Ezequiel 18:30 - Biblia Dc en Mixe de Quetzaltepec

³⁰ Tyam yë mpoky ntukwinmëtowa'antë, wi'ixjaty winë të xytyuuntëkoytyën, miitsëty Israel ja'ayëty. Ëjts Wintsën, ëjts ënaanp. Nikë tim ëxmatstë yë m'ëxëëk juukyajtënëty, këtiipë kë'ëm mpoky tsyëëmë'ëktëty ko ënety axit ako'owë mjatë mkëpätë.

Biblia Mixe de Quetzaltepec

³⁰ Tyam yë mpoky ntukwinmëtowa'antë, wi'ixjaty winë të xytyuuntëkoytyën, miitsëty Israel ja'ayëty. Ëjts Wintsën, ëjts ënaanp. Nikë tim ëxmatstë yë m'ëxëëk juukyajtënëty, këtiipë kë'ëm mpoky tsyëëmë'ëktëty ko ënäty axit ako'owë mjatë mkëpätë.

Ezequiel 18:30 ပူးပေါင်းရင်းမြစ်များ

Mateo 16:27

Jä'ä ko minaanp yë naaxwiinyëtë ja'ay Y'u'unk mëët ja tyeety ja myëj'ajt y'oyajtën ets ja y'anklëstëjk ets tmo'oja'any nitu'ukjaty pën wi'ixëty pën të jyuuky'ätyën.

Mateo 3:2

ets y'ënä'äny: Ixmatstë ja mka'oywyinma'anyëty; tää wyinkony ja kuttujkën tsajpjotmëpë.

Ezequiel 18:21

E pën yë ëxëëk ja'ay y'ëxmajtsyp yë y'ëxëëktu'un y'ëxëëk kajpxën ets tpatuny tëkokyë yë ntëyajtënës ets tuny mëti'ipë mëtëyën ets wa'atsën, tëyajtën yë'ë ko tääpë ja'ay juuky'ataanp ets ka'ap y'ooka'any.

Lucas 13:3

Jëtu'un miits nëëmëtë ko ka'ap; miitsëty pën ka'ap xy'ëxmatstë ja m'ëxëëk winma'anyëty, näjyëtu'un m'ooka'antë.

Ezequiel 7:3

Winkoomp ja xëëw jëmëjt jëna'a mijts Israel mkutëkoyä'änyën. Jamës yë n'äkë nkëxkäjxtaja'any ma mijtsën; ntuknikajpxäämpy wi'ixjaty m'ëtë'ëtsy m'ëna'anyën ets ntëytyuna'any jä'ä ko aakyë'ë mtuumpy mëti'ipë ëxëëkën.

Oseas 12:6

Paaty myaj'ënëëmë mijts Israel, niwinpit yë mTios; oy winë xytyunëty ets tëy jaanty, yë Dios yë'ë xëmë mtuk'ijxpätëp.

Ezequiel 14:6

Paaty mijts, jëtu'un xy'ënëëmëty yë Israel ja'ayëty: Jëtu'un yë Wintsën y'ënä'äny: Wimpitë ma ëjtsën, ëxmatstë mtiosëty ka'apë tyiosëtyën ets majtstu'utë ëxëëk tuunk ëxëëkkajpxk.

Lucas 13:5

Jëtu'un miits nëëmëtë ko ka'ap; miitsëty pën ka'ap xy'ëxmatstë ja m'ëxëëk winma'anyëty, näjyëtu'un m'ooka'antë.

Daniel 9:13

Tëkokyë ya'atë amay jotmay mëti'ipës të xytyukmin të xytyukja'tën, jëtu'un tä jap myinyën këxja'ay ma Moisés ojts tkuja'ayën ja ënä'ämën tëyajtën; yë'ëkyëjxm jyëtu'unëty jä'ä ko mijts Dios ka'ap të myajmëtoy, ka'ap të myaj'ixta'ay ets ka'ap të yajpatuny ja mtëyajtën.

Ezequiel 33:20

Miitsëty je'eyëm m'ënaan'ëtë'ëtstë: Yë Wintsën ka'ap oy tuny ja nipaye'eyën. E ëjts nipaye'eyäämpyës nitu'ukjaty miits ja mpokyëty ets jëtu'unës ja tëytyu'unën nyajnaxa'any ma miitsëtyën jëtu'un tä ënety winë të xytyuntën.

Ezequiel 33:11

E ëjts Wintsën, njuukyajtënës yam ntukkajpxpejtyp ko ëjts ka'apës ntsoky ets ëxëëk ja'ay y'ookëty, yë'ëjës ntsojkpy ets jyuukyajtën tyajtëkatstëty ets jyuuky'atëty. Miitsëty Israel ja'ayëty ëxmatstë tääpë ëxëëk juukyajtën. ¿Tii ko m'ooktëty?

Eclesiastés 12:14

Yë Dios yë'ë xyajtëwa'anëmë wi'ix tu'uktu'uk të njuuky'ajtëmë, oy ënety ëxëëk ëkë oy të njuuky'ajtëmë ets oy ënety tii yu'utsy me'ty të ntu'unëmë.

Mateo 3:8

Yajxon mja'ay'atëty ets mkëxë'ëktëty ko të mjootwinpitë ma Tiosën,

Romanos 2:5

E mijts nëkooyë mkujuun'ajnë, ka'ap xytsyoky mwinpitëty ma ja Tiosën, ja m'ëyo'on kë'ëm myajnipejtyp ets xykëpätëty ma ënety ja Dios tyajnikëxe'eka'anyën ja jyoot'an ko ja paye'eyën tunëty,

Apocalipsis 22:12

Jesukristë ënaanp: Tsojkës nmina'any. Koos nminëty ets nmo'otëtyës ja kyuma'ayënëty ëkë ja tëytyu'unën wi'ix ënety pën tii nitu'ukjaty të tuntën.

Apocalipsis 20:12

Ets n'ijxyës ja o'kpë jam tyänëtë mëj mutsk kutujktakn wintum. Tääts ja noky ojts yaj'akëëywyä'kxy ets yaj'ixy wi'ix të tyuntën nitu'ukjaty, ets näjyëtu'un wiinkpë noky ojts yaj'akëëywyä'kxy ma ja ja'ay ja xyëëw jap y'itën mëti'ipë xëmëkyëjxm juuky'ajtëpën. Jëtu'unts ja o'kpë ni'ëmukë yajpaye'eytyë.

Apocalipsis 2:16

Paatyës n'ëna'any ets mjootwinpitëty. Pën ka'ap mjootwinpity, tsojkës nnëjkxëty ets ntuktsiptunëtyës ja ntëypyujxn mëti'ipës n'aawjoty pëtsëëmpën.

Apocalipsis 2:5

Paaty mëmay mëtaj ma të mka'ayën, ja'amyäts ja Dios ets xytyuntëty ja oypyë jatëkok ijxtëm më'ëka'anyën. Pën ka'ap, ninëjkxëp yë'ë ets njëpëka'anyës ja mcera ato'oyën ma y'ityën, e ko mjootwinpitëty ka'ap jëtu'un jyatëty.

1 Pedro 1:17

Pën miitsëty Tatë, xynyëëmëtë ja Dios, mëti'ipë paye'epyën mëtëy ets ka'ap wyin'ixy wyinkexyëty, kopkpëky ko xywinkutsë'ëkëtëty xëmë mapaat yaa naaxwiiny mjuuky'atën.

Santiago 1:15

Ets ko ja ëxëëk atsojkën nyätyukmëmëtä'äkyë, ënät pyokytyuny; ets ko pyokytyuny, ënät ja o'kën tyukpaatyë.

Mateo 25:32

Ets ja naaxwiinyëtë ja'ay ni'ëmukë nyämyuka'anët ma yë'ëjën ets twoowa'kxa'any ja ja'ay, jëtu'un tä yë kupixyny këwent'ajtpë twoowä'kxyën ja kyupixyny ets ja tsyajppax.

Malaquías 3:18

Ënet jatëkok xywyinjawëtëty mëti'ipëtën oy, ka'oyën; mëti'ipë ja Dios y'ëwtajtypyën ets mëti'ipë kya'ëwtajtypyën.

Ezequiel 34:20

Paaty ëjts maas nWintsën'atyën, jëtu'un n'ënëëmëtë: Mpaye'eyäämpyës yam wi'ix ko jää kupixyny ni'kxpë ets tää xyëëpëpë.

Ezequiel 33:9

E pën mijts mtuk'ëwa'anëp ja pokyjyä'äy ets tyajtëkatsëty ja jyuukyajtën ets yë'ë ka'ap tmëjpëjktä'äky mëti'ipë mjatuknëmääpyën, nëjkxëp tku'ookë ja nyëë pyoky, e mijts tëë ënety ja mjuukyajtën xyajtso'oky.

Ezequiel 7:27

Mon tuk nëjkx nyäxyoxyë yë yajkutujkpë, yë ënä'ämpë näjyëtu'un nëjkx je'eyë tsyë'kënë ets ni'ikyë ja naax kajpn t'ëtsë'ëkëja'any. Jëtu'unës ntuna'any tä winë tuntë tkajpxtën ets jëtu'unës ja nyëë pyoky mpaye'eyä'äny tä tpaye'eytyën ja nyëë pyokyëty. Jëtu'unës xy'ixkaptëty ko ëjts Wintsën.

Eclesiastés 3:17

Paatyës ëjts n'ëna'any ko yë Dios yë'ë nyija'ap wi'ix tuna'any yë ja'ay mëti'ipë oy ja'ay'ajtpën ets ja'ay mëti'ipë ëxëëk ja'ay'ajtpën, jä'ä ko myëët'ajtääpy yë nyixëëw nyijëmëjt jëna'a winë tyunyë jyätyën ets ma winë yajtuny yajkäjpxyën.

Hechos 26:20

Täätsës jëyëjp ojts ntuk'ëwaanëtë ja Dios ja y'aaw y'ayuk ja ja'ayëty mëti'ipë jam tsënaaytyëpën Damaskë ets näjyëtu'un jam Jerusalén ets mëti'ipë jam ijtëpën Judea y'itjotm; näjyëtu'un ntuk'ëwa'anëtyës mëti'ipë ka'ap jyutiis ja'ay'atën. Jëtu'unës ja ja'ay n'ënëmaay ets jyotwinpitëty ets ja Dios tmëpëktëty ets jëtu'un tyajnikëxë'ëktëty ko tëë t'ëxmatstë ja y'ëxëëk winma'anyëty.

Isaías 59:20

Jëtu'un myina'any tä tu'uk yajnitsokpën, jam ma Sión kajpnën ets ma Jacob y'u'unk y'okën ets ma nitëkokyë ja'ayëty mëti'ipë jootwinpijtëpën.

Jeremias 25:5

Yë'ëjëty tëë kanaak ok mja'ënë'ëmxëtë: Ixmatstë yë m'ëxëëkjot m'ëxëëk winma'any ets m'ëxëëktu'un m'ëxëëk kajpxënëty; jëtu'un jotkujk mjuuky'atëty ma ja it naaxwiinyëtën mëti'ipë ja Wintsën mmooyëtën ets myooyën ja m'ap m'okëty.

Jeremias 35:15

Kanaak ok të njatuknikäxtë yë nkäjpxynyajxpës ets të mja'ënë'ëmxëtë: Ixmatstë m'ëxëëktu'un m'ëxëëk kajpxënëty. Këtii wiink tios xypyanëjkxtëkëtë ets këtii yë'ë wyintsë'kën xymyo'otë. Jëtu'un jeky mjuuky'atëty ma ja it naaxwiinyëtën mëti'ipës nmooytyën ja m'ap m'okëty. E miitsëty ka'ap të xyjyä'äkyukëtë ja n'aaw n'ayukës ets ka'apës të xymyëmëtowtë.

Ezequiel 18:29

E yë Israel kajpn ëna'anaanp yë'ë ko ka'apës tii oy nipaye'ey. ¿Ko ëjts ka'apës tii oy nipaye'ey? ¿Këtii jëtää yë'ëjëty yë Israel kajpn ka'ap tii oy tnipaye'eyë?

Ezequiel 24:14

Ëjts Wintsën, ëjts ënaanp ets jëtu'un tyuna'any jyata'anyë. Ëjts jëtu'un kë'ëm nyajtunan nyajjatanëp ets ka'ap mpa'ëyowa'any ets ka'apës jatëkok nwinma'anytyëkatsa'any. Yë'ë ntuktëytyunäämpy ko ëxëëk të m'ëtë'ëtsy të m'ëna'any. Ëjts Wintsën, ëjts ënaanp.

Ezequiel 43:9

Tyam wä'än tyajëwa'kta'atë yë y'ëxëëktu'un y'ëxëëk kajpxënëty ets potsy ma ojts tyajkëxkojtën yë yajkutujkpë y'awinax, jëtu'un tjëkyäpëty njuuky'atëtyës xëmëkyëjxm ma yë'ëjëtyën.

Esdras 10:11

E tyam, yaa ma Wintsën wyintuuy, nikajpxtë ets mëmay mëtajtë wi'ix të mtëkoytyën ets xypyatuntëty mëti'ipë ja Wintsën yajkutujkpyën. Jëwa'aktë jam ma ja'ayëtyën mëti'ipë ëxëëk ja jyot wyinma'anyëtyën ets ëxmatstë tääpë to'oxytyëjkëty mëti'ipë ka'ap y'Israel ja'ay'atën, mëti'ipë wiink wintsën y'ëwtajtëpën.

Isaías 21:12

Ets ja këwent'ajtpë y'ëtsoy: Tää xyiinyëjanë ets tää kyootsëjanë. Pën tii myajtëwantëp jyëkyejpy xyajtëwtëty, mmintëp jatëkok.

Jeremias 3:22

Wimpitë ma ëjtsën, u'unk maayëty mëti'ipë käjpxy kyumëtoownajxtëpën, ëjts miits nyajtso'ok nyaj'akëta'aktëp këtiipë m'ëk käjpxy kyumëtoownajxnëtëty. Tyaa ëëts nmintë ma mijtsën, jä'ä ko mijts myajWintsën'ajtp, mëti'ipës nTios'ajtëpën.

Jeremias 7:3

mëti'ipë të tkäjpxyën yë Wintsën, mëti'ipë maaytyääyëpën winë, yë Israel ja'ay Tyiosëty: Yaj'oyëtë yë mjuukyajtën ets mtu'unënëty jëtu'un nyajjuuky'atëty ma ya'atë naax kajpnën.

Ezequiel 36:19

ets yë'ëjës ojts ntuktëytyuntë koos jëtu'unyë n'awojpwa'kxtaaytyë wiink naax wiink kajpn.

Zacarías 1:4

Këtii jëtu'un m'ëtë'ëtstë tä ja m'ap m'okëtyën, mëti'ipë ojts ja nkäjpxynyajxpës jya'ënë'ëmxëtën ets t'ëxmatstëty ja y'ëxëëktu'un y'ëxëëk kajpxënëty ets ja y'ëxëëk winma'anyëty, yë'ëjëty ka'ap kyäjpxymyëtoowtë ets ka'ap kyäjpxyjyä'äykyujkëtyë. Ëjts Wintsën, ëjts ënaanp.