Ezequiel 16:47 - Biblia Dc en Mixe de Quetzaltepec

⁴⁷ E mijts näjyëtu'un të m'ëtë'ëtsy tä yë'ëjëtyën nän timjëtu'un winë ëxëëkjaty të xytyuny. Ka'ap mkuxë ni'ik o'ktëy të m'ëtë'ëtsy.

Biblia Mixe de Quetzaltepec

⁴⁷ E mijts näjyëtu'un të m'ëtë'ëtsy tä yë'ëjëtyën nän timjëtu'un winë ëxëëkjaty të xytyuny. Ka'ap mkuxë ni'ik o'ktëy të m'ëtë'ëtsy.

Ezequiel 16:47 ပူးပေါင်းရင်းမြစ်များ

2 Reyes 21:9

E yë'ëjëty ka'ap tkuuytyuuntë. Ni'ikyë ja Manasés ojts tyuktunëtë ka'apë jeexyë mëpaat tuntën; ni'ik o'ktëy y'ëtëtstë këtiinëm jyëtu'unëty ja naax kajpn mëti'ipë ënety ja Wintsën të twojpëtsëmyën ma ja Israel ja'ayëty ja naax yajmooytyën.

Ezequiel 16:51

Samaria kajpn ënätpë, yë'ë nikujkwä'kxy mkamëpaatyë ma nëë pokyën. Jä'ä ko mijts ni'ik o'ktëy të m'ëtë'ëtsy ma ja nëë pokyën; ni'ik ja mpoky ko yaj'ijxkijpxy mëët yë'ëjëty, jëtu'un yaj'ixtë ka'ap yowë tii poky tmëët'atë.

Ezequiel 16:48

Ëjts Wintsën, njuukyajtënës yam ntukkajpxpejtyp etsës n'ëna'any: ko yë m'uty Sodomë ets mutskëtypë nyaax kyajpn ka'ap jëtu'un tyim'ëtëtsy tä mijts të m'ëtë'ëtsyën ma mutskëtypë mnaax mkajpnën.

1 Reyes 16:31

jä'ä ko yë'ë ka'ap ojts ninu'un tmëkjawë ko nän yë'ë ja poky tyuunpy mëti'ipë ja Jeroboam tyuunën, Nabat yë myaank. Ni'ik yë'ë, jä'ä ko ojts mëët pyiky ja Jezabel, yë nyëëx yë Et-baal, mëti'ipë yajkutujkpën jam Sidón ets ojts t'ëwtajnë ja Baal.

1 Corintios 5:1

Jëtu'un yajnijawëy'äty ko tam ma miitsëtyën nitu'uk mëti'ipë ëtëtsnajxpën. Yë'ë mëj tëko'oyën nyäxy ko ja'ay kyutaak to'oxytyëjk'aty. Jampaat jëtu'unpë ka'ap yajkupëky ma ja ja'ayëtyën mëti'ipë ka'ap ja Dios tmëpëktën.

Ezequiel 8:17

Ënätës yë Wintsën të xy'ënëëmë: ¿M'ijxypyë? Ka'ap yë Judá kajpn kyu'uxyë mëët ja ëxëëktu'un ëxëëk kajpxën, tëë ja jëën tsip tyajtëjkëtyä'äy ma ja naax kajpnën. Janaam jatsojk je'eyë ëxëëkjaty tii tuntë etsës xyajjoot'anpëktë ets jyä'ty njëjpjotyës ëxëëk yowë xyuuktë jyoktë.

2 Reyes 21:16

Ëpëky ja nëë poky mëti'ipë ja Manasés tyuktuunën ja Judá ja'ay ets mëti'ipë yë'ë kë'ëm tyuunën Wintsën wyintum; këjää ojts ja ja'ay tyaj'ok tyajtëkooynyë ka'apë tii poky tmëëtëtyën jam Jerusalén.

Jeremias 3:7

Ëjts tyaajës ojts nmääpyë ntajpë ko ntijëtën yë Israel kajpn xynyiwinpita'anyës jatëkok oy wi'ix të y'ëk'ëtë'ëtsy të y'ëk'ëna'any; e yë'ë ka'ap të wyimpity. Yë Judá kajpn, mëti'ipë jëtu'un tä tsyë'ëjën tëë t'ixy;

Jeremias 3:8

ets y'ijx näjyëtu'un koos ojts n'ëxmatsy yë Israel kajpn mëti'ipë käjpxy kyumëtoownajxpën, jëtu'un tä tu'uk yë to'oxytyëjk yaj'ëxmatsyën mëti'ipë ka'ap twintsë'ëkën yë nyiye'etyëjk. E yë Judá, mëti'ipë jëtu'un tä jeexyë yë Israel tsë'ë'atyën, nän timjëtu'un ojts y'ëtëtstä'äky.

Ezequiel 16:52

Mijts kopkpëky ko xytyëëmnaxëty ja ëyo'on jotmay, ko mijts ja mpoky mëjwiin këjää ets ëxëëkjaty ni'ik, jëtu'un yaj'ixy ka'ap yowë nëkoo të pyokytyuntë ja mmëkä'äxtëjkëty. Mijts kopkpëky ko xymyënaxy xyajnaxy yë tsëtyu'un ets xymyënax xyajnaxëty ma o'ktëy mjatëty mkëpätëtyën, jä'ä ko nikë jëtu'un yaj'ixy yë mmëkä'äxtëjk ka'ap yowë tii poky tmëët'atë.