Ezequiel 16:57 - Biblia Dc en Mixe de Quetzaltepec

⁵⁷ ma ënety ka'ap wyinkëxë'ëknyëm ja mpoky; e tyam tëkokyë tääpë naax kajpnëty, ma tsyëënëtën yë Edom ja'ayëty, filistejë ja'ayëty ets mëti'ipë mëët mnätyu'kmëtsëpa'an'atyën je'eyë tyam mtukxikënë; ka'ap ni pën m'ëk tsojkënë.

Biblia Mixe de Quetzaltepec

⁵⁷ ma ënäty ka'ap wyinkëxë'ëknyëm ja mpoky; e tyam tëkokyë tääpë naax kajpnëty, ma tsyëënëtën yë Edom ja'ayëty, filistejë ja'ayëty ets mëti'ipë mëët mnätyu'kmëtsëpa'an'atyën je'eyë tyam mtukxikënë; ka'ap ni pën m'ëk tsojkënë.

Ezequiel 16:57 ပူးပေါင်းရင်းမြစ်များ

Salmos 50:21

Ya'atë të xytyuny të xykyäjpxy, e ëjts tëës jëtu'unyë ntimy'amoonkëtä'äky; jëtu'un jëtää të mmay të mtajy koos näjyëtu'unës nja'ay'äty tä mijtsën. E tyam ja npoky ntukwinmëtowa'any wiinxë jëjpxë, tyam ja npoky n'ixtaaytyä'ämyëty.

Isaías 14:28

Jä'ä xëëw ma ja Ahaz y'ookyën, jää ojts yë Jeséas ya'atë aaw ayuk tkäjpxy:

Isaías 7:1

Ja yajkutujkpëtëjk mëti'ipë xyëëwajtëpën Resin, Siria ja'ayëty ets ja Pecah, Israel ja'ay, yë myaank yë Remalías; ojts tjanitëkëtë tëkok yë Jerusalén kajpn, je'eyëp ko ka'ap ojts myëta'aktë. Jää ojts jëtu'un tyunyë jyätyë ma ënety yajkutukyën yë Acaz, yë Jotam yë myaank, yë Ozías y'ok'u'unk, mëti'ipë jam Judá yajkutujkpën.

Jeremias 33:24

¿Tëë xymyëtoy ko ja'ay y'ëna'antë ko ëjts tëëjës n'ëxmajtsnë ja nimäjtskpë ja kutujktakn mëti'ipës ojts nwin'ixyënë? Paatykyëjxm t'ëxëëk'ijxnëtë ja nnaax nkajpnës ets ka'ap t'ëk'mëj'ijxnëtë ko nyaax kyajpnëty.

Lamentaciones 4:22

Mijts Sión kajpn, tëë nyäxy ja mtëytyu'unën; ka'ap yë Wintsën m'ëk ixkäxanënë mnaaxjoty mkajpnjoty. Je'eyëp ko tyiytyunäämpy yë mtëko'oyën mijts Edom kajpn ets yajnikëxë'ëkäämpy ma të mtëkoyën.

Ezequiel 16:27

Ënet ojts nyajnitukë ets xykyumëtowëty ja mpoky, ojts njëpëjkta'ayës yë mjë'kxy mpëky ets ja Filistejë ja'ayëty ntukkë'ëtëjkëy mëti'ipë m'ëxëëk ijxëpën ets ka'ap ënety t'oy'ixy ijxtëm m'ëtë'ëtsy m'ëna'anyën oytyuktsëtyuunë.

Ezequiel 16:56

Mijts je'eyë ijty xynyëxi'iky xytyukxi'iky ko o'ktëy jyäty kyëpety yë m'uty Sodomë, jä'ä ko mëj këjxm ënety mnäjyawëty

Ezequiel 21:24

Paaty ëjts maas nWintsën'atyën jëtu'unës n'ëna'any: Ja ëxëëktu'un ëxëëk kajpxën ets ja o'kën tëko'oyën mëti'ipë të xyaj'itën wa'atsës të n'ixta'ay; ja nëë poky mëti'ipë yu'utsy me'ty të tuntën tëë ja nyitë'kxta'ay. Paatykyëjxm yajmajtsta'aja'antë mëti'ipë të tyuuntëkoytyën.

Ezequiel 22:4

Mëët ko të myajja'ay ooky paaty të mpokykyä'äy ets mëët ko të xyajkojy yë awinax mëti'ipë m'ëwtajtypyën paaty të mnäyaj'ëxëëktëkëty; tëë ja m'o'kën mtëko'oyën wyinkony ets mkutëkoyëty. Paaty të ntuknipëjktaakës ets kanaak yë naax kajpn m'ojëtëty ets mnëxi'ik mtukxi'ikëtëty.

Ezequiel 23:32

Ëjts Wintsën, ëjts ënaanp: M'uukäämpy näjyëtu'un ja nëë mëti'ipë tëytyuunpën ijxtëm ja mtsë'ë t'ukyën, ja mëjpë ets këkpë ja a'ukën jä'ä mtuk'uukëjäämpy, ujtspë yajpaatyën mëët ja nëëxikën tukxikën ets ja kanämyëj'ixë,

Ezequiel 27:16

Yë Edom ajuuy ato'kp ijty mëët mijts, jä'ä ko kanaakpëky winë xymyëëtëty: Yë'ë ijty mooyëp yë oyëtypë uky tsaa ets wit oyëtypë mëti'ipë jo'okyën; mëti'ipë linë witën ets myëët'ajtyp yë nëëtsaa ets tsapts tsaa.

Ezequiel 5:14

Mijts Jerusalén, axit ako'owë nëjkx nyajjaty ets o'ktëy ma ja wiinkëtypë ja naax kajpnën ets nëjkxëp t'ixtë wi'ix ënety mjaty mkëpetyën ko jam nyaxtëty mkajpnjotm.

Ezequiel 5:15

Ko ënety të nyajnitukë ets ëxëëk mjatëty mkëpätëty ets mëj këjää myajtëytyunëty, aak nëjkxëp ja'ay m'ojyë ets mtukwinmëtoyë ja mpoky ets mijts je'eyë nëjkx myajjoot'anpëky ets myajtsipke'exy ma ja naax kajpnëtyën mëti'ipë na'ëwtity yajpatpën ma mkajpnën. Ëjts Wintsën, ëjts yam jëtu'un nikäjpxyp.

Oseas 2:10

Nëjkxëp y'ixyë y'atsoky ye'etyëjk ko ënety niwa'ats ëxwa'ats nyajwë'ëmyës. Ni pën nëjkx kyamayë tjëwowëty maas nkë'ë jotmën.

Oseas 7:1

koos yë nnaax nkajpn, yë Efraín kajpn ets Samaria kajpn njäyajtso'oka'antë, ënätyë nyëë pyokyëty wyinkëjxm jyëjpkëjxm jyä'ty. Jä'ä ko aak antaktëp; mä'tstëp, tëjktëjkëtyëp ets në'ëjoty tu'ujoty muum ja'ay tmäätstë.

Sofonías 3:19

Jä'ä xëëw nëjkxëpës jää winë ntuny ko ënety pën mtëytyuna'anyës. Jëtu'unës ja n'u'unk n'ëna'k mputëkëja'any tä yajputëkën yë kupixyny mëti'ipë të tyekytyijyën ets mëti'ipë tëkoy'ijtpën; mëj'äämpy ets akäjpxy nëjkx miitsëty nyajnaxtë ma ënety o'ktëy të mjat të mkëpätën.

1 Corintios 4:5

Paaty miitsëty këtii yë mjëëky mmëku'uk yë pyoky xytyukwinmëtowtëty, ëwxitë ja Wintsën koonëm myinëty, yë'ë yajnikëxë'ëkäämpy mëti'ipë kayajnija'apën ets nän yë'ë yajnikëxë'ëkäämpy wi'ix ja ja'ay ja jot winma'any tmëëtëtyën, ets ja Dios myo'ojëtëty ja oyajtën wi'ix nitu'ukjaty pyaat'atyën.