Ezequiel 17:16 - Biblia Dc en Mixe de Quetzaltepec

¹⁶ Ëjts Wintsën, jëtu'unës n'ëna'any ets njuukyajtënës yam ntukkajpxpejtyp, ko tääpë ja'ay jyëkyejpy y'ookëty jä'ä ko tëë tukxi'iky ja käjpxytyu'unën ets ka'ap të tpatuny ijxtëm të y'ënë'ëmxëtyën ja yajkutujkpë mëti'ipë të jyapëjktä'äkyën ets yajkutukëty.

Biblia Mixe de Quetzaltepec

¹⁶ Ëjts Wintsën, jëtu'unës n'ëna'any ets njuukyajtënës yam ntukkajpxpejtyp, ko tääpë ja'ay jyëkyejpy y'ookëty jä'ä ko tëë tukxi'iky ja käjpxytyu'unën ets ka'ap të tpatuny ijxtëm të y'ënë'ëmxëtyën ja yajkutujkpë mëti'ipë të jyapëjktä'äkyën ets yajkutukëty.

Ezequiel 17:16 ပူးပေါင်းရင်းမြစ်များ

Ezequiel 12:13

Ntukujëpijpë'ëkäämpyës yë ntsaayës ets yë'ë mëët nmatsa'anyës. Jam Babilonyë nyajnëjkxa'anyës, ma Caldeo ja'ayëtyën, ja naax kajpn mëti'ipë ka'ap nëjkx t'ixyën ets jam nëjkx y'ooky.

Jeremias 52:11

E yë Sedequías ojts yajni'ënä'ämë ets wyiintsaa yajjuutëty ets yajtsumëty mëët yë pujxntä'äky, jëtu'un jam Babilonyë yajmënëjkxëty. Tsumy ënety jap y'ity ko ojts y'o'knë.

Ezequiel 17:13

Ënet ojts tuny tu'uk ja käjpxytyu'unën mëët tu'uk ja myaank ja Judá yajkutujkpë ets tukupëjky ja winma'any ets oy yajkutukëty ets myëët'atëp ja näwyinkutsë'ëkë ma ja Babilonyë yajkutujkpën ets tyajnëjkxtaay tsumy matsy ja ja'ay mëj'äämpyë,

Ezequiel 16:59

Ëjts Wintsën, jëtu'unës n'ëna'any: Ko nmo'ojäämpy yam ja tëytyu'unën ijxtëm mnitëkëtyën, jä'ä ko ka'ap të xypyatuny ja m'aaw m'ayuk mëti'ipë käjpxytyu'unën'ajtpën.

Jeremias 39:7

Yë Sedequías ojts yajni'ënä'ämë ets wyiintsaa yajjuutëty ets atsumy kë'ëtsumy nyëjkxëty mëët yë pujxn aats jam Babilonyë.

Salmos 15:4

mëti'ipë y'ëxëëk'ijxypyën ja mëti'ipë patëp yaj'ëxëëk'ixëtyën. Ets y'oyjya'ap mëti'ipë yajmëjnajxypën yë Wintsën, mëti'ipë tyuunpyën tëëpë twinwanën oy ëxëëk tmëjatëty;

2 Reyes 24:17

Tä ja yajkutujkpë mëti'ipë jam tuunpën Babilonyë ojts ja Matanías jä'ä tpëjktä'äky ets yë'ë yajkutukëty, tkutëkëty ja Joaquín, je'eyë txëëwinkuwijtsy ets ojts tijy Sedequías.

2 Samuel 21:2

Ënet ja David tyaxtsooy ja Gabaón ja'ayëty ets mëët myëtyäky. Yë Gabaón ja'ayëty ka'ap y'israel ja'ay'atë, yë'ë Amor y'u'unk y'ok mëti'ipë ojts wyë'ëmtën juuky; ojts mëët yë käjpxytyu'unën tuntë yë Israel ja'ayëty. E ko yë Saúl tyëjkëy yajkutujkpë, mëët ko ënety yi'iyë tsyojkpy yë Israel ja'ayëty ets jam y'itëty, paaty tjayaj'o'kta'ajany ja Gabaón ja'ayëty.

Josue 9:20

Kopkpëky ko nimä'kxmëty yë jyuuky'ajtënëty, jä'ä ko ka'ap jëtu'un ntu'unmëty, yë Wintsën nëjkxëp xytyukjoot'anpëjkëmë.

Éxodo 20:7

Ka'ap yë mWintsën Dios yë xyëëw ëëwpäjn kajpxpäjn je'eyë xywya'anëty, jä'ä ko yë'ë ka'ap jëtu'unyë tnayajninaxa'any mëti'ipë ënety nëkoo ja xyëëw tyuk'ëyë'këpën.

Éxodo 8:2

Pën ka'apëtën xy'ëxmatsy ëjts nyaj'ëyowäämpyës yë mnaax mkajpn mëët yë maynyooty.

2 Timoteo 3:3

Ka'ap nëjkx t'ëkmëët'ajnëtë ja pa'ëyo'owën, je'eyë pyi'tskajpxanëtë, ka'ap nëjkx tkumä'kxëtë ja y'ëxëëk winma'anyëty, ëxëëk ja'ay y'ita'antë ets myëtsip'atantëp tu'kë'ëyë ja oypyë.

1 Timoteo 1:10

mëti'ipë yajwintsë'këntëkooytyëpën ja pëjkën ukën, mëti'ipë ja myëye'etyëjk ëkë myëto'oxytyëjk myëët'ajtëpën, mëti'ipë ja'amyä'tstëp, mëti'ipë win'ë'ëntëp, mëti'ipë ja Dios yajkajpxtëpën mëët ja antakën, ni'ëmukë jënu'un tmëtsip'atën ja mëtëypyë ijxpëjkën.

Romanos 1:31

ka'ap jyä'äkyukëja'antë, ka'ap ja y'ayuk tpatuntë, ka'ap pën t'oyjyawëtë, ka'ap nyimyä'kxtë, ka'ap ja pa'ëyo'owën tmëët'atë.

Malaquías 3:5

Yë Wintsën mëti'ipë maaytyääyëpën winë jëtu'un y'ënä'äny: Minaanpës ets miitsëty nipaye'eya'antë. Näyjyëtu'un kë'ëm n'ixa'any nmëtowa'anyës wi'ix ënety yajtuntën ja mëti'ipë najtsja'awëtëpën, mëti'ipë ka'ap twintsë'ëkën ja nyiye'etyëjk ëkë ja tyo'oxytyëjk; mëti'ipë nanëkoo ëëwpäjn kajpxpäjn wyäämpyën yë Dios yë xyëëw; mëti'ipë ka'ap tsow tmëjuyën yë tyuunpë, je'eyë mëk tyajtuny; mëti'ipë o'ktëy tyuunpyën ja ku'ookytyo'oxy ets ja ku'ooky u'unk; mëti'ipë yaj'ëyoopyën ja jaaypyaat jaaypyo'kxy ets mëti'ipë ka'ap wyinkutsë'ëkën.

Oseas 10:4

Je'eyë tyäty myëtyä'äky, je'eyë winë t'ëwaanë ets twinkäätsë noky; ko ënät yë nipaye'eyën tuny jëtu'un yajjawë xwätën mëti'ipë ujtsjoty yoonpën.

Ezequiel 17:10

Oy jyayajpääntëkatsëty, ka'ap nëjkx jyiitsy; jää nëjkx tyëtsta'ay ko ënety myiny ja jëënpoj mëti'ipë xëëwpëtsëmtsyow tso'onpën; jam tsyë'ëtsa'any ma ënety jyiitsa'anyën.

2 Reyes 24:20

Paatykyëjxm ojts yë Wintsën tukjoot'anpëky yë Jerusalén kajpn ets Judá kajpn ets t'ixkäjxtaay ja ja'ay. Ok ja Sedequías ojts tnipëtë'ëky ja yajkutujkpë jampë y'ëne'emyën Babilonyë.

Jeremias 34:21

Tëës näjyëtu'un ntuknipëjktaakë ets Sedequías, Judá yajkutujkpë mëët yë tyuunpëtëjk kya'atëty ma ja myëtsiptëjkëtyën, ma ja Babilonyë ja'ayëtyën mëti'ipë tsiptuuntëpën, mëti'ipë tu'ktsojkyë ja tsipt të tyajxäämtën.

Ezequiel 21:23

E yë Jerusalén ja'ayëty ka'ap timmyëjpëjkta'aktë ya'atë aaw ayuk mëti'ipë yam ja yajnimëtyakpën, yë'ë tyukjotkujk'ajtyp ko tëë mëët wiinkëtypë naax kajpn käjpxytyu'unën tuny. Yë'ë yajnimëtyakp tëypyë mëët ko tëë nëë poky tmëtëkë.