Ezequiel 16:5 - Biblia Dc en Mixe de Quetzaltepec

⁵ Ka'ap pën mpa'ëyoowë ets ka'ap ojts pën mëmay mëtajyë. Ko miiny naaxwiiny, jëtu'unyë muum myajkujëpijpëy aayjoty ujtsjoty jä'ä ko ëxëëkëm ënety myaj'ijxnë.

Biblia Mixe de Quetzaltepec

⁵ Ka'ap pën mpa'ëyoowë ets ka'ap ojts pën mëmay mëtajyë. Ko miiny naaxwiiny, jëtu'unyë muum myajkujëpijpëy aayjoty ujtsjoty jä'ä ko ëxëëkëm ënäty myaj'ijxnë.

Ezequiel 16:5 ပူးပေါင်းရင်းမြစ်များ

Deuteronomio 32:10

Jam ojts tpaaty të'ëts'itjotm, ma ënety je'eyë jyëënpojyën ets naaxway je'eyë këëynyääpy, jëtu'un ojts tkëwent'aty tä u'unk maay yajpity yajmotsyën, ets yajtseeny yajkonyën, ojts yajxon tnë'ëwinwoy tu'uwinwoy, ojts mëk tkëwent'ajty, jëtu'un tä ja'ay yë wyiinsantë tkëwent'atyën, janty tii mëpaat t'ëktukpaaty.

Lamentaciones 4:3

Yë wax jyaak yajtsi'tstëp yë y'u'unk ets tyajjotkujk'atë, e yë nkajpnës ni'ikyë tyëkooynyë jëtu'un nyäpyëjktakënë tä pawojnyën mëti'ipë tsënääpyën jam të'ëts'itjotm.

Éxodo 1:22

Yë yajkutujkpë ojts t'ëne'emy yë ja'ay ets t'ënëmaay: Nëjkx nëëkujëpijpta'atë yë mëxu'unktëjk, mëti'ipë yä'äy ëna'këtyën, yë'ë jëtu'un yë hebreo ja'ayëty y'u'unkëty, tu'kë'ëyë jëtu'un tyimmintën naaxwiiny, yë to'oxy ëna'k'u'unkëty myajwë'ëmtëp, wä'än tjuuky'atë.

Génesis 21:10

Ënet ojts tuk'ëwaanë yë nyiye'etyëjk Abraham, t'ënëmaay: Wä'än tim nyijkxy yë Agar mëët yë y'u'unk Ismael, wi'ix ko yë n'u'unk'ajtëm Isaac t'ëkpëjkwa'kxpëty yë nyäkyumayë mëët tääpë mëtuunpë y'u'unk.

Isaías 49:15

¿Wä'än jëtää tu'uk u'unktaak tja'atyëkoyëty yë y'u'unkë ëkë ka'ap t'ëktsojknëtyë? Pën jyä'äytyëkoopy ëjts ka'apës mijts nja'atyëkoyä'äny.

Ezequiel 2:6

Mijts, ye'etyëjk këtii xytsyë'ëkëty ets këtii xymyëpëkëty oy wi'ix jya'ëna'antëty, oy jëtu'un mjanäjyawëtëty äpny akujk ëkë kä'py akujk yowë myajpaaty. Këtii mtsë'ëkëty oy wi'ix m'ënë'ëmxëtëty ets këtii xytsyë'ëkëty ko ëxëëkëm wyintë'kxtëty ets nëkooyë y'ëwa'an'atëty.

Lamentaciones 4:10

Oy ënety ja to'oxytyëjkëty oy ja jyot wyinma'any tjamëët'atë, ojts ja y'u'unk tyajkëëwnëtë; ojts ja y'u'unk tsu'tsnëtë ko kyutëkooy ja naax kajpn.

Lamentaciones 2:19

Pëtë'ëk, ya'ax jok tsu'um koots; yajtukwa'ats yë m'aaw mjot ma Wintsënën, wä'än yë mwiinnëë tpëyi'iky nëëjën; yujkxaj yë mkë'ë ets amëtow pëjktsow ma yë'ëjë wä'än tpa'ëyoy yë m'u'unk m'ëna'k, mëti'ipë yuu o'ktëpën xii yaa muum ma tu'u y'ëwtityën.

Lamentaciones 2:11

Moonëpës yë n'ijxën koos je'eyë një'ëy nyä'äxy, jëtu'unës njawë mëpaatëpës yowë nkatsy pyëjnë; tëëjës näjyawëty ntimy xyejykyukëxë koos të n'ixy ja nja'ayës ja nyaax kyajpn të kyutëkoy, koos n'ixy ko yë'ëpaat pi'k ëna'k yuu'o'knëtë tu'ujoty.

Jeremias 22:19

Tä kruktsën nëjkx nyaaxtëkë, je'eyë nëjkx yajwinpajëtuty ets jam yajnajtsjëtutëty ma Jerusalén kyajpnpa'ajën.

Ezequiel 16:6

Ëjts winkonës nnajxy ma mijtsën, ko n'ijxy tëë mne'pny xytyukyäjtsëtyä'äy ënätës ojts n'ëna'any ko jyëkyejpy mjuuky'atëty.