Ezequiel 2:1 - Biblia Dc en Mixe de Quetzaltepec

¹ Ënätës të nmëtoy tu'uk ja ja'ay kyäjpxy etsës të xy'ënëëmë: Mijts naaxwiinyëtë ja'ay, wa'kukë, tyam nmëmëtya'aka'any.

Biblia Mixe de Quetzaltepec

¹ Ënätës të nmëtoy tu'uk ja ja'ay kyäjpxy etsës të xy'ënëëmë: Mijts naaxwiinyëtë ja'ay, wa'kukë, tyam nmëmëtya'aka'any.

Ezequiel 2:1 ပူးပေါင်းရင်းမြစ်များ

Daniel 10:11

Täätsës të xy'ënëëmë: Taniel, mëti'ipë yë Dios tsojkëpën, mëtoow'it yajxon mëti'ipë yam ntuk'ënëëmëjäämpyën: Pëtë'ëk, ëjts tëëjës mijts nyajtuknikexy. Je'eyë kyajpxtaay täätsës tsë'ëkë nwa'kujkëy.

Ezequiel 4:1

E mijts, ye'etyëjk, koonë'ëk tu'uk yë muutsy ets xykyoonta'akëty mijts mwintuuy, jam xyajnikojtu'utëty yë Jerusalén kajpn.

Ezequiel 3:17

Mijts, ye'etyëjk, të mpëjktä'äky ijx'ijtpë këwent'ajtpë ma Israel kajpnën. Ko ntukmëtowëty ja aaw ayuk, mkajpxnaxëp ets mnimëtya'akëp ma yë'ëjëtyën ets nijawëtëty wi'ixës ënety n'ëna'anyën.

Ezequiel 5:1

Jëtu'unës yë Wintsën xy'ënëmaay: Mijts ye'etyëjk ja'ay, koonë'ëk tu'uk yë tsujkn mëti'ipë jëjpën jëtu'un tä yë tsujknën mëti'ipë ja'ay nätyuk'awaay jyäjpëpën ets mnäkyujäpëtëty ets mnäy'awaayjyäpëtëty. Këëyë'ëk tu'uk yë kijpxën mëti'ipë mtukpëjkwa'kxëpën yë mwaay tëkëëkpëky.

Ezequiel 3:4

Ënätës xy'ënëmaay: Nëjkx tukmëmëtya'ak yë Israel kajpn ya'atë aaw ayuk mëti'ipës ntsojkpyën nijawëtëty.

Ezequiel 3:1

Ënätës yë Dios xy'ënëmaay: Mijts, ye'etyëjk, jë'kx ya'atë aaw ayuk mëti'ipë kuja'ay miinpën ets nëjkx xymyëmëtyä'äky yë Israel ja'ayëty.

Hechos 9:6

Ets ja Saulo tsyëyuuypyijky ets y'ënäny: ¿Tii mtsojkpy etsës ntunëty? Ënet ja Wintsën y'ënëmaayë: Pëtë'ëk ets nëjkx kajpnjotm. Jamts myajtuk'ëwaanëty mëti'ipë mtunëpën.

Hechos 26:16

Pëtë'ëk, tëë mijts nwin'ixy ets xymyëtunëtyës ets xynyikajpx xynyimëtya'akëty mëti'ipë tyam të ntuk'ixyën ets mëti'ipë ntuk'ixäämpynyëmën.

Juan 3:16

Yë'ë ko Dios ni'ik ja naaxwiinyëtë ja'ay tsoky, paaty tkejxy ja y'U'unk tu'kpajkpë. Pën myëpëjkpy ka'ap y'ookëty, yë'ë myëët'atëp ja juukyajtën xëmëkyëjxmëpë.

Juan 3:13

Ni pën tsajpjotm të kya'otsy, yi'iyë mëti'ipë jam të tsyoonyën ets yaa naaxwiiny të kyëtä'äky, yë'ë jëtu'un ja naaxwiinyëtë ja'ay ja y'U'unk.

Mateo 17:7

Tääts ja Jesús myëwinkoonëtë, ojts kyë'ënixajëtë ets y'ënëmaayëtë: Pëtë'ëktë këtii mtsë'ëkëtë.

Daniel 10:19

etsës të xy'ënëëmë: Këtii mtsë'ëkë ets këtii mmay mtajy. Yë Dios yë'ë mtsojkëp; jotmëk myajpaatëty ets këtii mkumay mkutajë. Tamës ënety jëtu'un xymyëmëtyä'äky, koos jatëkok të näjyawëty nmëkpëky, etsës të n'ënëëmë: Wintsën, mëëtmëtyakës, tëëjës jatëkok yë nmëk'ajtën xymyo'oy.

Daniel 8:17

Ënätës të xymyëwinkony, e ëjts tëëjës ntsë'ëkë ets nwintä'äky të naaxkoyës, koonëmës yë nwinpok ntukpaaty yë naax, e yë'ë jëtu'unës të xy'ënëëmë: Mijts nääxwiinyëtë ja'ay, yë'ë mnijawëp ko ya'atë xy'ixyën yë'ë nyikäjpxyp wi'ix kyukëxëja'anyën yë xëëw juukyajtën.

Ezequiel 37:3

Ënet xy'ënëmaayës: ¿Wä'än jëtää tääpë maypyajk jatëkok yë jyuukyajtën tpëktëtyë? Ënätës n'ëtsooy: Wintsën, mijts mnija'ap.

Ezequiel 20:3

Mijts ye'etyëjk, mëmëtya'ak yë Israel mëjja'aytyëjk ets xy'ënëëmëty: Jëtu'un yë Wintsën y'ënä'äny: ¿Ëjts miits xynyimiintëp ets winë xynyijawëja'antë? Ëjts tyamës yë njuukyajtën ntukajpxpety ets n'ëna'anyës ko ka'apës yam nkupëka'any ets miitsëty tii xyajtëwtëtyës.

Ezequiel 17:2

Mijts ye'etyëjk, tukmëmëtya'ak yë naax kajpn tu'uk yë ijxpäjtën.

Ezequiel 16:2

Mijts ye'etyëjk, tuk'ix yë Jerusalén ja'ayëty wi'ix ëxëëkjaty winë tuntën.

Ezequiel 15:2

¿Mëti'ipë ni'ik tsoowpatp ma tsatym kyepyën ko mëët yaj'ijxkijpxy wiinkëtypë kepy?

Ezequiel 14:13

Ko tu'uk yë naax kajpn xymyëtëkoyëtyës ets wintsë'kën tyajtëkoyëty ma ëjtsën, nixajë'ëkäämpyës ets ntëytyunäämpyës ko npëjkëtyës yë jyi'kxy pyiky; nkäxäämpyës yë yuu xëëw ma yë'ëjën ets y'ooktëty yë jëyujk ets ja'ay.

Ezequiel 14:3

Ya'atë ja'ayëty yajxon yë jyot wyinma'any të timkyë'ëyaktë ma yi'iyë t'ëwtatën ka'apë tyiosëtyën ets yë'ë të tuk'ijxpätë mëti'ipë yajpokytyuunëtëpën. ¿Ets ënät y'ëna'antë mputëkëtëtyësë?

Ezequiel 13:2

Nikajpxëkës yë n'aaw n'ayuk ets xy'ënëëmëty yë käjpxnyajxpëtëjk mëti'ipë kyë'ëm winma'any kyajpxtëp myëtyaktëpën, jëtu'un xy'ënëëmëty: Mëtoow'itë yë Wintsën yë y'aaw y'ayuk:

Ezequiel 12:3

Paaty nänyipëjktaakët ets mtsoonëty tsumy matsy, xëëny mtsoonëty ma mjëën mtëjkën, ijxnë kä'äxnë ets mnëjkxëty wiink naax wiink kajpn; wä'änxyëp tja'akyukëtëty ko tääpë kajpn je'eyë kyäjpxykyumëtoownaxtë.

Ezequiel 7:2

Ëjts, Wintsën, jëtu'unës n'ënëëmë yë Israel Naax Israel kajpn: Winkoomp ja ëyo'on jotmay, wiinkoonp ja ëyo'on jëna'a ja naaxwiinyëtë kyutëkoyä'änyën.

Ezequiel 3:10

Ënätës xy'ënëmaay: Mëtoow'it yajxon mëti'ipë yam ntukmëmëtya'akäämpyën ets jap mjootjoty mwinma'anyjoty yajwë'ëm.

Ezequiel 2:8

Mëtoow'it yajxon wi'ix n'ënëëmën, këtii käjpxy kumëtoownajxpë mnäypyëjktä'äkyë tä yë'ëjëtyën. Awë'ëk ets xykyu''uknaxëty mëti'ipë yam nmo'ojäämpyën.

Ezequiel 2:6

Mijts, ye'etyëjk këtii xytsyë'ëkëty ets këtii xymyëpëkëty oy wi'ix jya'ëna'antëty, oy jëtu'un mjanäjyawëtëty äpny akujk ëkë kä'py akujk yowë myajpaaty. Këtii mtsë'ëkëty oy wi'ix m'ënë'ëmxëtëty ets këtii xytsyë'ëkëty ko ëxëëkëm wyintë'kxtëty ets nëkooyë y'ëwa'an'atëty.

Salmos 8:4

ënätës nmay ntajy: ¿jënu'un yë naaxwiinyëtë ja'ay tyimmëjjëty? ¿tii kyumëj'ajtëp? ¿wi'ix ko xyjyä'äymyetsy ets xymyëmay xymyëtajy?

Ezequiel 2:3

jëtu'un y'ënaan'ëtë'ëtsy: Mijts ye'etyëjk, tyam yë Israel ja'ay ntuknikäxa'any, yë kajpn ka'apë jyä'äkyukën mëti'ipë käjpxy kyumëtoownajxpën, yë y'ap y'okëty ets yë'ëjëty tëëjës xynyipëtë'ëktë ets jëtu'un tyampaat.

Ezequiel 1:28

Tä i'tyën mëti'ipë këxë'kpën xëëw'an akujky ko tyu'uja'any, jëtu'unës ja Dios ja myëj'ajt y'oyajtën të n'ijxë. Koos jëtu'un të n'ixy täätsës të nwintä'äky të nnaaxkoy, yë'ëjës yë nwinpok ntukpatyp yë naax.

Ezequiel 40:4

Ënet tääpë ja'ay xy'ënëmaayës: Ëk'ix yajxon ets yajxon mëtoow'it; yajxon xytyim ix xytyimtunëty mëti'ipë yam ntuk'ixäämpyën, jä'ä ko mijts Wintsën yaa të mwoowminyë ets ntuk'ixëty ya'atë. Ok nëjkx xytyuk'ëwaanë yë Israel ja'ayëty tëkokyë mëti'ipë yam m'ixäämpyën.

Ezequiel 43:18

Ënet ja Wintsën xy'ënëmaayës: Ko ënety ja wintsë'këntyakn yajkojy, kopkpëky ko ya'atë tëyajtën yajpatunëty: Tu'uk nëjkx xynyino'oktë yë tsajpkaa mëti'ipë wintsë'kën'atëpën ets nye'pny nëjkx xyijkx jëtijtë ma ja wintsë'këntyaknën.