Ezequiel 18:8 - Biblia Dc en Mixe de Quetzaltepec

⁸ Ko yë meeny pën tuk'ënu'kxy ka'ap yë'ëkyëjxmëty ko tyaj'u'unk'ata'any; ka'ap pën t'ëxëëktuny; mëtëy tnipaye'ey ja nëë poky ko pën nimäjtsk tsyippaaty;

Biblia Mixe de Quetzaltepec

⁸ Ko yë meeny pën tuk'ënu'kxy ka'ap yë'ëkyëjxmëty ko tyaj'u'unk'ata'any; ka'ap pën t'ëxëëktuny; mëtëy tnipaye'ey ja nëë poky ko pën nimäjtsk tsyippaaty;

Ezequiel 18:8 ပူးပေါင်းရင်းမြစ်များ

Éxodo 22:25

Pën mtuk'ënu'kxyp yë mmëku'uk yë wit meeny, mëti'ipë ëyoop jotëkoopyën, këtii jëtu'un mnäyajnaxëtëty tä ja'ayën mëti'ipë yajnu'kxpën ets ni yë'ë xykyapatëkëty pën tëë tyaj'u'unk'aty tkayaj'u'unk'aty.

Zacarías 8:16

Ya'atë mëpaat xëmë xytyuntë: Mëtëy winë xynyikajpx xynyimëtya'aktëty ma miitsëtyën nixim niyam, mëtëy tii xynyipaye'eytyëty ets yë'ë xëmë mmaytyëp mtajtëp yë oyajtën jotkujk'ajtën miitsëty yajkutujkpëtëjkëty;

Ezequiel 22:12

Tam yë mëkunaax mëkukajpn mëti'ipë nyimeenypyijkpyën ets nëjkx yaja'ay ooky. Tam mëti'ipë meeny myëku'uk tyuk koontsoopyën ets may'äämpy tyaj'u'unk'aty, tam mëti'ipë je'eyë myëku'uk mëk tjanty yajtunyën ets yë'ë myeeny'äjtyp. Ëjts ka'apës pën xy'ëkja'amyäjtsnë, tëëjës xyjyä'äytyëkooynyëtë. Ëjts Wintsën, ëjts ënaanp.

Ezequiel 18:17

ka'ap pën t'ëxëëktuny, ka'ap yë'ëkyëjxmëty meeny pën tuk'ënu'kxy ko tyaj'u'unk'ata'any; pyatuumpy ja n'ënä'ämënës ntëyajtënës, mëtëy jyuuky'äty; tääpë ja'ay ka'ap y'ooka'any oy ënety ja tyeety të jyapokytyuny. Yë'ë kopkpëky ko jyuuky'ata'any.

Ezequiel 18:13

nëkooyë këjää tyaj'u'unk'ajnë meeny mëti'ipë myëku'uk tyuk'ënu'kxypyën; tääpë ja'ay ka'ap tjëkyepy jyuuky'atëty. Ko ënety të tuunta'ay tëkokyë mëti'ipës n'ëxëëk'ijxypyën, tääts y'ooka'any ets ka'ap tii yajtso'oka'anyë, kë'ëm ënety jëtu'un nyätyunyë.

Salmos 15:5

mëti'ipë ja myëku'uk tyuknu'kxtsoopyën ja wit meeny, ets ka'ap t'amëtoy jënu'un tyaj'u'unk'aty, mëti'ipë ka'ap yë myëku'uk tnimeenykyonën; mëti'ipë jëtu'un juukyajtpën, ka'ap nijëna'a pokyjotm kya'aja'any.

Jeremias 15:10

Nanë, je'eyës nnimony nnituky koos mijts xyajmiiny naaxwiiny naaxkëjxy, jä'ä ko jëtu'unës nnäjyawëty je'eyës yowë të nmëxu'unk'aty etsës mëët nnäy'oj nnäya'axëtëty ja mayjyä'äy. Ni pënës yë meeny të nkatuk'ënu'kxy ets ti pënës të xykyatuk'ënu'kxy, e ëjts xy'aakmëtsip'ajtpës yë ja'ay.

Isaías 33:15

Mëti'ipë ja'ay mëtëy tii tyuunpyën, nän mëtëy winë tkäjpxy tmëtyä'äky; mëti'ipë ja'ay ka'ap jyiiky myëku'uk tëytyunyën ets mëti'ipë ka'ap tkupëkyën ja näynyamo'ojë mëti'ipë yajktëpën ja ja'ayëty, ka'apë y'oy'atën ja jyot wyinma'anyëty; mëti'ipë ka'ap tmëtowa'anyën ko pën tnikäjpxy tnimëtyä'äky ja yajja'ay'o'kën, ets tim winpi'tsp këtiipë t'ixëty ja ëxëëktu'un ëxëëk kajpxën.

Isaías 1:17

Jatë wi'ix ja oypyë xytyuntëtyën, ja mëtëypyë jä'ä mtuntëp, putëkëtë mëti'ipë ëxëëk yajtuuntëpën, nipaye'eytyë ja ku'ooky u'unk, pa'ëyow najts'ëyowëtë ja ku'ookpyë to'oxytyëjk.

Proverbios 28:8

Mëti'ipë ja'ay may yë meeny nyipëjkpejtypyën ko tyäky ënu'kxy, yë meeny y'u'unk yë'ë nëjkx tjä'ä'aty mëti'ipë jyiiky myëku'uk pya'ëyoopyën.

Nehemías 5:15

E ja yajkutujkpëtëjk mëti'ipë ënety jëyëjp të tyuntën je'eyë ijty xëmë ja naax kajpn tuk'atsiptë ja ayajk ako'onën, xëmë ja ja'ay ijty yaj'amëtowtë ja wit meeny këëkwëxtyikxy ja poop pujxn mëti'ipë ja yajkutujkpë nyikayëp nyi'uukëpën. E xëmë ijty winjëpom ja naax kajpn winë tjanty'amëtowtë ets tjantypyëjkëtë. Ëjts ka'apës jëtu'un ja naax kajpn ntuuny jä'ä ko ja Wintsën jä'äs ntsë'këp.

2 Samuel 22:24

Ëjts oyës näjyawëty të nyäyaj'ityë ma yë'ëjën; ets ëxëëkpë ja tu'unën kajpxën ka'apës nëkoo të ntuktëk të ntukwa'akë.

Ezequiel 11:12

ets nëjkx xynyijawëtë ko ëjts Wintsën. Miitsëty ka'ap jëtu'un të mjuuky'atë tääjës të ni'ënä'ämën ets ka'ap të xypyatuntë yë ntëyajtënës, miitsëty jëtu'un winë të xytyuntë tä ja'ayëtyën mëti'ipë wiink naax wiink kajpnëtyën.

Deuteronomio 23:21

Ko yë Wintsën tii xytyukwinwanëtëty, këtii nëkoo jeky xyajpo'oxtëty, ëkë m'ëna'antëty ets ka'ap xy'ëkyakanëtë mëti'ipë ënety të xywyaanta'aktën. Jä'ä ko yë Wintsën tsojk ka'ap t'oyjyawëty ets nëjkx mtukpoky'atëtë ko ënaty xykyatuntë mëti'ipë të xywyaanta'aktën.

Zacarías 8:19

Ko ja ayuu'ajtën y'itëty ma ja mëmajktaxk po'opën, mëmëkoxk po'opën, mëwëxtujk po'opën ets ja mëmajkpo'opë, jä'ä nëjkx y'awinpity tu'uk xoontakën, tu'uk yë xëëw ma y'itëtyën ja jotkujk'ajtën ets xyi'iktëty y'ëwë'ëktëty ja Judá ja'ayëty. Miitsëty yë'ë mtsoktëp mjawëtëp yë mëtëypyë ets jotkujk'ajtën.