Ezequiel 20:30 - Biblia Dc en Mixe de Quetzaltepec

³⁰ Ënëëmë yë Israel kajpn: Jëtu'un yë Wintsën y'ënä'äny: ¿Wi'ix ko miitsëty näjyëtu'un winë ëxëëk xytyuna'antë tä ja mteety m'apëtyën? ¿Wi'ix ko xyajtëkoytyë näywyinkutsë'kën maas ëjtsën ko xy'ëwtatë ja wiink tios ka'apës n'ixa'anyën?

Biblia Mixe de Quetzaltepec

³⁰ Ënëëmë yë Israel kajpn: Jëtu'un yë Wintsën y'ënä'äny: ¿Wi'ix ko miitsëty näjyëtu'un winë ëxëëk xytyuna'antë tä ja mteety m'apëtyën? ¿Wi'ix ko xyajtëkoytyë näywyinkutsë'kën maas ëjtsën ko xy'ëwtatë ja wiink tios ka'apës n'ixa'anyën?

Ezequiel 20:30 ပူးပေါင်းရင်းမြစ်များ

Jeremias 16:12

E miitsëty nän wäänë o'ktëy të m'ëtëtsnëtë këtiinëm ja m'ap m'okëty, nitu'ukjaty aakjëtu'un winë të xytyuunëtë tä kë'ëm mmaytyën mtajtën ets ka'apës të xymyëmëtowtë.

Jeremias 7:26

E miitsëty ka'apës xymyëmëtowtë ets ka'apës nijënu'un xytyimmëjpëjkta'aktë, ni'ikyë wiinkjaty m'ëtëtsta'aktë këtiinëm ja m'ap m'okëty.

Jueces 2:19

E ko ja ja'ay y'o'knë mëti'ipë ënety tsip'ixyën ets tëë ja nyaax kyajpn twinye'ey ënätyë ijty jatëkok ja wyinma'any tyajtëkoytyë ets ni'ik o'ktëy winë tuntë këtiinëm ja y'ap y'okëty, t'ëwtatë ja wiink tios ets tmëtuntë. Ninu'un ënety tkatimy'ëxmatstë ja y'ëxëëktu'un y'ëxëëkkajpxënëty ets ja y'ëxëëkjot y'ëxëëk winma'anyëty.

Hechos 7:51

Tääts ja Esteban tjaaknëmaay ja ja'ayëty: Miits ka'ap mmëtowtë. Jëtu'un miits ja mtatsk xypyëjkta'aktë ijxtëm mëti'ipë kyamëpëjktëpën ja Dios. Jëtu'un miitsëty ijxtëm ja m'aptëjkëtyën, xëmë ka'ap xykyupëktë ja Kënu'kxymyëkajtën.

Mateo 23:32

Tuunka'pxtë ënät mëti'ipë ja m'aptëjk ojts tyajtso'onta'aktën.

Jeremias 9:14

Kujuun nyäpyëjktakëtë ets jëtu'un ojts winë tuntë tä ja kyë'ëm jot kyë'ëm winma'anytyën ets wiink tios ojts t'ëwtajtnëtë tä yë y'aptëjk tyukni''ijxëyëtën.

Ezequiel 2:3

jëtu'un y'ënaan'ëtë'ëtsy: Mijts ye'etyëjk, tyam yë Israel ja'ay ntuknikäxa'any, yë kajpn ka'apë jyä'äkyukën mëti'ipë käjpxy kyumëtoownajxpën, yë y'ap y'okëty ets yë'ëjëty tëëjës xynyipëtë'ëktë ets jëtu'un tyampaat.

Ezequiel 20:26

Ojts n'ëxmajtsnës ets nyäyaj'ëxëëktëkëtëty mëët ja wintsë'kën mëti'ipë myooytyëpën ja awinax ets yë'ëpaat ma ja y'u'unk y'ëna'këty kä'äxkopkpë tukwintsë'ëkëtë ja ka'apë tiosëtyën. Ya'atë paatyës jëtu'un ntuuny ets tsyë'ëkëtëty ets nijawëtëty ko ëjts Wintsën.

Ezequiel 20:29

Ënätës nyajtëëwtë: ¿Tii awinaxën tääpë nyitsajptëjk ma xëmë mye'eytyën? Ets ojts xyëëwpety Awinax Tsajptëjk, tyampaat jëtu'un yajtijy.

2 Crónicas 30:7

Këtii mëpaat jëtu'un mja'ay'atë tä ja m'ap y'ok jyuukyajtën ets ja mjëëky mëku'ukëty mëti'ipë ojts ka'ap ja Wintsën tmëj'ijxtën ets kyë'ëyajkëtë, ma ëxëëk jyajtën kyëpäjtën.

Salmos 106:39

Yë'ëjëty ojts nyäyaj'ëxëëkëtë, mëët ja y'ëxëëktu'un y'ëxëëk kajpxën.

Jeremias 7:9

Mmä'tstëp, myajja'ay'o'ktëp, mmëët'ajtëp wiink ye'etyëjk wiink to'oxytyëjk, ka'ap tii mëtëy xynyikajpxtë; mwintsë'këtyëp ja Baal ets wiink tios m'ëwtajtëp mëti'ipë ka'ap xy'ixy'atën,