Ezequiel 17:17 - Biblia Dc en Mixe de Quetzaltepec

¹⁷ Paatykyëjxm ko ënety yë Babilonyë yajkutujkpë tnipëtë'ëky yë kajpn ets twinwëëtëty; t'oytyunëty yë ye'eypyäjn jam potsykyëjxm ets jap kajpnjoty tyëkëty ets may yaja'ay ookëty; yë Egiptë yajkutujkpë ka'ap pyutëkëja'anyë ets ka'ap tyuknikäxa'anyë tsiptuunpëtëjk ets mayjyä'äy,

Biblia Mixe de Quetzaltepec

¹⁷ Paatykyëjxm ko ënäty yë Babilonyë yajkutujkpë tnipëtë'ëky yë kajpn ets twinwëëtëty; t'oytyunëty yë ye'eypyäjn jam potsykyëjxm ets jap kajpnjoty tyëkëty ets may yaja'ay ookëty; yë Egiptë yajkutujkpë ka'ap pyutëkëja'anyë ets ka'ap tyuknikäxa'anyë tsiptuunpëtëjk ets mayjyä'äy,

Ezequiel 17:17 ပူးပေါင်းရင်းမြစ်များ

Jeremias 37:7

ja ja'ayëty mëti'ipë të nyiminyëtën: Ënëëmëtë yë Judá yajkutujkpë mëti'ipë të mkäxëtën etsës winë xyajtëwtëty, ko ja yajkutujkpë mëti'ipë jap Egiptë ënä'ämpën tëë ja tsyiptuunpëtëjk wyimpijta'atë mëti'ipë të y'ëna'antën ko mputëkëja'anyë.

Ezequiel 4:2

Tukyajnatuk yë tsiptuunpëtëjk ets kanaak xypyëjkta'akëty yë pujxn mëti'ipë ja'ay myëtsiptuunpyën, na'ëwtity xyajkojëty yë potsy ets xywyinwëëtëty jëtu'un yaj'ixëty tëë yowë nyatuky.

Isaías 36:6

Jëtu'unës n'ixy ko yë'ë Egiptë mtuk'ijxpejtyp. Oy, yë Egiptë ja'ayëty jëtu'un yë'ëjëty tä kepy xya'kën, ko yajmatsy tääts kyë'ëtëkë. Jëtu'un tääpë yajkutujkpë, mëti'ipë jap Egiptë ënä'ämpën ets jëtu'un tyajjaty tyajkëpety mëti'ipë tuk'ijxpäjtëpën.

Jeremias 37:5

Ko ojts jap Egiptë tsyoontë ja tsiptuunpëtëjkëty mëti'ipë yë faraón jyä'äy'äjtypyën. Yë Caldeo ja'ayëty ojts tnijawëtë mëti'ipë ojts ja Jerusalén kajpn tnitëkëtën, poj'am jam tsyo'ontaaytyë.

Lamentaciones 4:17

Ëëtsajtëm oy jënu'un wiin nyaj'ënu'kxëmëty ets oy jënu'un nja'ëwxijtmëty ja näypyutëkë, ka'ap tii mpaata'anëmë. Yë'ë ntsaty'ëwxijtëmë tu'uk yë kajpn mëti'ipë ka'ap tjëkyepyën xyajtsokmëty.

Jeremias 52:4

Ma myajk anyën yë mëmajkpo'opë, ma taxtujk jëmëjt y'apetyën ma Sedequías tyëkën yajkutujkpë, jää yë Nabucodonosor yajkutujkpë ojts tnija'ty yë Jerusalén kajpn ets tyajnatujky mëët ja tsyiptuunpëtëjk, ojts twinwëëtë ja potsy mëti'ipë yë Jerusalén kajpn nyapots'ajtypyën.

Daniel 11:15

Ja yajkutujkpë anëkëjxytsyowpë nëjkxëp ja naax kajpn tyajnatuky ets nëjkx t'oytyuny ja wa'kpäjn ma ja kajpn pa'ajën ets tjëkyäpëty wi'ix tyëkëtëtyën jap kajpnjoty ets nëjkxëp tmëmëtä'äky. Oy ënety jap kajpnjoty jyajap'atë ja oyëtypë ja tsiptuunpëtëjk ka'ap nëjkx myäyëtë tkuwa'antëty ja nyaax kyajpn.

Deuteronomio 20:20

Yë'ë tëy yë kepy mëti'ipë ka'ap tyëëmpetyën, jyëkyejpy xypyuxtëty, yë'ëts myajtuntëp ets xyajnatuktëty ja kajpn.