Ezequiel 17:21 - Biblia Dc en Mixe de Quetzaltepec

²¹ O'kta'ajantëp ja jotmëkja'ayëty jam tsipjotm, mëti'ipë ënety wë'ëmtëpën juuky, jëtu'unyë ye'eywya'kxa'antë taxkpëky. Ënätnëm nëjkx m'ëna'antë ko ëjts Wintsën, tëëjës n'ayuk njakäjpxy.

Biblia Mixe de Quetzaltepec

²¹ O'kta'ajantëp ja jotmëkja'ayëty jam tsipjotm, mëti'ipë ënäty wë'ëmtëpën juuky, jëtu'unyë ye'eywya'kxa'antë taxkpëky. Ënätnëm nëjkx m'ëna'antë ko ëjts Wintsën, tëëjës n'ayuk njakäjpxy.

Ezequiel 17:21 ပူးပေါင်းရင်းမြစ်များ

2 Reyes 25:11

Ojts ja Nabuzaradán tmënëjkxta'ay ja ja'ay jam Babilonyë, mëti'ipë ënety të jyaakwë'ëmtën kajpnjotm ets ja mëti'ipë tëë tja'aypyëjknëtën ja Babilonyë yajkutujkpë ets näjyëtu'un ja ja'ayëty mëti'ipë pi'tëpën kojtëpën.

2 Reyes 25:5

E ja tsiptuunpëtëjkëty, ja Caldeo ja'ayëty ojts tpapo'otë ja yajkutujkpë Sedequías ets jam naspatëtyë ma ja jyoyjotmën ja Jericó. Ja tsyiptuunpë jëtu'unyë nyikäktaayë ja jyä'äy.

Ezequiel 12:14

Taxkpëky nëjkx jëtu'unyë nyajkääkwä'kxyës ja këwent'ajtpëtëjkëty mëti'ipë ënety kuwanëpën ets näjyëtu'un nëjkx jyatë wiinkëtypë tsyiptuunpëtëjk, mëët yë tëypyujxn nkë'ëkëjxmës n'ixjëtita'an mpajëtita'antës.

Ezequiel 5:12

Tu'kpëky ma ja tëkëëk pëkpyën, yuu xëëwës ntukyaj'ookäämpy ets pa'am ëyo'on ets ja mëmäjtskpëkpyë nëjkxëp yë myëtsip yaj'ookëtë mëti'ipë ënety të yajnatukyën, e ja mëtëkëëk pëkpyë jëtu'unyës nwojpwa'xta'aja'antë naaxwiinyëtë apëtsëmy. Etsës mpapo'oja'antë mëët yë tëypyujxn nkë'ëkëjxmës.

Amós 9:1

Ënätës yë Wintsën të n'ixy jam winkon ma wintsë'këntyaknën, etsës të xy'ënëëmë: Wojpyu'kx të tëjk'ateeny koonëm kyëtawëty yë tëjk akaj; ets jam tyëjtakta'ajëty ma ja'ayëtyën. Mëti'ipë juuky wë'ëmtëpën ëjts nkupujxta'ajäämpy: Oy pën jyakä'äka'anëty ka'ap nëjkx tsyo'oky;

Ezequiel 15:7

Mëtsipës nänyikajpxa'anyë ma yë'ëjëtyën. Jyakukä'äktëp tu'kpëky ja jëën je'eyëp ko nän jëënjoty nëjkx kyukääkëtë. E koos ënety ëjts nänyikäjpxyë mëtsip ma yë'ëjëtyën jäänëm nëjkx xy'ixkaptës ko ëjts Wintsënajtp.

Ezequiel 13:23

Paaty miitsëty ka'ap tii xy'ëkwin'ijxnëtëty ka'apë myëtëyëtyën ets ka'ap m'ëk win'ë'ënëtëty ma tii xykyajpxnaxtën. Ëjts nyajtso'okäänpyës yë nkajpnës ma miitsëty o'ktëy xytyuntën ets jëtu'un nëjkx xynyijawëtë ko ëjts Wintsën.

Ezequiel 13:14

Ets njitë'ëka'anyës tääpë yë potsy mëti'ipë të xyjyaamnikoytyën; jëtu'unyës naaxkëjxy nyajijtkëta'aka'any ets nëjkx ja y'ëjx nyijijtu'uty. Jëtu'un, jijtë'ëkaanp tääpë yë potsy ets nëjkx mnijijtpätëtë. Ënet nëjkx xy'ijxpaatë ko ëjts Wintsën.

Ezequiel 6:10

Ënet nëjkx xy'ixkaptës ko ëjts jëtu'un Wintsënajtp ets ko ojts njatuk'ëwaanëtës ya'atë ëyo'on jotmay, ka'ap nyëkoopëty ojts nikäjpxyës.

Ezequiel 6:7

Ko ënety xy'ixtë ja'ay may y'o'knë, täänëm nëjkx xy'ixkaptës ko ëjts jëtu'un Wintsënajtp.

Ezequiel 5:10

Ma miitsëtyën nëjkxëp yë taak teety yë y'u'unk y'ëna'k tsu'utstë, yë u'unk ëna'k nëjkxëp yë tyaak tyeety tsu'utstë. Ntukumëtowäämpy yë mpoky ets mëti'ipë juuky jaakwë'ëmtëpën taxkpëkyës nyajye'eywya'kxa'any.

Jeremias 52:8

E yë tsiptuunpëtëjkëty, yë Caldeo ja'ayëty, ojts tpatsoontë ja Sedequías yajkutujkpë ets tnajtspatëtyë jam joyjotm winkon ma Jericó kajpnën. Ja Sedequías ja tsyiptuunpëtëjk ojts y'ëxmajtstaayënë ets jëtu'unyë kyääkwa'kxtaaytyë.

Jeremias 48:44

Mëti'ipë ënety kyukekpyën ja ja'aymyajtspë, jutjoty nëjkx kyuka'anaxy; e mëti'ipë ënety jutjoty pëtsëëmpën, jam nëjkx nyaskääkë ma yajxokyën, jä'ä koos ënety jëtu'un kë'ëm ntëytyuunpyës ja Moab. Ëjts Wintsën, ëjts ënaanp.

Isaías 26:11

Mijts Wintsën janty jëjp'ixy jam xyjyamëët'aty yë tëytyu'unën, je'eyëp ko yë ëxëëkja'aytyëjk nijënu'un mëj tkatimy'ixtë; ko ënety t'ixtë wi'ix yë mtsojkën mja'awën xyaj'ixyën ma mwa'atsja'aytyëjkën, jää nëjkx tukxi'iky ja ëxëëkja'aytyëjkëty wyë'ëmtë. Jääpëk jeexyë ja mtsip m'äkë yajkëxëtë.

Ezequiel 5:2

Ko ënety jyëjpkëxy ja tsip ma ja naax kajpn yajnitëkën tääts tu'kpëky xyjyëënmo'ojëty ja waay kajpn itkujky; ënät jatëkok ja tsujkn xykyoonë'ëkëty ets jatu'kpëky ja mwaay xynyëëtsukëty tu'kkajpnpa'a xytsyukëty; e jatu'kpëky mëti'ipë ënety mjaak nëëtsujkpyën jëtu'unyë pojjoty xywyëjwa'kxëty. Yë mayjyä'äy ëx'amës npanëjkxa'any mëët tu'uk yë tëypyujxn nkë'ëkëjxyës.

Ezequiel 5:13

Jëtu'unës nëjkx ja n'äkë nyajnaxy ma yë'ëjëtyën; yë'ëjës ntuk'ëwa'anxäämäämpy etsës njotkujkëty. E ko ënety winë të ntunyës tääts nëjkx tnijawëtë, ko ëjts mëti'ipë Wintsën'ajtpën ojtsës njanikäjpxy maas ënety tëë ntukjoot'anpëknëtën.