Ezequiel 20:7 - Biblia Dc en Mixe de Quetzaltepec

⁷ Ets n'ënëmaaytyës ko wä'än t'ëxmajtsta'atë yë tyiosëty mëti'ipës n'ëxëëk'ijxypyën ets ka'ap nëkoo tpanëjkxtëkëtëty yë awinax japë Egiptë yajpaatyën, jä'ä ko ëjts mëti'ipë Wintsën'ajtpën, ëjts yë xyTyios'ajtëp.

Biblia Mixe de Quetzaltepec

⁷ Ets n'ënëmaaytyës ko wä'än t'ëxmajtsta'atë yë tyiosëty mëti'ipës n'ëxëëk'ijxypyën ets ka'ap nëkoo tpanëjkxtëkëtëty yë awinax japë Egiptë yajpaatyën, jä'ä ko ëjts mëti'ipë Wintsën'ajtpën, ëjts yë xyTyios'ajtëp.

Ezequiel 20:7 ပူးပေါင်းရင်းမြစ်များ

Ezequiel 20:8

E yë'ëjëty je'eyë ojts xykyäjpxy kumëtoownaxtës ets ka'ap tja'akyujkëtyë ijxtëm nja'ënëmaaytyës; ka'ap t'ëxmajtstë ja y'awinaxëty mëti'ipë jap Egiptë ets nän ka'ap tyajma'taaytyë ja wyiink tyiosëty. Ojtsës njamay njatajy nyajnaxa'any ja njoot'an ma yë'ëjëtyën etsës jap Egiptë njatëytyunantë etsës jotkujk nwë'ëmëty.

Ezequiel 18:31

Tim mëjëkämkä'äktë yë ëxëëkajtën maas të xymyëtëkoytyën, yaj'oyëtë ets yaj'ajämëtë yë mjuukyajtënëty. ¿Mijts Israel, tii ko m'ëk o'kpëty?

Ezequiel 23:8

Jëtu'un jap tyimtso'ontäky Egiptë ja jyot nyini'kx tmo'oy oypyënëty ets ka'ap jëtu'unpë tuunk t'ëxmajtsy. Ma y'ëna'k'ajtyën may ja ye'etyëjk ojts myëëtko'knëty ets tyajtëkooy ja y'akiixyajtën ets y'awinpijty to'oxykyujeny.

Ezequiel 23:3

Tääpë nimäjtskpë to'oxytyëjkëty ëna'k'ajtëp ënety ko ojts tpatso'onta'aktë kujenytyuunk, xim yam ja ye'etyëjk tmëët'atë; ko jap Egiptë y'ijtë ka'ap wi'ix y'ënantë ko yajtsi'tskpäntë, jëtu'un'äämpy ojts tyajtëkoytyë ja y'akiixy'ajtënëty.

Ezequiel 20:19

Jëtu'unës n'ënëmaaytyë: Ëjts Wintsën, ëjts jëtu'un xyTyios'ajtëp. Patuntë yë n'ënä'ämënës, ntëyajtënës,

Ezequiel 18:15

ka'ap jam nyijkxy kopkkëjxm ma yajnixëëwtunyën ja wiink tios ets ka'ap wiink tios tuk'ijxpety mëti'ipë jam yajpatpën ma Israel kajpnën; ka'ap tpëjkë myëku'uk yë tyo'oxytyëjk

Ezequiel 18:6

ka'ap jam nyijkxy kopkkëjxm ma ja'ay tnixëëwtunyën awinax ets ka'ap tuk'ijxpety ka'apë tiosëtyën mëti'ipë Israel ja'ayëty myëët'ajtëpën; ka'ap yë myëku'uk yë tyo'oxytyëjk t'atsojkë ets wyinkutsë'këp yë tyo'oxytyëjk ko y'ëmaay'ity;

Ezequiel 14:6

Paaty mijts, jëtu'un xy'ënëëmëty yë Israel ja'ayëty: Jëtu'un yë Wintsën y'ënä'äny: Wimpitë ma ëjtsën, ëxmatstë mtiosëty ka'apë tyiosëtyën ets majtstu'utë ëxëëk tuunk ëxëëkkajpxk.

Ezequiel 6:9

Ja ja'ay mëti'ipë ënety juuky të jyaakwë'ëmtën jam nëjkx xyjyä'ämyätstës wiink kë'ëy wiink kajpn; nëjkxëp tja'amyätstë wi'ixës ënety të nyaj'ëyowtën mëët ko të xykyamëj'ixtës ets ko të xypyuwa'ktu'utës ma të tpanëjkxtëjkënyëtën wiink tios. Nëjkxëp kë'ëm tjawiink ijxnëtë ja tyëko'oyënëty mëti'ipë ënety të tuuntëkoy të tkajpxtëkoytyën ets mëti'ipë ënety tëkatsy të tmëmay të tmëtajtën.

Isaías 31:7

Jä'ä ko jä'ä xëëw ma ënety miitsëty ka'ap xy'ëktsojknëtën ja m'awinaxëty mëti'ipë oytyunyën mëët yë pu'ts pujxn ets poop pujxn, mëti'ipë kë'ëm myajkojtën mëët ja mkë'ë m'aawëty mëti'ipë të tyuuntëkoyën.

2 Crónicas 15:8

Ko ja Asá jëtu'un tmëtooy ya'atë ja aaw ayuk mëti'ipë nyikäjpxypën ja Wintsën ja tyuunpë, ënät myëkpëjky ets jyotmëktäky, tääts tyajkutëkooytyääy ja awinax ka'apë y'oyëtyën jampë ënety yajpaatyën Judá ets ma Benjamín y'itjotmën; ma ja kajpnëtyën mëti'ipë të tnitsiptunyën ma ja Efraín y'itjotmën. Ojts tkoj'o'oyë ja Wintsën ja tsyajptëjk, ja wintsë'këntyakn mëti'ipë yajpatpën winkon ma ja teetytyëjkëty ja wyit nyätyukxoxëtën.

Josue 24:14

Mëët tu'kë'ëyë ya'atë mëti'ipë yë Wintsën të tunyën, wintsë'ëkëtë ënät ets mëtuntë winë aaw winëjot. Ixmatstë yë wiink tios mëti'ipë yë m'ap m'ok y'ëwtajtën jam Éufrates mëjnëë'ëkë'ëm ets Egiptë naaxjotm ets mëtuntë yi'iyë tu'uk yë Wintsën tëypyë jaantypë.

Éxodo 20:4

Ka'ap tii kë'ëm xyajkojëty ëkë xyajnikojtu'utëty mëti'ipë jam tsajpjotm ijtpën, ëkë mëti'ipë naax pa'tkë'pën, ëkë mëti'ipë jap nëëjotyën naaxpa'tkë'pë yajpaatyën.

Éxodo 20:2

Ëjts jëtu'un Wintsënajtp, mëti'ipë mijts mTios'ajtypyën, mëti'ipë ojts mjuutyën jap Egiptë, ma ënety mmëtuny m'ëyoyën.

Éxodo 16:12

Tëës nnijawë ko yë Israel ja'ayëty je'eyë wiinkjaty myäytyë tyajtë. Paaty tyam kopkpëky ko xymyëkajpxëty ets xy'ënëëmëty: Ko jyënäkyxyëëw'atëty, ja tsu'utsy jää mtsu'utstëp, e ko jyopyëp'atëty yë tsajpkääky jää mkaytyëp, koonëm yajxon m'utstëty. Jëtu'unts xynyijawëtëty ko ëjtsë jëtu'un Wintsën mëti'ipë Tios'ajtpën.

Éxodo 20:5

Ka'ap jëtu'unpë xywyinkoxtänëty, ëkë xymyëjjaw xyjyäänty jyawëty. Jä'ä ko ëjts jëtu'un mWintsën Dios, mëti'ipë ni'äkë'ajtp ets tmo'oy ja tëytyu'unën ja taak teety ja y'ëxëëktu'un y'ëxëëkkajpxën ma ja u'unk ëna'kën ets ma ja ok'u'unk ok'ëna'kën ets ma ja ok'u'unk ok'ëna'kën ja y'u'unk y'ëna'këty, tëkëëk ets taxk najtskä'äxë paat.

Éxodo 22:20

Pën myoopy yë wyintsë'kën yë wiink tios, jëtu'un tä jeexyë yi'iyë atu'uk yajmo'oyën yë Wintsën, yë jëtu'unpë ja'ay nän nitëjkëyëp y'ookëty.

Ezequiel 23:7

Ja Asiria ja'ay winpiypyë, yë'ë ojts yë Oholá jyot nyini'kx tmo'oy ets yë'ë ojts ni'ik tsoky yë tyiosëty mëti'ipë y'ëwtajtëpën ets näjyëtu'un t'ëwtajty.

Ezequiel 34:24

Ëjts Wintsën, ëjts nëjkx xyTyios'atë ets ntuunpës David yë'ë nëjkx nyikopk'atëtë. Ëjts Wintsën, ëjts ënaanp.