Ezequiel 20:12 - Biblia Dc en Mixe de Quetzaltepec

¹² Ojtsës näjyëtu'un ntuknijawëtë wi'ix tpo'kxtëtyën yë po'kxënxëëw, mëti'ipë ijxpäjn wë'ëmpën ma yë'ëjëtyën ets ëjts yë'ëjës yajtukja'amyätsëp mëti'ipës të nätyuknikënu'kxëtyën.

Biblia Mixe de Quetzaltepec

¹² Ojtsës näjyëtu'un ntuknijawëtë wi'ix tpo'kxtëtyën yë po'kxënxëëw, mëti'ipë ijxpäjn wë'ëmpën ma yë'ëjëtyën ets ëjts yë'ëjës yajtukja'amyätsëp mëti'ipës të nätyuknikënu'kxëtyën.

Ezequiel 20:12 ပူးပေါင်းရင်းမြစ်များ

Ezequiel 20:20

mëjjawëtëp ets wa'ats xyajnaxtëty yë npo'kxën nxëëwës; yë'ë wa'anëp ijxpäjtën ma miitsëtyën ets ma ëjtsën; jëtu'un xynyijawëtëty koos jëtu'un Wintsën, mëti'ipë m'ëwtajtëpën.

Ezequiel 37:28

Ko ënety yë ntsajptëjkës yajpaaty xëmë ma yë'ëjëtyën, nëjkxëp yë wiinkëtypë naax kajpn tnijawëtë ko yë Israel kajpn yë'ëjës të nwin'ixy etsës yë'ë nkajpn'ata'any.

1 Tesalonicenses 5:23

Wä'än ja Dios, mëti'ipë jotkujk'ajtën yäjkpyën, yë'ë wa'ats tyaj'ity ja mjot mwinma'anyëty, mjot mja'awënëty ets mni'kx mkopkëty; ka'ap ënety ja poky xymyëët'atë ko ja Wintsën Jesukristë myinëty.

Nehemías 9:14

Ojts xytyukni''ixë ets tpo'kxtëty ja po'kxënxëëw, ojts xymyo'oy ja ënä'ämën tëyajtën ets ijxpëjkën mëtëypyë, mëti'ipë kyë'ëyajkën ja Moisés.

Éxodo 35:2

Jyëkyejpy tëtujk xëëw mtuntëty mye'eytyëty e kom wëxtujk xëëw po'kxënxëëw jäänë, wa'ats mëpaat ya'atë xëëw y'ity, jää mpo'kxtëty ets yi'iyë yë Dios jää yaj'ëwtatëp. Pën jää tiituunk tyuunpy, kopkpëky ko y'ookëty.

Éxodo 16:29

Yë'ë yajxon mtimyjä'äymyätstëp, ko ëjts, mëti'ipë Wintsën'ajtpën, tëëjës tu'uk nnikäjpxy yë xëëw, mëti'ipë mpo'kxtëpën. Paatykyëjxm ma tyëtujkxëëwpetyën nmo'otë miits yë mjë'kxy mpëkëty mëti'ipë naje'eyë mni''itëpën mäjtsk xëëw. Ko ënät wyëxtujkxëëwpety, jam myajpaatëty ma mjëën mtëjkëtyën ets ni pën kyatsoonëty.

Génesis 2:3

Ënet ojts tkënu'kxy ja mëwëxtujkxëëwpë ets ojts tnikäjpxy ko wa'ats mëpaat y'ity, jä'ä ko jää ojts pyo'kxy ko tyuuntaay ma ënety winë të tyajkojy të tpëjktä'äkyën.

Judas 1:1

Judas, Jesukristë myëtuunpë, Santiagë myëkä'äx. Tyam mkajpxpo'kxëtë jënu'un ja Dios Teety të mëkajpxëtën, mëti'ipë ja Jesukristë ijx'ijtëtëp këwent'ajtëtëp.

Colosenses 2:16

Këtii xymyëjpëjkta'aktëty ko ja'ay mnikajpx mnimëtya'akëtëty pën tii mkaaytyëp mjë'kxtëp, mëti'ipë xëëw m'ëmaay'ajtëp mka'ëmaay'ajtëp, pën yë'ë jempyo'o ëkë po'kxënxëëw.

Isaías 56:2

Jotkujk ja'ay yajpaaty mëti'ipë pyanëjkxypyën ya'atë tëyajtën ets mëti'ipë kyuuytyuunpyën tëy tëtä'äky, mëti'ipë po'kxpën po'kxënxëëwëtë ets ka'ap jää tii ëxëëk tuny tkäjpxy.

Jeremias 17:22

Këtii nëkoo tsëmy kë'ëy xymyëtsoontëty ma mjëën mtëjkëtyën ko po'kxënxëëw ets ka'ap tiituunk jää xytyuntëty. Ma tääpë xëëwën ëjts jää xymyëj jawëtëp jëtu'un tääjës ojts n'ënëëmëtën yë m'ap m'okëty.

Ezequiel 20:26

Ojts n'ëxmajtsnës ets nyäyaj'ëxëëktëkëtëty mëët ja wintsë'kën mëti'ipë myooytyëpën ja awinax ets yë'ëpaat ma ja y'u'unk y'ëna'këty kä'äxkopkpë tukwintsë'ëkëtë ja ka'apë tiosëtyën. Ya'atë paatyës jëtu'un ntuuny ets tsyë'ëkëtëty ets nijawëtëty ko ëjts Wintsën.

Ezequiel 44:24

Ko ja'ay tsyippaatëty yë'ë nëjkx tnipaye'eytyë ja tëko'oyën tä jeexyë tu'uk nipaye'epyën mëët ja n'ënä'ämënës ntëyajtënës. Nëjkxëp tpatuntë ja ënä'ämën mëti'ipë nyikäjpxypën jëna'a ja xëëw yajtunëtyën ets kopkpëky ko näjyëtu'un tpo'kxtëty ja npo'kxënxëëwës.