Ezequiel 19:10 - Biblia Dc en Mixe de Quetzaltepec

¹⁰ Jëtu'un ijty yë mtaak tä tu'uk yë tsatym kyepyën mëti'ipë nëë ëkë'ëy tënääpyën, tëëm'ajtp ets nëkooyë ojts yoonë mëët ko ja nëë xëmë tmëëtëty.

Biblia Mixe de Quetzaltepec

¹⁰ Jëtu'un ijty yë mtaak tä tu'uk yë tsatym kyepyën mëti'ipë nëë ëkë'ëy tënääpyën, tëëm'ajtp ets nëkooyë ojts yoonë mëët ko ja nëë xëmë tmëëtëty.

Ezequiel 19:10 ပူးပေါင်းရင်းမြစ်များ

Deuteronomio 8:7

Yë Wintsën tëë tuknipëjktaakë, ko jam myajnëjkxa'anëtë ma ja oy'it oynyaaxën, ma ka'ap tii y'ëmaaytyä'äkyën. Jam'ajtp mëjwiin këjää ja nëë, wä'än tjamëty joyjyotm ets kopkjotm.

Oseas 2:5

Tëë yë tyaak jyot nyini'kx tooky; tëë tyajtëkoy yë y'oyajtën, ko të y'ënä'äny: Yë'ëjës nëjkx n'ixta'aja'any yë mëti'ipës mëët nätsyokyën, mëti'ipës xymyoopyën yë nkääky n'uukyës ets nnëëjës, mëti'ipës yë mpixyny ets linë wit xymyoopyën, mëti'ipës yë on ets n'uuky xymyoopyën.

Oseas 2:2

Jëtu'un yë Wintsën y'ënä'äny: Ojtë ya'axtë yë mtaakëty, win'ojtë yajxon, jä'ä ko yë'ë ka'apës nëk to'oxytyëjk'ajnë ets yë'ë nän ka'apës ëjts xy'ëkniye'etyëjk'ajnë. Ka'apës yë'ëjëty t'ëkmëëtsënaaynyë, etsës nän ka'apës n'ëk'ënanë tmëëtsëënëty. Koonëm t'ëxmatsëty ma tookyën yë jyot nyini'kx. Ets këtii nëkoo tyi'tsk t'ëktuk'akëëynyëty wiink ja'ay.

Ezequiel 19:2

Yë mtaak jëtu'un ijty tä kaajën, kaa itkujkpyë tsyëënën. Jap yë y'ijtakn t'oytyuuny ets jap y'u'unk'ijxy.

Ezequiel 17:6

Tëë ja tëëmt myuxy ets të y'awinpity tu'uk mëj kepy; oy ka'ap nëkooyë kyëjxmëty, tëë ja xye'enty jam jyä'ty ma witsnën, ko të tyikts ke'eky. Ets të y'awinpity tsatym kyepy; tëë ja xye'enty tpëjktä'äky ets tëë jyiitsy.

Deuteronomio 8:9

Ma tääpë it naaxwiinyëtën ka'ap nëjkx xymyëmay xymyëtajtë tii mjë'kxtëp mpëktëp, tii myajtuntëp ets tii mnijuuky'atëpën. Jam nitii nëjkx kyatëkoy'äty, jä'ä ko ma tääpë it naaxwiinyëtën tsaajoty nëjkx xynyipujxtu'ut xynyika'tstu'utë yë juunpujxn ets jam tunkëjxm nëjkxëp xypyaatë yë tsaptspujxn. Jëtu'un'äämpy nëjkx xymyëët'atë yë juunpujxn.

Juan 15:1

Ënet ja Jesús jyaak mëtyäky: Jëtu'unës ëjts ijxtëm ja mëtëypyë ja tsatym aatsën, ets nTeetyës, yë'ë ja tsatym nyiyu'ujëp.

Salmos 1:3

Tääpë ja'ay jëtu'un npëjktakmëty ijxtëm tu'uk yë mëj kepyën nëë ëkë'ëypyë tyänën, ko tyëëmpety yë'ënëm yë xëëw po'o tyukpatyp, ets ka'ap nijëna'a y'ääy xyootsy, tu'kë'ëyë mëti'ipë tyuunpyën aak'oy wyimpëtsëmy.

Salmos 128:3

Jap ma ja mjëën mtëjkën yë mto'oxytyëjk jëtu'un jap y'ity tä tu'uk yë tsatym kyepyën mëët yë tyëëm; yë m'u'unk m'ëna'k ko nyaaxwäätstëty kaaypyäjn wintuuy jëtu'un jam myäy nyu'knëtëty tä yë kepyjyi'tskën mëti'ipë yajtijpën olivë.

Ezequiel 19:13

E tyam jam kyojyëty të'ëts'itjotm, ma ja naaxwiinyëtën anë'ëk tëëtsë'ëkpë.