Ezequiel 16:1 - Biblia Dc en Mixe de Quetzaltepec

¹ Ënet ja Wintsën ojts xymyëkäjpxyës etsës xy'ënëmaay:

Biblia Mixe de Quetzaltepec

¹ Ënät ja Wintsën ojts xymyëkäjpxyës etsës xy'ënëmaay:

Ezequiel 16:1 ပူးပေါင်းရင်းမြစ်များ

Ezequiel 15:8

Aanë'ëk tëëtsë'ëk nëjkx yë nyaax kyajpn nyaj'awinpijtëtës mëët koos ënety të xykyamëj'ixtë. Ëjts, mëti'ipë Wintsën'ajtpën, ëjts ënaanp.

Ezequiel 16:2

Mijts ye'etyëjk, tuk'ix yë Jerusalén ja'ayëty wi'ix ëxëëkjaty winë tuntën.

Proverbios 14:34

Ko jyam'aty ja oypyë ja nipaye'eyën ma naax kajpnën, mëj'äämpy jëtu'unpë naax kajpn nyäxy; e ko ka'ap jëtu'unpë jyam'aty tsëtyu'unmëët naax kajpn yajpaaty.

Isaías 1:21

Mijts Jerusalén kajpn mëti'ipë wa'ats kajpn yajtijpën, jëtu'un të m'awinpity tä tu'uk to'oxytyëjkën mëti'ipë xim yam ye'etyëjk yeempyën ets myëët'atëtëty. Tëëyëp aak'oy ijty ja'ay jyuuky'atë ets aak mëtëy winë tuntë, e tyam aak yajja'ay'o'knëtëp.

Jeremias 2:23

¿Wi'ix m'ëna'ana'any: Ëjts ka'apës tii poky nmëëtëty ets ka'apës wiink tios të npanëjkxyë? Mëmay mëtaj wi'ix ojts m'ëtë'ëtsy m'ëna'anyën jam joyjyotm; ja'amyäjtsta'a tiijaty të xytyunyën ko ojts mnäypyëjktä'äkyë tä jëyujk jëku'ux to'oxyën mëti'ipë xii yaa pëyë'knajx pëyë'ktëjkëpën;

Jeremias 30:15

¿Wi'ix ko m'ëjy mtu'uky ko të mtsëtyuty? Yë mtsëtyut ka'ap tsyo'oka'any. Mëët ko je'eyë të mtuuntëkoy të mkajpxtëkoy ets nëë poky të xytyuny të xykyäjpxy, paaty jëtu'un nyajjaty.

Ezequiel 2:3

jëtu'un y'ënaan'ëtë'ëtsy: Mijts ye'etyëjk, tyam yë Israel ja'ay ntuknikäxa'any, yë kajpn ka'apë jyä'äkyukën mëti'ipë käjpxy kyumëtoownajxpën, yë y'ap y'okëty ets yë'ëjëty tëëjës xynyipëtë'ëktë ets jëtu'un tyampaat.

Ezequiel 22:2

Mijts ye'etyëjk, yë'ë myajnitukëp yë naax kajpn mëti'ipë yaja'ay o'kpën. Mtukwinmëtoowta'ajëp mëti'ipëjaty të tuuntëkoytyën,

Ezequiel 23:23

nëjkxëp mniminyë yë Babilonyë ja'ayëty, caldeo ja'ayëty, Pecod ja'ayëty, Soa ja'ayëty ets Coa ja'ayëty ets tu'kë'ëyë yë Asiria ja'ayëty aakyë'ë ëna'ktëjkpë mëti'ipë oyëtyën mëkëtyën, mëti'ipë ënä'ämtëpën yajkutujktëpën, mëti'ipë tsiptuunpë wintsënëtyën ets tsip ixyëtyën; tu'kë'ëyë mëti'ipë jëyujktuk'u'unyäätyëpën.

Oseas 1:2

Jëtu'un tsyo'ontä'äky ja Wintsën ja y'aaw y'ayuk mëti'ipë nyikajpxën ma Oseas: Jëtu'un yë Israel kajpn të y'ëti'itsy tä tu'uk yë to'oxytyëjkën mëti'ipë tyo'kpy yäjkpyën yë jyot nyini'kx mëët koos të xypyuwa'ktu'uty. Mijts näjyëtu'un ënät xytyunëty, yë'ë mpëkëp tu'uk yë to'oxytyëjk mëti'ipë jyot nyini'kx tyo'kpyën ets mëët yë m'u'unk m'ëna'k xymyëët'atëty; jëtu'un'äämpy yajtijtëty ko yë'ë tyaak'ajtëp tu'uk yë to'oxytyëjk mëti'ipë jyot nyini'kx tyo'kpyën.

Oseas 4:12

Yë nnaax nkajpnës jam winë tyajtëy ma kyepy tyë'ëtsën; tam yë kyepy tkë'ëkap'aty mëti'ipë tyuknasja'apën. Tëës xy'ëxmajtsnë. Jëtu'un ijxtëm tu'uk yë to'oxytyëjkën mëti'ipë tyo'kpy yäjkpyën nyini'kx, näjyëtu'un miitsëty tëë mnäyajkënë ets xywyintsë'ëkëtëty wiink tiosëty.

Amós 2:4

Jëtu'un yë Wintsën y'ënä'äny: Yë Judá ja'ayëty mëj këjää yë nëë poky të tuuntëkoytyë ets ka'apës jëtu'unyë nyajninaxa'any; jä'ä ko yë'ëjëty ojts t'ijxtijtë ja Wintsën ja y'ijxpëjkën ets ka'ap tpatuuntë ja n'ënä'ämënës ntëyajtënës, yë'ë ojts ni'ikyë t'ëwtatë yë wiink tios mëti'ipë y'ëwtajtën yë tyeety y'apety.

Zacarías 5:7

Ja kijpxën yë'ë mëët nyijupyëty yë yu'unk pujxn. Ënet yajyujktëëy ja ajup, e jap apëjkënjoty yë'ë jap ënyääpy tu'uk yë to'oxytyëjk.