Ezequiel 2:7 - Biblia Dc en Mixe de Quetzaltepec

⁷ Mijts kajpxnax yë n'ayukës, oy tmëpëk tkamëpëktëty, jä'ä ko yë'ëjëty je'eyë kyäjpxykyumëtoownaxtë.

Biblia Mixe de Quetzaltepec

⁷ Mijts kajpxnax yë n'ayukës, oy tmëpëk tkamëpëktëty, jä'ä ko yë'ëjëty je'eyë kyäjpxykyumëtoownaxtë.

Ezequiel 2:7 ပူးပေါင်းရင်းမြစ်များ

Éxodo 6:29

jëtu'un t'ënëmaay: Ëjts jëtu'un Wintsën. Tukmëmëtya'ak yë Egiptë mëj'ënä'ämpë tëkokyë mëti'ipë yam ntuk'ënëmääpyën.

Jeremias 1:17

E mijts jotmëk mnäpyëjkta'akëtëty; nëjkx ets xy'ënëëmëty ijxtëm të ntuk'ëne'emyën. Këtii ni pën xytsyë'ëkëty, jä'ä ko pën mijts mtsë'këp ni'ikyë nyajtsëyuuypyëka'any ma yë'ëjëtyën.

Jeremias 1:7

E yë Wintsën tääjës xy'ënëmaay: Këtii jëtu'un m'ëna'any ko m'ëna'knëmëty. Mijts jam mnëjkxëty ma nkäxa'anyën, yë'ë mkajpxnaxëp mëti'ipë yam ntuk'ënëëmëjäämpyën.

Jeremias 17:20

Jëtu'un yë ja'ay xy'ënëëmëty: Miitsëty Judá ja'ayëty yajkutujkpëtëjk, ënä'ämpëtëjk ets miitsëty Jerusalén ja'ayëty mëti'ipë yaa najxtëp tëjkëtëpën, mëtoow'itë ja Wintsën ja y'aaw y'ayuk.

Jeremias 23:28

Ko tu'uk yë käjpxynyajxpë wyinkuma'ajëty, wä'än t'ëna'any ko tëë wyinkuma'ay; e pën tëë t'ëxajë yë n'aaw n'ayukës, wä'än mëtëy tnimëtyä'äky. Ka'ap tu'knax tsyowpaaty yë tsajpmok ets nyikepy. Tä jëën tsyä'äyën jëtu'un yë n'aaw n'ayukës yajmëtoy ets tä pujxnka'tsnën mëti'ipë piw nuuk yë tsaa tyuunpyën. Ëjts Wintsën, ëjts ënaanp.

Jeremias 26:2

ets t'ënëmaay: Jam mwa'ak'oyëty tsajptëjk'ëkë'ëm, jam xynyikajpxta'ajëty tu'kë'ëyë ja aaw ayuk mëti'ipë të ntukmëmëtyä'äkyën, wä'än ja ja'ay tmëtowtë mëti'ipë tso'ontëpën Judá, mëti'ipë miintëpën ma tsajptëjkën. Nitii xykyaninaxëty wa'ats xynyikajpxta'ajëty.

Jeremias 34:6

Yë Jeremías käjpxynyajxpë ojts ja aaw ayuk tkajpxnajxta'ay ma ja yajkutujkpën Sedequías jam Jerusalén.

Jeremias 36:14

Ënet ja wintsëntëjkëty tkäjxtë ja Jehudí, yë Netanías yë myaank, yë Selemías yë y'ok'u'unk ets yë'ë y'u'unk y'ok yë Cusi ets t'ënëmaaytyë ja Baruc wä'än tmëjämy ja noky axaatsy mëti'ipë ënety ja naax kajpn të tukwinkajpxën. Ënet ja Baruc ojts tmënëjkxy ja noky axaatsy ma ënety jam yajpaatën.

Jeremias 42:21

E yë'ëjës të nnikäjpxy mëti'ipë ja Wintsën të t'ëtsoowinpityën, mëti'ipë miitsëty mTiosajtëpën, e miitsëty ka'ap xymyëmëtowa'antë.

Jeremias 44:20

Ënet ja Jeremías t'ëtsoowinpijty ja ye'etyëjk, to'oxytyëjkëty mëti'ipë ënety jëtu'un të y'ëna'antën:

Jeremias 6:28

Wintsën, tääpë ja'ayëty aak je'eyë kyäjpxykyumëtoownaxtë; je'eyë y'ëxëëkpi'tskajpxtë ets aak ëxëëk jyot wyinma'any tmëët'atë; jëtu'un yajpaatë tä tsuxkpujxn ets juunpujxnën.

Jeremias 7:27

Mijts Jeremías, tukmëmëtyakta'a ya'atë aaw ayuk; oy mkamëjpëjkta'akëtëty, winya'ax winjokmës oy pën mka'ëtsoowinpitëtëty.

Ezequiel 11:25

Ënätës ntukmëmëtyaktë ja ja'ayëty mëti'ipë ënety yajpatëpën tsumy matsy wiink naax wiink kajpn tëkokyë mëti'ipës ënety ja Dios të xytyuk'ixyën.

Ezequiel 12:2

Mijts ye'etyëjk, jap mjuuky'äty ma naax kajpnën mëti'ipë je'eyë käjpxy kyumëtoownajxpën. Myëët'ajtëp yë wyiinëty mëti'ipë tyuk'ixtëpën je'eyëp ko ka'ap y'ixtë; myëët'ajtëp yë tyatskëty mëti'ipë tyukmëtoowtëpën je'eyëp ko ka'ap myëtowtë, jä'ä ko tääpë naax kajpn käjpxy kumëtoownajxpë yë'ë.

Ezequiel 2:5

E oy tmëpëktëty ëkë tkamëpëktëty mëti'ipës ënety mkäjpxypën, jä'ä ko yë'ë je'eyë xëmë kyäjpxykyumëtoownaxtë, nyijawëtëp ko tää tu'uk yajpaaty yë käjpxynyajxpë ma yë'ëjëtyën.

Ezequiel 20:27

E mijts ye'etyëjk, ënëëmë yë Israel ja'ayëty: Jëtu'un yë Wintsën y'ënä'äny: Näyjyëtu'un yë mteety m'apëty tëëjës xyajjoot'anpëktë; tëë tyajtëkoytyë näwyintsë'ëkë ma ëjtsën.

Ezequiel 3:10

Ënätës xy'ënëmaay: Mëtoow'it yajxon mëti'ipë yam ntukmëmëtya'akäämpyën ets jap mjootjoty mwinma'anyjoty yajwë'ëm.

Ezequiel 3:17

Mijts, ye'etyëjk, të mpëjktä'äky ijx'ijtpë këwent'ajtpë ma Israel kajpnën. Ko ntukmëtowëty ja aaw ayuk, mkajpxnaxëp ets mnimëtya'akëp ma yë'ëjëtyën ets nijawëtëty wi'ixës ënety n'ëna'anyën.

Ezequiel 3:4

Ënätës xy'ënëmaay: Nëjkx tukmëmëtya'ak yë Israel kajpn ya'atë aaw ayuk mëti'ipës ntsojkpyën nijawëtëty.

Ezequiel 33:7

Mijts ye'etyëjk, jëtu'un të mpëjktä'äky ma Israel kajpnën tä tu'uk këwent'ajtpën. Mijts m'ëxajëp yë n'aaw n'ayukës ets xytyuknijawëty yë naax kajpn.

Ezequiel 40:4

Ënet tääpë ja'ay xy'ënëmaayës: Ëk'ix yajxon ets yajxon mëtoow'it; yajxon xytyim ix xytyimtunëty mëti'ipë yam ntuk'ixäämpyën, jä'ä ko mijts Wintsën yaa të mwoowminyë ets ntuk'ixëty ya'atë. Ok nëjkx xytyuk'ëwaanë yë Israel ja'ayëty tëkokyë mëti'ipë yam m'ixäämpyën.

Amós 3:13

Yë Wintsën, yë Dios mëti'ipë maaytyääyëpën winë, jëtu'un y'ënä'äny: Mëtoow'itë ets xynyijawëtëty wi'ix yë Jacob yë nyaax kyajpn jyata'anyën,

Jonás 3:2

Nëjkx jatëkok jam ma Nínive kajpnën ets xynyimëtya'akëty mëti'ipë yam ntuk'ëwaanëjäämpyën.

Mateo 28:20

ets xytyuk'ijxpëktëty wi'ix tpatuntëtyën tu'kë'ëyë mëti'ipë miitsëty të ntuk'ënä'ämtën. E ëjts jëtu'unës n'ëna'any ko yajpaataanpës xëmë ma miitsëtyën mapaat yë naaxwiinyëtë jyää'atyën.