Ezequiel 16:30 - Biblia Dc en Mixe de Quetzaltepec

³⁰ Ëjts Wintsën, jëtu'unës n'ëna'any: Ko mijts mëk pëjkëptëm ënety yë mjuuky jot paaty ja mjot mnini'kx xyäky ets kanaak ja ja'ay xymyo'oy ets ninu'un mkatsëtyuny.

Biblia Mixe de Quetzaltepec

³⁰ Ëjts Wintsën, jëtu'unës n'ëna'any: Ko mijts mëk pëjkëptëm ënäty yë mjuuky jot paaty ja mjot mnini'kx xyäky ets kanaak ja ja'ay xymyo'oy ets ninu'un mkatsëtyuny.

Ezequiel 16:30 ပူးပေါင်းရင်းမြစ်များ

Jeremias 3:3

Paaty ka'ap y'ëktuunë potmjoty ets xëkopkjoty. Jëtu'un mkëxë'ëky into'oxyën.

Jeremias 4:22

Jëtu'un ja Wintsën y'ënä'äny: Ëxëëk kunëpap yë nnaax nkajpnës yajpaaty, ka'apës xy'ixy'äty. Yë'ëjëty jëtu'un tä u'unk ëna'kën mëti'ipë ka'ap jyä'äkyukën ets tä u'unk ëna'kën mëti'ipë ka'ap tii tmëmay tmëtajyën. Jëtu'un yaj'ixy nijënu'un yowë tsip tkatimjyawëtë ko tii tuuntëkoytyë; e ko tjatuna'antë ja oypyë ka'ap tmëwinma'anypyaatë.

Isaías 3:9

Ja y'ëxëëkjot y'ëxëëk winma'any yë'ë kë'ëm ëxaty nätyuktuunëtëp, jä'ä ko ja nyëë pyokyëty ka'ap tjëkyepy tkuyu'utstëty; timjëtu'un tä tëkok jyäjty kyëpejtyën yë Sodomë kajpn, ojts ja naax kajpn tuknija'awëtyä'äy wi'ix ënety tyëkoyën. Janty mon janty tuk yajpaatë, kë'ëm nyäyajkutëkoya'anëtë.

Isaías 1:3

Yë tsajpkaa y'ixyp pën wyintsën'ajtypyën, ets krukts nyija'ap ma jyë'kxtakn yë wyintsën të myo'oyën; e yë Israel ja'ayëty mëti'ipës nnaax'ajtyp nkajpn'ajtypyën ka'ap y'ijxkäpy ets ka'ap jyä'äkyukë.

Proverbios 9:13

Yë tsuuwinma'any jëtu'un tä tu'uk yë to'oxytyëjkën mëti'ipë pi'tskajpxpën, kunëpap jyä'äy'äty ets winma'anytyuk.

Proverbios 7:21

Mëët yë'ë ko yajmëtoy janty'oy kyäjpxy myëtyä'äky ets ko jyänty wyoy jyänty wyity, ojts ja yä'äy ëna'k tukupëky.

Ezequiel 16:29

Babilonyë ja'ay ojts xymyooykyojnëpë ja mjot mnini'kx, ja'ay mëti'ipë ajuuy ato'ktëpën ets oy jyajëtu'unëty kä'äpyëm mkuxë.

Salmos 78:37

jä'ä ko ka'ap ojts yajxon wa'ats tmëmëtowtë ets tkuuytyuuntë ijxtëm ënety ja Dios mëët ja käjpxytyu'unën të tjatuntën.

Jeremias 3:1

Jëtu'un yë Wintsën y'ënä'äny: Ko tu'uk yë to'oxytyëjk nyäy'ëxmatsyë mëët yë nyiye'etyëjk, yë to'oxytyëjk ko pyëjktëkatsy, ka'ap t'ëkjëkyäjpnë nän yë'ë mëët jatëkok pyëkëty mëti'ipë ënety mëët të nyäy'ëxmatsyën. Yë naax kajpn wiink nëjkx t'ixy. E mijts Israel, jëtu'un të m'ëtë'ëtsy tä tu'uk to'oxytyëjk kanaak yë ye'etyëjk mëët y'ityën ets ënät m'ëna'any ko ëjts xynyiwinpita'any. Ëjts Wintsën, ëjts ënaanp.

Oseas 9:1

Israel, këtii mxoontä'äky; këtii mnëputy myujkputy tä wiinkëtypë kajpnëtyën, jä'ä ko mijts jëtu'un të m'ëtë'ëtsy tä tu'uk yë to'oxytyëjkën mëti'ipë yë jyot nyini'kx tyo'kpy yäjkpyën ko të xy'ëxmatsy ja mTios. Ma pyajk'atyën yë tsajpmok jää xyjyëjp'ixy myajmëjuyëty ko xytyooky xyäky yë mjot mnini'kx.