Ezequiel 18:14 - Biblia Dc en Mixe de Quetzaltepec

¹⁴ Näy tää u'unk ëna'k mëti'ipë y'ijxypyën wi'ix ja tyeety ja nëë poky tuny tkäjpxyën, je'eyëp ko yë'ë ka'ap jëtu'un tii tuny;

Biblia Mixe de Quetzaltepec

¹⁴ Näy tää u'unk ëna'k mëti'ipë y'ijxypyën wi'ix ja tyeety ja nëë poky tuny tkäjpxyën, je'eyëp ko yë'ë ka'ap jëtu'un tii tuny;

Ezequiel 18:14 ပူးပေါင်းရင်းမြစ်များ

2 Crónicas 34:21

Nëjkxtë timtyämyë yajnitëwëtë Wintsën mëët ëëtsëty ets mëët ja ja'ayëty mëti'ipë tsënaaytyëpën jam Judá, wi'ix ko ya'atë noky jëtu'un kyäjpxy; jä'ä ko wä'änxyëp yë Wintsën mëk ëëts'ajtëmë të xytyukjoot'anpëjkëmë mëët ko ja n'ap'ajt n'ok'ajtëmë ka'ap ojts tmëjpëjkta'aktë ja Wintsën ets ka'ap jëtu'un tuuntë tä ja ënä'ämën tëyajtën myinyën.

Proverbios 23:24

Ja u'unkteety, mëti'ipë ja y'u'unk y'ëna'k wijyën, jyëkyejpy jotkujk nyäjyawëtëty ets nyätyukmëjjawëtëty.

1 Pedro 1:18

Dios miitsëty të myajpëtsëmëtë ma ja juukyajtën najtspëkëpë mëti'ipë ojts mtukumayëtën yë m'ap m'okëty; ets wa'ats xynyijawëtë ko tëë këjää tsyowpaaty ko të m'ëwaatsëpëtsëmtë. Ka'ap yë'ëjëty meeny, pu'ts pujxn ets poop pujxn të yajtukujuy mëti'ipë ma'tpën ets tëkoopyën,

Mateo 23:32

Tuunka'pxtë ënät mëti'ipë ja m'aptëjk ojts tyajtso'onta'aktën.

Hageo 2:18

Tyam, ma y'i'px taxk anyën yë mëtaxtujk po'opë, tëë nyipëtë'ëkë yë ntsajptëjkës.

Hageo 1:7

Ëjts Wintsën, mëti'ipë maaytyääyëpën winë, jëtu'unës n'ëna'any ko yajxon xymyëmay xymyëtajtëty wi'ix mtuntën mkajpxtë.

Hageo 1:5

Ëjts Wintsën, mëti'ipë maaytyääyëpën winë, jëtu'unës n'ëna'any: ko yajxon xymyëmay xymyëtajtëty wi'ix mmaytyën mtajtën.

Oseas 7:2

Yë'ë ka'ap tmëmay tmëtajtë ko nja'amyejtsypës yë pyokyëty. Tyam kë'ëm nyätyu'u'ëtukëtë ko winë ëxëëk tuntë ets ko xëmë n'ixyës yë nyëë pyokyëty.

Ezequiel 20:18

Ënätës n'ënëmaaytyë ja y'u'unk y'ëna'këty ets ka'ap jëtu'un winë tuntëty tä ja tyeety tyaak y'ënë'ëmxëtën, ko ka'ap nyätyukyaj'ëxëëkëtëty ja ka'apë tyiosëtyën.

Ezequiel 18:28

Ko wyinma'anypyaatëty ets t'ëxmatsëty yë ëxëëk në'ë ëxëëk tu'u, tääpë ja'ay juuky'ataanp yë'ë ets ka'ap y'ooka'any tyëkoyä'äny.

Ezequiel 18:10

Pën tääpë ja'ay myëët'ajtyp tu'uk yë myaank mëti'ipë ëxëëk ja'ay'ajtpën ets yajja'ay o'kp,

Jeremias 44:17

Ni'ikyës njaaktuuna'antë ja mëti'ipës xëmë ntuuntëpën. Ntukwintoyantëpës ja poom mëti'ipë nyiwintaj'ajtypyën ja tsajp; jëtu'unyëm tääjës ntuntën, tä ja n'aptëjkëtyës tuuntën, tä ja yajkutujkpëtëjk ets wintsëntëjkëty tuuntën mëti'ipë jam Judá yajpatën ets jampë Jerusalén të yajpaatën në'ëjoty tu'ujotypë;

Jeremias 9:14

Kujuun nyäpyëjktakëtë ets jëtu'un ojts winë tuntë tä ja kyë'ëm jot kyë'ëm winma'anytyën ets wiink tios ojts t'ëwtajtnëtë tä yë y'aptëjk tyukni''ijxëyëtën.

Jeremias 8:6

Yajxonës yë ntatsk xii yaa njatuk'akëyë, nimaajës të nkamëtoy pën jyotwinpity ets nimaajës nkamëtoy pën y'ënä'äny: ¿Tiijës të ntuny? Aak pe'tym je'eyë ye'eytyë tä yë kwaay pëyi'ikyë nyäxy tyëkën tsipjoty.

Isaías 44:19

Ka'ap nijënu'un myäytyë tyajtë ets ka'ap nijënu'un wyinma'anypyaatë, paaty ka'ap jyä'äkyukëtë ets ka'ap tukjatë wi'ix y'ëna'antëtyën: Kujkwä'kxy ya'atë kepy të nja'axy'ätyës, ets ko të tyooytyä'äky täätsës yë tsajpkääky të ntukyajkë'ëy, tëëjës tsu'utsy ntuktsa'ay etsës të ntukkay; e ja kepy mëti'ipë të nyatëkën yë'ëjës mëët yë awinax të nyajkojy, paaty yë mëti'ipës n'ëwtajtypyën, kepy yë'ë.

Proverbios 17:21

Ko u'unkteety yë y'u'unk y'ëna'k ka'ap nijënu'un jyä'äkyukë, je'eyë yajmony yajtukyë; ko tu'uk yë u'unkteety tmëët'aty yë y'u'unk mëti'ipë tsuujën, ka'ap jyotkujk'ajtënëty.

Ezequiel 18:15

ka'ap jam nyijkxy kopkkëjxm ma yajnixëëwtunyën ja wiink tios ets ka'ap wiink tios tuk'ijxpety mëti'ipë jam yajpatpën ma Israel kajpnën; ka'ap tpëjkë myëku'uk yë tyo'oxytyëjk

2 Reyes 22:1

Josías jä'ä ënety jyëmëjt majkmäjtsk ko tyëjkëy yajkutujkpë jam Jerusalén ets i'px majktu'uk jëmëjt ojts yajkutuky. Ja tyaak jä'ä ijty txëëwajtyp Jedidá, yë'ë nyëëx yë Adaías, jam kyukajpnëty Boscat.

2 Reyes 22:2

Ja tyu'unën kyajpxën ja Josías oy ja Wintsën t'ijxy, jä'ä ko yë'ë oy winë tuuny tä ja y'apteety David winë tuunyën, yë'ë ka'ap ojts ma tii tuuntëkoy.