Ezequiel 21:2 - Biblia Dc en Mixe de Quetzaltepec

² Mijts ye'etyëjk, nëjkx jatëkok jam Jerusalén ets xynyikajpx xynyimëtya'akëty ko yë tsajptëjk mëti'ipë jamën o'ktëy jyata'any. Ëjts yë nxëëw mtukajpxpätëp ko ënety xynyimëtyä'äky wi'ix jya'ta'any yë Israel kajpn,

Biblia Mixe de Quetzaltepec

² Mijts ye'etyëjk, nëjkx jatëkok jam Jerusalén ets xynyikajpx xynyimëtya'akëty ko yë tsajptëjk mëti'ipë jamën o'ktëy jyata'any. Ëjts yë nxëëw mtukajpxpätëp ko ënäty xynyimëtyä'äky wi'ix jya'ta'any yë Israel kajpn,

Ezequiel 21:2 ပူးပေါင်းရင်းမြစ်များ

Ezequiel 20:46

Mijts ye'etyëjk, nëjkx jam ëpa'tkë'ëmtsow; nëjkx jam mëtyä'äky, ëjts yë nxëëw mtukajpxpätëp yë'ë mnikajpxëp mnimëtya'akëp wi'ix jyata'anyën yë yuk it ëpa'tkë'ëmtsowpë yajpaatyën,

Ezequiel 4:7

Tääts jatëkok mwinpitëty jam Jerusalén, natuky mëët ja mëtsiptëjk; mjëjpxa'atswinpitëp yë mkë'ë wit ets ëyo'on mnikapx mnimëtya'akëp ëjts nxëëwkyëjxmës ma yë'ëjëtyën.

Ezequiel 28:21

Mijts ye'etyëjk, winpit jam Sidón ets xy'ënëëmëtëty yë ja'ay ëjts nxëëwkyëjxmës.

Ezequiel 25:2

Mijts ye'etyëjk, nëjkx jam ma Amón ja'ayëtyën ets xytyukmëmëtya'aktëty ëjts nxëëwkyëjxmës wi'ix ëxëëk jyata'an kyëpäta'antën.

Efesios 6:19

Tuknija'amyäjtsëtëkës ja Dios, ets ja Dios ja aaw ayuk xymyo'ojëtyës mëti'ipës nimëtya'akëpën, etsës amëk jotmëk nkajpxëty ets ja ja'ay ntuknijawëtyës ja oy'aaw oy ayuk, mëti'ipë ijty kayajnija'apën.

Miqueas 2:11

Ko ja ja'ay tu'uk wyin'ëënëty ets y'ëna'anëty: Ëjts yë'ëjës yam nnikäjpxyp nimëtyäkpy yë tsatym nyëë tëëpë nyimaanaxyën ets nëë mëti'ipë mukpën, jëtu'unpë ja'ay yë'ë ja naax kajpn oy tsyojkpy ets kyäjpxynyajxpë'atëty.

Miqueas 2:6

Ëëtsëty ka'apës yam yë'ë ntsoktë ets tii xytyukmëmëtya'aktëtyës yë käjpxynyajxpëtëjkëty, jëtu'un y'ëna'antë. Yë ëyo'on ka'ap xypyaata'anëmë.

Amós 7:16

Paaty n'ënëëmë ets xymyëtoow'itëty ja Wintsën ja y'aaw y'ayuk. Mijts jëtu'un m'ëna'any: Këtii nëkoo Dios yë y'aaw y'ayuk xynyimëtyakë ma Israel kajpnën ets këtii nëkoo wiinkjaty xynyimëtya'akëty yë Isaac yë y'u'unk y'ok.

Ezequiel 38:2

Mijts ye'etyëjk, Nikajpx ëjts nxëëwkyëjxmës ko yë Magog yë nyaax kyajpn ëxëëk jyata'any kyëpäta'any ets xynyimëtya'akëty ëjts nxëëwkyëjxmës tii ëyo'on yë Gog pyatäämpyën, mëti'ipë wintsën ijtpën ma tsiptuunpëtëjkëtyën jam Mésec ets Tubal.

Ezequiel 36:1

E mijts ye'etyëjk, mëmëtya'ak yë tun kopk ëjts nxëëwkyëjxmës, mëti'ipë jam ma Israel ja'ayëtyën ets xy'ënëëmëty ko wä'än tmëtoow'itë yë n'aaw n'ayukës.

Ezequiel 29:2

Mijts ye'etyëjk, yë'ë tyam yë yajkutujkpë mëkajpx, mëti'ipë jap Egiptë ënä'ämpën ets xytyuk'ëwaanëty ëjts nxëëwkyëjxmës wi'ix yë Egiptë kajpn jyata'any kyëpäta'anyën.

Ezequiel 6:2

Najts'ixë jam ma Israel tyun kyopkën ets xymyëmëtya'akëty ëjts nxëëwkyëjxmës,

Ezequiel 4:3

Tääts xykyiiyë'ëkëty tu'uk yë pujxn jam xynyajtskëyëty itkujky ma mijtsën ets ma ja kajpnën, jëtu'un tä jeexyë jää y'apojtstukyëtyën ets mwa'ak'oyëty ma ja kajpnën wintuuytsyow tä jeexyë xynyipëtë'ëkyën. Yë'ë ijxpäjn wë'ëmëp ma ja Israel ja'ayëtyën.

Deuteronomio 32:2

Jëtu'unës yam ya'atë aaw ayuk najtsmatsëja'any, tä tyu'uy pyojyën, ets jya'tëty jap ma jot winma'anyën, tä yë maanikën, tä yë tuu kyëtä'äkyën naaxkëjxy ets tä yë maanik tyajxookyën yë mëëynyak.

Job 29:22

Koos nkajpxta'ay ni pën ijty xykyajëjpmëkajpxës. Jëtu'un ja n'aaw n'ayukës pyata'ajëtë tä nëë tu'ktsunyjyäty kyä'äyën ma yë'ëjëtyën,

Ezequiel 21:1

Ënet ja Wintsën ojts xymyëkäjpxyës ets xy'ënëmaayës:

Isaías 37:24

Je'eyë mtuunpë të xytyuk'ëne'emy ets të tnëxi'ik të tukxi'iktë yë Wintsën. Jëtu'un ojts m'ëna'any: Ëjts may kepy wintëkäämpë nmëët'atyës, jampaat muum kopkëjxm nja'tyës, jampaatës të nja'ty ma Líbano kyopk kupi'tykyën. Etsës të npujxë'ktaayë ja y'ajë kepy mëjëtypë ets tsiin kepy oyëtypë. Tëës ntukjëtijtëtyääyë tyun kyopk mëjëtypë ets yukjot kepyjyot mëti'ipë jëtu'un këxë'kpën pëjykyamën.

Ezequiel 11:4

Paatykyëjxm mijts, nëjkx mëmëtya'aktë ëjts nxëëwkyëjxmës.

Ezequiel 24:9

Jä'ä ko yë Wintsën jëtu'un y'ënä'äny: Mon tuk yë naax kajpn yajpaaty mëti'ipë je'eyë yaja'ay o'kpën. Tyamës kë'ëm n'oytyuna'any jëëntooytyakn.