Ezequiel 16:44 - Biblia Dc en Mixe de Quetzaltepec

⁴⁴ Tëkokyë ja ja'ay nëjkxëp ja aaw ayuk tkajpxtë mëti'ipë ënaanpën: Jëtu'un tä ja u'unktaakën jëtu'un ja nyinëëx.

Biblia Mixe de Quetzaltepec

⁴⁴ Tëkokyë ja ja'ay nëjkxëp ja aaw ayuk tkajpxtë mëti'ipë ënaanpën: Jëtu'un tä ja u'unktaakën jëtu'un ja nyinëëx.

Ezequiel 16:44 ပူးပေါင်းရင်းမြစ်များ

Esdras 9:1

Ko ya'atë y'ëkkëjxy y'ëknajxy, ënät ojts ja mëjja'aytyëjk xynyimintës ets xy'ënëmaaytyës: Yë Israel ja'ayëty ets näjyëtu'un yë teetytyëjkëty ets Leví ja'ayëty je'eyëm yowë mëët ye'eymyuk nyajxmuktë yë Canaán ja'ayëty, Hit ja'ayëty, Ferez ja'ayëty, Jebús ja'ayëty, Amón ja'ayëty, Moab ja'ayëty, Egiptë ja'ayëty ets Amor ja'ayëty, jya'ijxtëp ko tääpë ja'ayëty ka'ap oy nyëëye'ey tyu'uye'eytyë.

1 Samuel 24:13

Jëtu'un tu'uk yë ayuk y'ënä'äny: Yë ëxëëktu'un ëxëëkajpxën, ëxëëkja'aytyëjk jëtu'unpë nitëjkëyëp. Paatyës kajëna'a mijts nkakë'ënixajëty

Ezequiel 16:45

Mijts yë'ë ojts xytyaak'aty tu'uk yë taak mëti'ipë ijty y'ëxëëk'ijxypyën yë nyiye'etyëjk ets y'u'unk y'ëna'k; näjyëtu'un ja mtsë'ëtëjk y'ëxëëk'ijxtëp ijty ja nyiye'etyëjk ets ja y'u'unk y'ëna'k. Miits yë mtaakëty Hit ja'ay ijty ets mteetyëty Amor ja'ay.

Ezequiel 16:3

Jëtu'un xy'ënëëmëty: Jëtu'un yë Wintsën y'ënä'äny: Mijts Jerusalén ja'ayëty, Canaán ja'ay miitsëty; yë mteety Amor ja'ay ijty ets mtaak Hit ja'ay.

2 Reyes 21:9

E yë'ëjëty ka'ap tkuuytyuuntë. Ni'ikyë ja Manasés ojts tyuktunëtë ka'apë jeexyë mëpaat tuntën; ni'ik o'ktëy y'ëtëtstë këtiinëm jyëtu'unëty ja naax kajpn mëti'ipë ënety ja Wintsën të twojpëtsëmyën ma ja Israel ja'ayëty ja naax yajmooytyën.

2 Reyes 17:15

jëkäm jëxkë'ëm tpëjktaktë ja ënä'ämën tëyajtën, ja käjpxytyu'unën mëti'ipë tyuuntën ja y'apëty y'okëty ets ja ënä'ämën mëti'ipë ënety të yajmo'otën. Jä'ä pyanëjkxtëjkëtyë ja tios ka'apë nitii tsowëtyën ets ojts ja jyot wyinma'any tyajtëkoytyë, tuunëtë näjyëtu'un winë tä ja naax kajpnëtyën jampë ënety winkon yajpaatën, mëti'ipë ja Wintsën ka'ap ninu'un të tyajkutukyën tuntëty.

2 Reyes 17:11

timjëtu'un ojts winë t'atuunajxnëtë tä ja kajpnëtyën mëti'ipë ja Wintsën ënety të t'ëxëëk'ixtën ets ja naax kajpn mëti'ipë ënety të t'ëxwopyën; ojts twino'k twinxaamnëtë mëët ja poom, ka'apë wyintsënëtyën, tuunëtë tkajpxnëtë ja ka'apë tyuunëtyën ets tyajjoot'anpëktë jëtu'un ja Wintsën mëjwiin këjää.

1 Reyes 21:16

Ko ja Ahab tnija'awëy ko ja Nabot tëë y'ooky, ënät ojts ënätyë ja Nabot ja y'uvëkam tniwa'kë.

Ezequiel 12:22

¿Tiitën yë Israel ja'ayëty jyatijantëp ko y'ëna'antë: Ix jënu'un yë xëëw jëmëjt të nyajxnë, mëti'ipë ja käjpxynyajxpëtëjk të tja''akajpxtën ka'ap nyäky tyuny nyäkjyätyë?

Ezequiel 12:23

E jëtu'unts xy'ënëëmëty: Tëë yë Wintsën y'ënä'äny: Ëjts tëëjës ntuknipëjktaakë ets ka'ap jëtu'un pën y'ëk'ënanëty jam ma Israel kajpnën. Näyjyëtu'un xy'ënëëmëty ko tëë timpyääty ja xëëw jëmëjt ma tyuna'any jyata'anyën tä ja käjpxynyajxpëtëjkëty të tnikajpxtën.