Ezequiel 18:20 - Biblia Dc en Mixe de Quetzaltepec

²⁰ Yi'iyë mëti'ipë pokytyuunpën ookaanp. Ka'ap tjëkyepy yë u'unk ëna'k tkëpätëty tyeety yë pyoky; näy ka'ap tjëkyepy teety tkëpätëty yë u'unk ëna'k yë pyoky. Yë ja'ay mëti'ipë mëtëy winë tyuunpyën y'ëxajëjäämpy ja näykyumayë mëët ko ënety mëtëy winë të tuny; e mëti'ipë ëxëëk winë të tunyën kwanë ko nëjkx tkumëtoy.

Biblia Mixe de Quetzaltepec

²⁰ Yi'iyë mëti'ipë pokytyuunpën ookaanp. Ka'ap tjëkyepy yë u'unk ëna'k tkëpätëty tyeety yë pyoky; näy ka'ap tjëkyepy teety tkëpätëty yë u'unk ëna'k yë pyoky. Yë ja'ay mëti'ipë mëtëy winë tyuunpyën y'ëxajëjäämpy ja näykyumayë mëët ko ënäty mëtëy winë të tuny; e mëti'ipë ëxëëk winë të tunyën kwanë ko nëjkx tkumëtoy.

Ezequiel 18:20 ပူးပေါင်းရင်းမြစ်များ

2 Reyes 14:6

Je'eyëp ko ja yu'unk y'ëna'këty ja yaja'ay o'kpë ka'ap ojts tyaj'o'kë, yë'ë ojts tpatuny ja ënä'ämën, ma ja Wintsën y'ënänyën: Yë teety taak ka'ap tjëkyepy tkukëpätëty ja nyëë pyoky ja y'u'unk y'ëna'k ets näjyëtu'un ja u'unk ëna'k ka'ap tjëkyepy tkukëpätëty ja tyeety tyaak ja nyëë pyoky, ja ja'ay mëti'ipë tuuntëkoopyën yë'ë ja kyë'ëmpoky kyukëpätëp.

Deuteronomio 24:16

Yë teety taakëty ka'ap tjëkyepy yë'ë tkëpätëty ja u'unk ëna'k ja nyëë pyoky, ni u'unk ëna'k tkajëkyepy tku'ookëty ja tyeety tyaak ja nyëë pyoky. Ja ja'ay mëti'ipë ënety pokytyuunpën, yë'ë kë'ëm kyëpätëp ja nyëë pyoky.

Ezequiel 18:4

Aak ëjts njä'ä'ajtyp yë naaxwiinyëtë ja'ay, näjyëtu'un yë teety taak ets u'unk ëna'k. Mëti'ipë pokytyuunpën yë'ë ookaanp.

2 Crónicas 25:4

Je'eyëp ko ka'ap ojts ja y'u'unk y'ëna'k tyaj'o'kë, jä'ä ko yë'ë pyatuumpy ja ënä'ämën tëyajtën mëti'ipë jap miinpën ma ja Moisés ja nyokyën, ma y'ënä'änyën: Ko ja teety ja pyoky ka'ap tjëkyepy yë'ë tkumëtowëty yë y'u'unk y'ëna'k, ëkë ja u'unk ëna'k ja pyoky ka'ap tjëkyepy tkumëtowëty ja teety taak; nitu'ukjaty mëpaat ja'ay yë pyoky tkumëtoy.

Mateo 16:27

Jä'ä ko minaanp yë naaxwiinyëtë ja'ay Y'u'unk mëët ja tyeety ja myëj'ajt y'oyajtën ets ja y'anklëstëjk ets tmo'oja'any nitu'ukjaty pën wi'ixëty pën të jyuuky'ätyën.

1 Reyes 8:32

Mijts Wintsën mmëtowëp jap tsajpjoty ets mijts kë'ëm mtunëp winë. Mijts mnipaye'eyëp ja m'u'unk m'ëna'k. Mtëytyunëp mëti'ipë ënety pokymyëëtën jëtu'un tä pyäätyën ja y'ëxëëktu'un y'ëxëëkkajpxën ets ja wa'ats ja'ay mëti'ipë ka'ap pyokymyëëtëtyën xynyipaye'eyëty.

Apocalipsis 20:12

Ets n'ijxyës ja o'kpë jam tyänëtë mëj mutsk kutujktakn wintum. Tääts ja noky ojts yaj'akëëywyä'kxy ets yaj'ixy wi'ix të tyuntën nitu'ukjaty, ets näjyëtu'un wiinkpë noky ojts yaj'akëëywyä'kxy ma ja ja'ay ja xyëëw jap y'itën mëti'ipë xëmëkyëjxm juuky'ajtëpën. Jëtu'unts ja o'kpë ni'ëmukë yajpaye'eytyë.

2 Crónicas 6:23

Mijts mëtoow'itëp jam tsajpjotm ets tun ja mtuunk ets nipaye'ey ja mtuunpë. Mijts mtëytyunëp ja tuuntëkoopyë kajpxtëkoopyë ets kë'ëm ëxëëk tmëjatëty ko ënety ëxëëk y'ëti'itsy y'ënä'äny ets mijts näjyëtu'un mnipaye'eyëp ja ja'ay mëti'ipë nanëkookyëjxm yajtëytyuunpën.

Ezequiel 33:10

Mijts ye'etyëjk, ënëëmë yë Israel kajpn: Miitsëty jëtu'un m'ëna'antë: Ujts nyajpatëmë mëët yë nëë poky ets ëxëëktu'un ëxëëk kajpxën. Paaty jëtu'un njajtëmë tä jeexyë ajuuky mputsëmën. ¿Wi'ix n'ëk juuky'ajtmëty?

Isaías 53:11

E oy ënety ëxëëk të jyäty të kyëpety, y'ixäämpy jatëkok ja të'kxën jajën, jotkujk yajpaata'any ko ënety nnijawë; ja wa'ats ja'ay mëti'ipë ja Wintsën të tmëtunyën mayjyä'äy yajtso'okäämpy, jä'ä ko yë'ë nëjkx tmënëjkxta'ay ja mayjyä'äy ja tyuuntëko'oy kyajpxtëko'oyën.

1 Pedro 2:24

Kristë ojts ja npoky'ajtëm tmënëjkx ma ja nyi'kx kyopkën jam kruutskëjxm ets jëtu'un nyäjxy ijxtëm jeexyë ja poky të nku'o'këmën ets ënät njuuky'ajtmëty mëtëy. Yë Kristë ojts tsyëtyuty wyintëkoy ets miits mtsoktë.

Hebreos 9:28

Näyjyëtu'un ja Kristë të wyintsë'kën'aty tuk'okyë ets ja mayjyä'äy të pyokywya'atstë. Ok jatëkok myina'any ja mëmäjtsk okpë, je'eyëp ko ka'ap yë'ë t'ëkniminanë ja nëë poky, yë'ë nyiminäämpy ets tyajnitso'oka'any ja mëti'ipë jëjp'ijxëtëpën.

Ezequiel 18:13

nëkooyë këjää tyaj'u'unk'ajnë meeny mëti'ipë myëku'uk tyuk'ënu'kxypyën; tääpë ja'ay ka'ap tjëkyepy jyuuky'atëty. Ko ënety të tuunta'ay tëkokyë mëti'ipës n'ëxëëk'ijxypyën, tääts y'ooka'any ets ka'ap tii yajtso'oka'anyë, kë'ëm ënety jëtu'un nyätyunyë.

Ezequiel 18:30

Tyam yë mpoky ntukwinmëtowa'antë, wi'ixjaty winë të xytyuuntëkoytyën, miitsëty Israel ja'ayëty. Ëjts Wintsën, ëjts ënaanp. Nikë tim ëxmatstë yë m'ëxëëk juukyajtënëty, këtiipë kë'ëm mpoky tsyëëmë'ëktëty ko ënety axit ako'owë mjatë mkëpätë.

1 Reyes 14:13

Tääts tëkokyë ja Israel ja'ayëty tyëkëtëty jëëpyë yaxpë mëët yë'ë ets xyajnaaxtëkëtëty; jä'ä ko yi'iyë ënety tu'uk oy naaxtëjkëp ma ja Jeroboam ja jyiiky myëku'ukën, y'u'unk y'ëna'kën. Jä'ä ko ma tëkokyë yë jyiiky myëku'ukën yi'iyë tu'uk ja Wintsën oyjyawëjanëyëp.

Ezequiel 4:4

Ënet mnäkyo'okëtëty anajnytsyow ets mnätyuknipëkëtëty ja nyëë pyokyëty ja Israel ja'ayëty. Jam jëtu'un mko'knëty ets xytsyëëm'itëty ja nyëë pyoky ja naax kajpn.

Ezequiel 14:14

E ma tääpë kajpnën ko jeexyë jam y'ëkmintë Noé, Daniel ets Job, yi'iyë jeexyë nitëkëëk tsoktëp jä'ä ko mëtëy yë të jyuuky'atë. Ëjts Wintsën, ëjts ënaanp.

Ezequiel 14:16

Pën tääpë ja'ayëty nitëkëëkpë yë'ë jam tsënaaytyëp, ka'ap jeexyë tjëkyepy yë myaank ëkë nyëëx tyajtso'oktë; yi'iyë jeexyë nitëkëëk tsoktëp ets ja naax kajpn anë'ëk tëëtsë'ëk y'awinpitëty. Ëjts Wintsën, njuukyajtënës yam mëët nikäjpxy.

Ezequiel 33:6

E ko ja këwent'ajtpë t'ixëty ko tam ja mëtsip wyinkony ma ja naax kajpnën ets ka'ap tukxu'uxëty ja xyuxn ets ja ja'ay nijawëtëty ets ja mëtsip kyajpntëkëty tyaj'ookëty ja ja'ay, yë'ë kopkpëky ko yë pyoky tku'ookëty ets nëjkxëpës ja këwent'ajtpë ntukumëtoy ko ja ja'ay ënety të y'ooky.

Éxodo 32:33

Ënet ojts ja Dios y'ëtsoyë: Ëjts yi'iyës yam njo'otsäämpy, mëti'ipës xymyëtuuntëkoopyën.