Ezequiel 16:13 - Biblia Dc en Mixe de Quetzaltepec

¹³ Nituky ojts mwë'ëmy mëët yë pu'ts pujxn ets poop pujxn; linë wit ojts xywyit'aty, oyëtypë wit myajtuun, kanaak ujkën. Oyjyäty ijty mkay m'uuky, yë'ë uuxpa'ak ets olivë on mjë'kxyp. Janty oy myaj'ijxy, m'awinpijty jëtu'un tä tu'uk to'oxytyëjkën mëti'ipë yajkutujkpën.

Biblia Mixe de Quetzaltepec

¹³ Nituky ojts mwë'ëmy mëët yë pu'ts pujxn ets poop pujxn; linë wit ojts xywyit'aty, oyëtypë wit myajtuun, kanaak ujkën. Oyjyäty ijty mkay m'uuky, yë'ë uuxpa'ak ets olivë on mjë'kxyp. Janty oy myaj'ijxy, m'awinpijty jëtu'un tä tu'uk to'oxytyëjkën mëti'ipë yajkutujkpën.

Ezequiel 16:13 ပူးပေါင်းရင်းမြစ်များ

Salmos 50:2

Dios yë'ë jam të'kxp jajp ma Sión kajpnën, ma ja kajpnën janty'oy janty tsujpë.

1 Reyes 4:21

Yë Salomón wäänë mëj ijty muum ja kyutujkën yajnikäjpxy, këtiinëm jyëtu'unëty ja wiinkëtypë ja kutujkëntëjk; jampaat ja kyutujktakn y'ëwtijty ma nëëjoy yajtijyën Éufrates ets nyäxy ma ja filistejë ja'ayëtyën; tyimja'ty jam Egiptë. Tëkokyë ja ja'ayëty aak ayajk aak ako'onëtyëp ijty mapaat ja Salomón yajkutujkyën.

Salmos 48:2

Janty oy kyëxë'ëky yë Dios yë tyun kyopk mëti'ipë txëëwajtpën Sión, anëkëjxmtsowpë yajpaaty. Yë'ë xyoontakën'ajtyp tëkokyë yë naaxwiinyëtë; ja kajpn mëti'ipë yajkutujkpë kyajpn'ajtypyën.

Oseas 2:5

Tëë yë tyaak jyot nyini'kx tooky; tëë tyajtëkoy yë y'oyajtën, ko të y'ënä'äny: Yë'ëjës nëjkx n'ixta'aja'any yë mëti'ipës mëët nätsyokyën, mëti'ipës xymyoopyën yë nkääky n'uukyës ets nnëëjës, mëti'ipës yë mpixyny ets linë wit xymyoopyën, mëti'ipës yë on ets n'uuky xymyoopyën.

Ezequiel 16:19

Ja tsajpkääky mëti'ipë nmooyën, mëti'ipës mëët n'oytyuunyën ja oypyë tsajpmokway ets ja on ets ja uuxpa'ak mëti'ipë ënety mëët të n'ixy të nmëyätyën, yë'ë të xytyukwintsë'kë tä tu'uk yë wintsë'kënën mëti'ipë oy xu'kp jojkpën. Ëjts Wintsën, ëjts ënaanp.

Lamentaciones 2:15

Ko m'ixyë mëti'ipë jam najxtëpën tu'u'am je'eyë kyë'ë t'apo'kxmuktë ets mtukxi'ikyë; je'eyë kyëpajk tjëpiptë ets wyiin y'aaw tuntë ets y'ëna'antë, tää ënät, ixtë wi'ix yë Jerusalén kajpn jyätyën mëti'ipë ijty janty'oy näyajnajxëpën, mëti'ipë ijty ja'ay tyijtëpën y'oyëty tyujëty.

Jeremias 13:20

Ëk'ijxë'ëktë ets xy'ixtëty wi'ix yë mëtsip jam anëkëjxmtsow myäymyintën. ¿Ma ënät ja mja'ay mëti'ipës njëjp'ijxyp mputëkëtëty, mëti'ipë mnätyukmëjpëjktakëpën?

Isaías 64:11

Ja ntsajp tëjkëtyës ma ijty ja nteety n'apëtyës mwin'ëw mwinya'axëtën, tëë ja tyooytyä'äy. Tu'kë'ëyë mëti'ipë ënety ëëts ntsojktëpën, xit ko'ow të jyajta'ay.

Salmos 147:14

Yë'ë mtukpat mtuk'ijxëp yë jotkujk'ajtën, ets myaj'ityë ku'uxyë jotkëtä'äky mëët yë jë'kxy pëky oyjyätyëtypë.

Salmos 81:16

Dios yë'ë jeexyë nyaax kyajpn yajkääpy yaj'ukpy mëët yë tsajpmok, ets yë'ë jeexyë tyëëtsë tyukyajmoonëp yë uuxpa'ak.

Esdras 5:11

Yë'ëjëty jëtu'un të y'ëtsowtë ko yë'ë y'ëwtajtëp yë Wintsën tsajpkëjxmëpë ets naaxwiinypë y'ityën ets ko tyam yë'ë y'akojëtëp ja tsajptëjk mëti'ipë ojts tëëyëp kyojyën ma yajkutujkyën tu'uk ja mëj'ënä'ämpë ma Israel ja'ayëtyën.

Esdras 4:20

jam Jerusalén ojts jam yajkutujkpëtëjk y'itë mëti'ipë mëk yajkutujktën ma it naaxwiinyëtën mëti'ipë yajpatpën ma xëëw pyëtsimyën, ma ja Éufrates mëjnëëjën, yë'ëjëty xëmë ijty myeenyyaktë jam Jerusalén.

2 Samuel 8:15

Yë David oy ojts y'ëne'emy ets yajkutuky, jä'ä ko aak mëtëy winë tuuny jam ma Israel kajpnën.

1 Samuel 12:12

E miitsëty ko xy'ijxtë ja Nahas mnipëtë'ëka'anëtë, mëti'ipë yë Amón ja'ayëty yajkutujkpë'ajtëpën, ënätyë ojts tu'uk yë yajkutujkpë xy'amëtowtës mëti'ipë m'ënä'ämëtëpën ets wa'ats xynyijawëtë ko yë Wintsën yë'ë myajkutujkpë'ajtëp.

1 Samuel 10:1

Ënet yë Samuel ojts tpëjkë'ëky tu'k'apëjkën yë on ets tukuja'axy yë Saúl, tä t'ënëmaay: Yë Wintsën yë'ë tyam mtuknipëjkëp ets mijts xy'ënä'ämëty yë Israel kajpn ma mijts mkukajpnëtyën. Mijts jëtu'un mtsiptunëp ets xyajtso'okëty ma myëtsiptëjkën. E ya'atë mtuk'ixëp ets xymyëpëkëty ko mijts jëtu'un tyam myajtukmëkënu'kxëp ets xy'ënä'ämëty yë nyaax kyajpn.

Deuteronomio 8:8

Ma tääpë it naaxwiinyëtën ijtp wintëëp jam yë tsajpmok, cebadë, tsatsymkyam, higo kam, granadë kam, olivë kam ets uuxpa'ak.

Génesis 17:6

Jä'ä ko mijts tyam mpëjktäkpy teety ma tu'kë'ëyë naaxwiinyëtë ja'ayën ets ma mijtsën pëtsëmtëp yë ënä'ämpë yajkutujkpë, ma naax kajpn yë mëjjëtypë.

Ezequiel 16:10

ojts ntukxoxy yë wit kanaak ujkën ets ojts ntukteky jyänë yë po'okë'ëk oypyë, tsowpë; ojts nmooy yë mwëën mëti'ipë linë witën ets nmooy yë mwit mëti'ipë jo'okyën ets tsowën;

Ezequiel 16:17

Ojts xymyënëjkxta'ay ja pu'ts pujxn poop pujxn mëti'ipë nmooyën ets ojts xy'oytyuny ja ja'ay mëti'ipë mëët mko'knën;

Ezequiel 23:40

Ojts tnikäxëtë ja ye'etyëjktëjk wiink naax wiink kajpnëpë tsyoontën ets myiintë. Tääpë nimäjtskpë to'oxytyëjkëty yajxon ojts nitsiw nixëtsëtë, yajxon nyäy'oytyuunëtë, ojts ja wyiin jyëjp tkoytyë ets t'ëwxijtë ja ye'etyëjktëjk mëti'ipë ënety minantëpën;

Ezequiel 27:16

Yë Edom ajuuy ato'kp ijty mëët mijts, jä'ä ko kanaakpëky winë xymyëëtëty: Yë'ë ijty mooyëp yë oyëtypë uky tsaa ets wit oyëtypë mëti'ipë jo'okyën; mëti'ipë linë witën ets myëët'ajtyp yë nëëtsaa ets tsapts tsaa.

Job 29:6

ma ënety ja jë'kxy pëky ka'ap y'ëmaaytyä'äkynyëmën ets ma ënety jëtu'un pyëyi'ikyën tä jeexyë yë on ets tsi'tsknëë pyëyi'ikyën naaxjoty ëkë tsaajoty;