Ezequiel 16:53 - Biblia Dc en Mixe de Quetzaltepec

⁵³ Nyajjotkujkëjäämpyës jatëkok yë Sodomë kajpn ets Samaria kajpn, mëët nitëkokyë mutskjatypë kyajpn; näjyëtu'un mijts nyajjotkujkëjäämpy jatëkok,

Biblia Mixe de Quetzaltepec

⁵³ Nyajjotkujkëjäämpyës jatëkok yë Sodomë kajpn ets Samaria kajpn, mëët nitëkokyë mutskjatypë kyajpn; näjyëtu'un mijts nyajjotkujkëjäämpy jatëkok,

Ezequiel 16:53 ပူးပေါင်းရင်းမြစ်များ

Ezequiel 39:25

Paaty ëjts maas nWintsën'atyën, jëtu'unës yam n'ëna'any: Tyam mpa'ëyowa'anyës nitu'kë'ëyë yë Israel kajpn, yë Jacob yë y'u'unk y'ok. Ëjts nyajkutukäämpy ets wyimpitëty oy ja jyuuky'ajtënëty, etsës nimëkta'aka'any twinkutsë'ëkëtëty wa'atspë nxëëwës.

Ezequiel 29:14

Nyajwinpitäämpyës jatëkok yë ja'ayëty mëti'ipë tsumy matsy të y'itën wiink kë'ëy wiink kajpn ets jam tsyënaaytyaknpëktëty ëpa'tkë'ëmtsow ma Egiptë nyaaxjotmën, ma kyunaax'at kyukajpn'atën, ma nëjkx tyajkojtën tu'uk yë ënä'ämtakn ka'apë nëjkx mëj'äämpy nyäxyën.

Jeremias 12:16

Mëtëy ja ijty ko yë'ë ojts tukni''ixëtë ja nnaax nkajpnës wi'ix tii tnikajpxtëtyën mëët xyëëwkyëjxm yë Baal, e tyam jyëkyejpy tsyënaaytyaknpëktëty nkajpnjotyës, pën kyupëjktëp ja mëpëjkën ijxtëmës nkajpn myëpëkyën ets pën ënantëp ko tii tnikajpxtëty: Mëët yë'ëkyëjxm yë Wintsën yë jyuukyajtën.

Joel 3:1

Ko ënety tpaaty tääpë xëëw jëmëjt, jëtu'un yë Wintsën y'ënä'äny: nyajtëkatsäämpyës yë Judá ja'ayëty ets Jerusalén ja'ay jyuuky'ajtënëty.

Jeremias 49:39

Je'eyëp ko nëjkxëpës ok jatëkok nyaj'oyë yë Elám ja'ayëty yë jyuuky'ajtënëty. Ëjts Wintsën, ëjts ënaanp.

Jeremias 49:6

Je'eyëp ko nëjkxëpës ok jatëkok nyaj'oyë ja Amón ja'ayëty ja jyuuky'ajtënëty. Ëjts Wintsën, ëjts ënaanp.

Jeremias 48:47

Je'eyëp ko nëjkxëpës ok jatëkok nyaj'oyë yë mjuukyajtën, mijts Moab; ëjts Wintsën, ëjts ënaanp. Ya'atë ëyo'on jotmay, yë'ë ojts yajtuk'ëwaanëtë yë Moab ja'ayëty.

Jeremias 31:23

Yë Wintsën mëti'ipë maaytyääyëpën winë, yë Israel ja'ay yë Tyiosëty, yë'ë ënaanp: Ko ënety nyajtëkajtsës yë Judá ja'ay yë jyuuky'ajtënëty ets ko ënety jam jatëkok yajpaatë ma nyaax kyajpnëtyën, jëtu'un nëjkx y'ëna'antë: Yë Wintsën kyënu'kxëp ya'atë tun kopk wa'atspë ma jyää'atyën mëtëypyë nipaye'eyën.

Jeremias 20:16

Wä'än tääpë naaxwiinyëtë ja'ay jëtu'un tjaty tkëpety tä yë kajpnën mëti'ipë yë Wintsën xëmëkyëjxm të tyajkutëkoyën. Wä'än jopyëp tmëtoy wi'ix ja'ay tmëjë'ë tmëya'axtën yë pëjkën ijxën; ko kyujkyxyëëwënë wä'än tmëtoowpaaty wi'ix ja'ay y'aya'axtën ko tsip tyunyë,

Isaías 1:9

Kooxyëp yë Wintsën, mëti'ipë maaytyääyëpën winë ka'ap ni pën të tyajwë'ëmy juuky ma ëëtsajtëmën, jëtu'un jeexyë të njajtëm tä yë Sodomë kajpnën ets Gomorra kajpnën.

Salmos 126:1

Ko ojts ja Dios tyajjotkujkë ja Sión, jëtu'un ojts nnäjya'awëmë wiinkuma'ajëm yowë.

Salmos 85:1

Wintsën, janty'oy yë mwinma'any xyajnikëxë'ëky mëët ya'atë mnaax mkajpn. Ix tëë jatëkok xymyo'oy yë jyotkujk'ajtën yë Jacob yë nyaax kyajpn,

Salmos 14:7

Jääpëk jeexyë Israel ja'ay nitsokën tpaatë mëti'ipë jam tso'onpën ma Sión kopkën. Ko ja Wintsën tyaj'oyëty ja nyaax kyajpn ja jyuukyajtën, ënät xyoonta'aka'antë ja Jacob ja y'u'unk y'ok, ets tëkokyë yë Israel kajpn.

Job 42:10

Ko ja Job tkënu'kxtaay ja myëku'uktëjk mëti'ipë mëët oy nyämyäyën, ojts ja Dios myooywyimpijta'ayë ja jyotkujk'ajtën, ni'ik ojts myo'oyë, tëkëëkjëtu'un tä ja mëti'ipë ënety të nmëët'atyën ko pya'tkë'p'ajty.

Ezequiel 16:52

Mijts kopkpëky ko xytyëëmnaxëty ja ëyo'on jotmay, ko mijts ja mpoky mëjwiin këjää ets ëxëëkjaty ni'ik, jëtu'un yaj'ixy ka'ap yowë nëkoo të pyokytyuntë ja mmëkä'äxtëjkëty. Mijts kopkpëky ko xymyënaxy xyajnaxy yë tsëtyu'un ets xymyënax xyajnaxëty ma o'ktëy mjatëty mkëpätëtyën, jä'ä ko nikë jëtu'un yaj'ixy yë mmëkä'äxtëjk ka'ap yowë tii poky tmëët'atë.

Ezequiel 16:54

je'eyëp ko mmënax myajnaxëp oy ënety o'ktëy mjaty mkëpety ets ko ënety xytyuktsëtyuny mëti'ipë të xytyunyën, ënät nëjkx yë'ëjëty jyotkujkëtë ma mijtsën.

Ezequiel 26:6

ets nyaax kyajpn mutskëtypë mëti'ipë yajpatëpën nëëwintë'ëtstuuy aak kupuxy y'ooka'antë. Ënet nëjkx tnijawëtë ko ëjts Wintsën.

Jeremias 46:27

Këtii mtsë'ëkëtëty, miitsëty yë Jacob y'u'unk y'ok mëti'ipës xymyëtuuntëpën, këtii mtsë'ëkëtëty miitsëty Israel ja'ayëty. Ëjts miitsëty nyajtso'onkantëp ni'ëmukë mëët yë m'u'unk m'ëna'këty oy ënety jam muum wiink naax wiink kajpn myajpaatë tsumy matsy. Nëjkxëp jatëkok jëna'a jotkujk mjuuky'atë, ni pën mka'ëtsë'ëkëtëty.