Ezequiel 18:4 - Biblia Dc en Mixe de Quetzaltepec

⁴ Aak ëjts njä'ä'ajtyp yë naaxwiinyëtë ja'ay, näjyëtu'un yë teety taak ets u'unk ëna'k. Mëti'ipë pokytyuunpën yë'ë ookaanp.

Biblia Mixe de Quetzaltepec

⁴ Aak ëjts njä'ä'ajtyp yë naaxwiinyëtë ja'ay, näjyëtu'un yë teety taak ets u'unk ëna'k. Mëti'ipë pokytyuunpën yë'ë ookaanp.

Ezequiel 18:4 ပူးပေါင်းရင်းမြစ်များ

Ezequiel 18:20

Yi'iyë mëti'ipë pokytyuunpën ookaanp. Ka'ap tjëkyepy yë u'unk ëna'k tkëpätëty tyeety yë pyoky; näy ka'ap tjëkyepy teety tkëpätëty yë u'unk ëna'k yë pyoky. Yë ja'ay mëti'ipë mëtëy winë tyuunpyën y'ëxajëjäämpy ja näykyumayë mëët ko ënety mëtëy winë të tuny; e mëti'ipë ëxëëk winë të tunyën kwanë ko nëjkx tkumëtoy.

Romanos 6:23

Ja poky, yi'iyë të tyäky ja o'kën tëko'oyën; Dios yë'ë të tyäky yë juukyajtën xëmëkyëjxmëpë, ko yajmëpëky ja nWintsën'ajtëm Jesukristë.

Hebreos 12:9

Näyjyëtu'un ko të nmutsk'ajtëm, tëë ja nteety'ajtëm yaa naaxwiiny xywyijtswinpijtën ets tëë nwintsë'këm. ¿E tii ko nkawintsë'këmëty ja Dios, mëti'ipë tsajpjotmën? Wä'än xywyijtswinpijtën ets npatmëty ja juukyajtën.

Zacarías 12:1

Ya'atë aaw ayuk yë'ë yë Wintsën tyuknikäjx yë Israel kajpn. Yë Wintsën mëti'ipë të twijtstëyën yë tsajp ets të tpëjktä'äky ma naaxwiinyëtë kyëxwäätsëtyën ets tjuukyajtënmo'oy yë ja'ay, yë'ë ënaanp:

Gálatas 3:22

E ja Dios ja y'aaw y'ayuk jëtu'un y'ënä'äny ko ni'ëmukë ja ja'ay pokyjotm y'ijta'atë ets tpaatëty mëti'ipë ja Dios të twinwanën ko ja Jesukristë të tmëpëktë.

Isaías 42:5

Ja Wintsën mëti'ipë ja tsajp yajkojën ets twijtstëëy, mëti'ipë ja naaxwiinyëtë yajkojën ets tëkokyë mëti'ipë juukyajtpën ma yë'ëjën, mëti'ipë yajjuuky'äjtypyën ja ja'ay mëti'ipë wyintsëna'ayëtyëpën yë naaxwiinyëtë, jëtu'un t'ënëëmë ja tyuunpë.

2 Reyes 14:6

Je'eyëp ko ja yu'unk y'ëna'këty ja yaja'ay o'kpë ka'ap ojts tyaj'o'kë, yë'ë ojts tpatuny ja ënä'ämën, ma ja Wintsën y'ënänyën: Yë teety taak ka'ap tjëkyepy tkukëpätëty ja nyëë pyoky ja y'u'unk y'ëna'k ets näjyëtu'un ja u'unk ëna'k ka'ap tjëkyepy tkukëpätëty ja tyeety tyaak ja nyëë pyoky, ja ja'ay mëti'ipë tuuntëkoopyën yë'ë ja kyë'ëmpoky kyukëpätëp.

Job 21:20

Yë ja'ay mëti'ipë pokytyuunpën yë'ë mëpaat tyiytyunyë yë Wintsën mëti'ipë maaytyääyëpën winë.

Isaías 57:16

Ëjts ka'apës xëmë nnaax nkajpn yë pyoky ntukwinmëtowa'any, ets ka'apës xëmë ntukjoot'anpëka'any; këtiipë ja'ay myontëty tyuktëty mëti'ipës të nyajkojyën.

Jeremias 31:30

Jä'ä ko jä'ä xëëw, pën ënety ja tsatym xun jyi'kxypyën, yë'ë nëjkx tyëtsxëmimyë. Nijä'äjaty nëjkx ja ja'ay ja nyëë pyoky tkumëtoy.

Ezequiel 18:3

Ëjts Wintsën, njuukyajtënës yam ntukajpxpejtyp ets jëtu'unës n'ëna'any; ko ka'ap ya'atë aaw ayuk nijëna'a y'ëkyajkajpxnëty ma Israel kajpnën.

Ezequiel 18:5

Yë ja'ay oyjyä'äy yajtijy ko mëtëy winë tuny ets mëtëy nyipaye'ey;

Ezequiel 33:8

Wä'änxyëp ëjts nikajpxëtyës ko tu'uk ja ja'ay ënety y'ooka'any mëët ko tmëët'aty ja nëë poky; e mijts pën ka'ap ja ja'ay xytyuk'ëwaanë ets tyajtëkatsëty ja jyuukyajtën ets yë'ë ka'ap ja jyuukyajtën tyajtëkatsy, tääpë pokyjyä'äy kyë'ëmpoky nëjkx tku'ookë, e mijts nëjkxëp ntukumëtoy ko ënety tääpë ja'ay të y'ooky.

Deuteronomio 24:16

Yë teety taakëty ka'ap tjëkyepy yë'ë tkëpätëty ja u'unk ëna'k ja nyëë pyoky, ni u'unk ëna'k tkajëkyepy tku'ookëty ja tyeety tyaak ja nyëë pyoky. Ja ja'ay mëti'ipë ënety pokytyuunpën, yë'ë kë'ëm kyëpätëp ja nyëë pyoky.

Job 8:4

Wä'änxyëp yë m'u'unk m'ëna'k yë Dios të tmëtëkoytyë, paaty të tyiytyunëtë.

Ezequiel 3:18

N'ëkpëjktakmëty nikajpxëtyës tu'uk yë ëxëëk ja'ay mëti'ipë tëë nyitukën ets y'ookëty; pën mijts ka'ap ja ëxëëk ja'ay xytyuk'ëwaanë ko tëë nyitukë ets jeexyë ja y'ëxëëktu'unën t'ëxmatsy, yë'ë kopkpëky ja nëjkx tku'ookë ja tyëko'oyën, mijts nëjkxëp mpokytyëëmë'ëky ko ënety të xykyatuk'ëwaanë ets jeexyë tsyo'oky.