Ezequiel 16:7 - Biblia Dc en Mixe de Quetzaltepec

⁷ Ets nyajye'ky tä aay ujts yonyën kamjoty, ojts myeeky mpety, koonëm m'awinpijty tu'uk to'oxytyëjk, ojts ja mtsi'tsk yeeky ets myujxtaay ja mwaay. Je'eyëp ko mniwa'ats m'ëxwa'ats.

Biblia Mixe de Quetzaltepec

⁷ Ets nyajye'ky tä aay ujts yonyën kamjoty, ojts myeeky mpety, koonëm m'awinpijty tu'uk to'oxytyëjk, ojts ja mtsi'tsk yeeky ets myujxtaay ja mwaay. Je'eyëp ko mniwa'ats m'ëxwa'ats.

Ezequiel 16:7 ပူးပေါင်းရင်းမြစ်များ

Deuteronomio 1:10

May'äämpy yë Wintsën, mëti'ipë miits mTiosajtëpën yë u'unk ëna'k të mmo'ojëtë. Paaty ënät tyam janty nimay mkëxë'ëktë, jëtu'un tä mëtsa'a tsajpwinm myäykyëxë'ëktën.

Éxodo 1:7

Yë Israel ja'ayëty janty nimayëty yë y'u'unk y'ëna'k myiintë naaxwiiny naaxkëjxy, jëtu'un'äämpy ojts yajxon nyimayëtë ets y'awinpijtë tu'uk mëj kajpn jap Egiptë ets mapaat yë Egiptë kajpn tnitänën yë naax kam, aakyë'ë ënety yë Israel ja'ayëty yajpatnëtë oymyaajëty.

Isaías 62:3

Mijts mëj'äämpy m'ita'any ma Dios kyë'ëjën, jëtu'un tä tu'uk kujänën mëti'ipë yajkutujkpë yajtuumpyën,

Hechos 7:17

Ko ja xëëw jëmëjt tpaty ma ja Dios ja wyaantakën y'atëwëtyën ijxtëm ja Abraham yajnëmaayën, tëë ënety ja Israel ja'ay ni'ik myäyëtë jap Egiptë.

Oseas 2:3

Pën je'eyëm tuun'ëtë'ëtsy ëxëëkpë, niwa'ats ëxwa'atsës nyajwë'ëma'any: Jëtu'unës mpëjkta'aka'any niwa'ats ëxwa'ats tä myiinyën naaxwiiny, aanë'ëk tëëtsë'ëkës nyaj'awinpita'any, ets nyajnëëtëëtsë'ooka'anyës.

Ezequiel 16:22

Mijts, ma tyam je'eyë mjot mnini'kx xytyo'knë xyajknën ka'ap xy'ëkja'amyäjtsnë wi'ix ojts mëxu'unk'atyën, ko niwa'ats ëxwa'ats miiny naaxwiiny ets jëtu'un ja ne'pny xytyukyäjtsëtyääynyë.

Ezequiel 16:16

Mëët yë mwit mtujkxy ojts xy'oytyuny yë nyitsajptëjk yë wiink tios jam muum tunkëjxm kopkkëjxm ets jam ja mjot mnini'kx xytyo'ky.

Isaías 61:10

Ëjts ntukxoontäkpyës yë Wintsën. Jotkujkës nnäjyawëty mëët yë Wintsën, jä'ä ko yë'ëjës të xyajtso'oky ets të xyajmëtä'äkyës. Jëtu'unës tä tu'uk ye'etyëjkën mëti'ipë pëkaanpën ets tpëjktä'äky yë kyujän ëkë tä tu'uk to'oxytyëjkën mëti'ipë pëkaanpën ets nyantsëm oyëtypë yajpëjktä'äky.

Cantares 4:5

Yë mtsi'tsk jëtu'un tä mäjtsk yë jëtyu'u u'unkën, mëti'ipë nimäjtsk të pyi'k'atën ets pëjjyoty y'oktë.

Salmos 148:14

Yë'ë të tjotmëkmo'oy yë nyaax kyajpn. Yë'ë jëtu'un ja wa'ats ja'aytyëjk tyukxoonta'aktëp ets myëjjawëtëp, mëti'ipë yajpatëpën jam Israel, mëti'ipë Dios kyajpn'ajtypyën, ja nyaax kyajpn mëti'ipë oy tsyojkpy jya'apën. Tukxoontä'äky mëjjawë Dios yë xyëëw nyaxëty.

Salmos 147:20

Ka'ap ojts maa wiink naax wiink kajpn jëtu'unpë tuny, ja ja'ayëty ja wiink naax wiink kajpnëpë ka'ap ojts ma tnijawë'atë ja y'ënä'ämën tyiyajtën. Tukxoontä'äky mëjjawë Dios yë xyëëw nyaxëty.

Salmos 135:4

Yë'ë ojts twin'ixy yë Jacob mëti'ipë yajtijpën Israel, ets yë'ë jëtu'un tjawëja'any tä kyë'ëm wit kyë'ëm meenyën.

Job 1:21

Ënet y'ënäny: Niwa'ats ëxwa'atsës të nminy naaxwiiny, näjyëtu'unës jatëkok ntsoona'any. Wintsënës winë të xymyo'oy, nän yë'ëjës winë xypyëjkëjaanp; kënu'kxy mëjjawë yë Wintsën yë xyëëw y'ity.

Deuteronomio 4:8

¿Maa wiinkpë naax kajpn n'ëkpatmëty mëti'ipë myëët'ajtypyën ja ënä'ämën tëyajtën oypyë ets mëtëypyë, jëtu'un tä yë mëti'ipë yam miits të ntukmëtowtën?

Éxodo 12:37

Jam ojts yë Israel ja'ayëty tsyoontë ma tu'uk yë kajpnën mëti'ipë xyëëwajtypyën Ramsés ets jam jya'ajtë Sucot, jä'ä ënety ja ye'etyëjktëjk nyiwinë'atë nitëtujk mëko'px, mëti'ipë jyëkyäjpnëp tsyiptuntëtyën. Yë to'oxytyëjkëty ets pi'k'ëna'këty ka'ap ojts yajmëtyowtë.

Éxodo 3:22

Nitu'ukjaty ja Israel to'oxytyëjkëty nëjkxëp t'amëtowtë ja Egiptë to'oxytyëjkëty mëti'ipë myëtëjk'ajtëpën ëkë mëti'ipë mëët tsyënaaymyuktën: ja pu'ts pujxn, poop pujxn ets ja wit tujkxy, yë'ë nëjkx nyätyuk'oytyunëtë ja y'u'unk y'ëna'këty, jëtu'un'äämpyës nëjkx xypyëjkëtë ja Egiptë ja'ayëty mëti'ipë ënety myëët'ajtëpën.

Génesis 22:17

ko nkënu'kxa'any mëjwiin këjää. Yë m'u'unk m'ok janty nimay y'ita'antë jëtu'un tä yë mëtsa'ajën ets jëtu'un nyimay'ata'antë ijxtëm yë jin kyëxë'ëkyën nëë''ëkë'ëy. Yë'ëjëty xëmë tmëmëta'aka'antë yë myëtsipëty,

Cantares 8:8

Yë to'oxytyëjk mëti'ipës nmëkä'äx'ajtëpën ka'ap tii tyi'tsk. ¿Tiijës ntuunta'aktëp ko ënety pën y'amëtoyë?

Cantares 8:10

Ëjts jëtu'unës tä tu'uk napotsën ets ntsi'tskës jëtu'un tä tu'uk yenypyotsyën mëti'ipë kujkyë tënääpyën. Paaty yë ye'etyëjk oyës xy'ixy ets tëëjës npaaty yë xoontakën.

Ezequiel 16:6

Ëjts winkonës nnajxy ma mijtsën, ko n'ijxy tëë mne'pny xytyukyäjtsëtyä'äy ënätës ojts n'ëna'any ko jyëkyejpy mjuuky'atëty.

Deuteronomio 1:11

Yë Wintsën mëti'ipë yë m'ap m'ok Tyios'ajtëpën, yë'ë y'a'ixëp ets miitsëty jaakni'ik mnimayëtëty ets mkënu'kxëtëty jëtu'un tä yë'ë të tnikäjpxyën.