tyäkyën; näjyëtu'un yë wa'ats ja'ay ets pokyjyä'äy, mëti'ipë, jëtu'un mëti'ipë Dios xyëëwkuuykyäjpxypën ets mëti'ipë ka'ap txëëwkuuykyäjpxyën.

Salmos 17:13

Pëtë'ëk, Wintsën, mijts mëët näwyinkuwa'akët. Yajtëj yaj'ojtsë yë kyë'ëkox tyekykyox. Tukuwaankës yë mtëypyujxn ma ëxëëk ja'ayën.

Éxodo 15:9

Yë mmëtsip tyaa ënety të myäy të tyäjy: Mpapo'ojäämpyës yam mapaatës najtspaatën, etsës nyajwa'kxtaja'any, mëti'ipës ënety të mpëjkëtyä'äyën, koonëmës yajxon nku'uxëtëty. Etsës nkupujxta'aja'any mëët ja mpujxnës, mëti'ipës nkë'ëkë'ë'ajtypë.

Isaías 57:1

Yë oyjyä'äytyëjkëty ko y'ooktë, ni pën kyamëmay kyamëtajyë; Yë oyjyä'äytyëjkëty jëtu'unyë yaj'ijxtëkoytyë, ka'ap pën tja'akyukë ko y'ooktë ëwaatsëtuuy'ajtën pyatëp,

Ezequiel 13:8

Paaty ëjts maas nWintsën'atyën jëtu'unës n'ëna'any: Miitsëty ko xynyikajpx xynyimëtya'aktë ka'apë tyiyëtyën ets mëti'ipë m'antijtëpën xy'ixtë ka'ap myëtëyëty, ëjts mëtsipës n'awinpity ma miitsëtyën. Ëjts Wintsën ëjts ënaanp.

Ezequiel 29:10

Oy, ka'ap wyi'ixëty, mëtsipës nnaxy ma mijtsën ets ma mmëj nëëjotmën. Tsë'ëkë jawë nyaj'awinpita'any tä të'ëts itën ets mon tuk, tyimtsoonëty jam Migdol ets jya'tëty Asuán, jampaat nyaxëty ma Etiopíë mëët mtu'kmëtsëpa'an'atyën.

Salmos 80:17

e mijts mputëkëp ja ja'ay mëti'ipë kë'ëm të xywyin'ixyën, ja ja'ay mëti'ipë kë'ëm të xypyëjktä'äkyën,

Salmos 83:15

jëtu'un ixjëtit pajëtit tä wyëtsukyën, ets ëtsë'ëkë mëët yë mëkpoj mëk yoots.

Jeremias 17:27

E pën miitsëty ka'ap mja'akyukëtë ets ka'ap xypyatuntë ja n'ënä'ämënës ets po'kxënxëëw ka'ap xypyo'kxtë. Pën mënajxtëp ja tsëmy kë'ëy, ja juy tooky jam ma ja tëjkëtyaknën, ma ja naax kajpn yajnitëkën, ëjts njëënmo'ojäämpyës tääpë naax kajpn, nyajnitooyäämpyës yë Jerusalén yë tyëjk aaw ets ko ënety jëtu'un ntunyës, ni pën nëjkx kyamayë tyajpi'itsëty ja jëën.

Jeremias 21:14

Ëjts miits ntëytyunantëp ijxtëm mpaatëtën mëët mëti'ipë të xytyuntën; nyajtooypyëkäämpyës yë yukjot ets jampaat yë jëën y'ëwtita'any ma pya'a nyuxën. Ëjts Wintsën, ëjts ënaanp.

Ezequiel 24:9

Jä'ä ko yë Wintsën jëtu'un y'ënä'äny: Mon tuk yë naax kajpn yajpaaty mëti'ipë je'eyë yaja'ay o'kpën. Tyamës kë'ëm n'oytyuna'any jëëntooytyakn.

Amós 5:6

Yë'ë Wintsën ninëjkxtë ets mjuuky'atëty; pën ka'ap yë'ë xynyinëjkxtë kyäxäämpy yë jëën ma Israel kajpnën ets ka'ap jam Betel pën myäyëtëty wi'ix tyajpi'itsëty.

Amós 7:4

Ënätës yë Wintsën të xytyuk'ixy: Ko tu'uk yë ëyo'on të tkexy, mëti'ipë jëtu'un këxë'kpën tä jëënën, tëë tyajtë'ëtsy ja komnëë ets nëkooyë ja tun kopk të tyajwintooytyutaaynyë.