Ezequiel 18:13 - Biblia Dc en Mixe de Quetzaltepec

¹³ nëkooyë këjää tyaj'u'unk'ajnë meeny mëti'ipë myëku'uk tyuk'ënu'kxypyën; tääpë ja'ay ka'ap tjëkyepy jyuuky'atëty. Ko ënety të tuunta'ay tëkokyë mëti'ipës n'ëxëëk'ijxypyën, tääts y'ooka'any ets ka'ap tii yajtso'oka'anyë, kë'ëm ënety jëtu'un nyätyunyë.

Biblia Mixe de Quetzaltepec

¹³ nëkooyë këjää tyaj'u'unk'ajnë meeny mëti'ipë myëku'uk tyuk'ënu'kxypyën; tääpë ja'ay ka'ap tjëkyepy jyuuky'atëty. Ko ënäty të tuunta'ay tëkokyë mëti'ipës n'ëxëëk'ijxypyën, tääts y'ooka'any ets ka'ap tii yajtso'oka'anyë, kë'ëm ënäty jëtu'un nyätyunyë.

Ezequiel 18:13 ပူးပေါင်းရင်းမြစ်များ

Ezequiel 18:8

Ko yë meeny pën tuk'ënu'kxy ka'ap yë'ëkyëjxmëty ko tyaj'u'unk'ata'any; ka'ap pën t'ëxëëktuny; mëtëy tnipaye'ey ja nëë poky ko pën nimäjtsk tsyippaaty;

Ezequiel 3:18

N'ëkpëjktakmëty nikajpxëtyës tu'uk yë ëxëëk ja'ay mëti'ipë tëë nyitukën ets y'ookëty; pën mijts ka'ap ja ëxëëk ja'ay xytyuk'ëwaanë ko tëë nyitukë ets jeexyë ja y'ëxëëktu'unën t'ëxmatsy, yë'ë kopkpëky ja nëjkx tku'ookë ja tyëko'oyën, mijts nëjkxëp mpokytyëëmë'ëky ko ënety të xykyatuk'ëwaanë ets jeexyë tsyo'oky.

Éxodo 22:25

Pën mtuk'ënu'kxyp yë mmëku'uk yë wit meeny, mëti'ipë ëyoop jotëkoopyën, këtii jëtu'un mnäyajnaxëtëty tä ja'ayën mëti'ipë yajnu'kxpën ets ni yë'ë xykyapatëkëty pën tëë tyaj'u'unk'aty tkayaj'u'unk'aty.

Hechos 18:6

E ko ja jutiis ja'ayëty jyoot'anpëjktë ets t'ënëmaaytyë ëxëëkjaty ja Pablo, ënät ja Pablo wyit twinxijty, jëtu'un tpëjktäky tu'uk ja ijxpäjtën ko ka'ap y'oyëty mëti'ipë ja jutiis ja'ayëty tyuuntëpën ets t'ënëmaay: Mkë'ëmpoky miitsëty pën m'ëyoowtëp xëmëkyëjxm, ka'apës ma ëjts mpoky'atëty. Tyamës nnëjkxëty ma ja ja'ayëtyën mëti'ipë ka'ap jyutiis'atën.

Ezequiel 18:32

Ixmatstë yë ëxëëk juukyajtën ets mjuuky'atëty. Ëjts Wintsën, ëjts ënaanp.

Ezequiel 18:28

Ko wyinma'anypyaatëty ets t'ëxmatsëty yë ëxëëk në'ë ëxëëk tu'u, tääpë ja'ay juuky'ataanp yë'ë ets ka'ap y'ooka'any tyëkoyä'äny.

Ezequiel 18:24

E ko yë wa'ats ja'ay t'ëxmatsëty ja oynyë'ë oytyu'u ets jä'ä tunëty ja ëxëëkpë mëti'ipës n'ëxëëk'ijxypyën mëti'ipë ëxëëk ja'ay tyuunpyën, ¿ko m'ëk may m'ëk tajtë, wä'än jëtää tääpë ja'ay jyuuky'atëtyë? Oy ënety tii winë të tjatuny oy, ëjts ka'apës nja'amyätsa'any; yë'ë kopkpëky ko y'ookëty mëët ko ënety të xykyawintsë'ëkës ets yë'ë nëjkx tku'ookë nyëë pyoky.

Ezequiel 18:17

ka'ap pën t'ëxëëktuny, ka'ap yë'ëkyëjxmëty meeny pën tuk'ënu'kxy ko tyaj'u'unk'ata'any; pyatuumpy ja n'ënä'ämënës ntëyajtënës, mëtëy jyuuky'äty; tääpë ja'ay ka'ap y'ooka'any oy ënety ja tyeety të jyapokytyuny. Yë'ë kopkpëky ko jyuuky'ata'any.

1 Reyes 2:37

jä'ä ko pën mtso'omp ets mwinajxyp yë wok jampë yajpaatyën Cedrón, tyam yajxon n'ënëëmë ko m'ookëp yë'ë ets kë'ëm nëjkx mnätyunyë.

Ezequiel 33:8

Wä'änxyëp ëjts nikajpxëtyës ko tu'uk ja ja'ay ënety y'ooka'any mëët ko tmëët'aty ja nëë poky; e mijts pën ka'ap ja ja'ay xytyuk'ëwaanë ets tyajtëkatsëty ja jyuukyajtën ets yë'ë ka'ap ja jyuukyajtën tyajtëkatsy, tääpë pokyjyä'äy kyë'ëmpoky nëjkx tku'ookë, e mijts nëjkxëp ntukumëtoy ko ënety tääpë ja'ay të y'ooky.

Job 34:11

Yë'ë jëtu'un yë ja'ay winë tmo'oy ijxtëm yë ja'ay winë tunyën; yë'ë myoopy yë ja'ay winë ijxtëm pyaatëtën nitu'ukjaty.