Ezequiel 14:9 - Biblia Dc en Mixe de Quetzaltepec

⁹ E ko tu'uk yë käjpxynyajxpë tëkatsy winë tkajpxnaxëty, ëjts Wintsën, ëjts ënety të nwin'ëëny tääpë käjpxynyajxpë; nëjkxëpës nixajë'ëky ets ntëytyunyës ets njo'otsa'anyës maas yë nnaax nkajpnën, Israel kajpn.

Biblia Mixe de Quetzaltepec

⁹ E ko tu'uk yë käjpxynyajxpë tëkatsy winë tkajpxnaxëty, ëjts Wintsën, ëjts ënäty të nwin'ëëny tääpë käjpxynyajxpë; nëjkxëpës nixajë'ëky ets ntëytyunyës ets njo'otsa'anyës maas yë nnaax nkajpnën, Israel kajpn.

Ezequiel 14:9 ပူးပေါင်းရင်းမြစ်များ

Ezequiel 20:25

Ojts yë'ëpaat nmo'otës yë ënä'ämën ka'apë y'oyëtyën ets tëyajtën ka'apë yajjuuky'ätyën.

Jeremias 4:10

Ënätës të n'ëna'any: Aay Wintsën, ix ja'ay nëkoo xywyin'ëëny mëti'ipë jam tsënaaytyëpën Jerusalén. Je'eyë nëkoo të xytyukwinwanë ko jotkujk'ajtën tpaata'antë, yë'ëjëty jëtu'un jam jyatë kyëpätë tä jeexyë të yajyo'ktsujkta'atën.

Ezequiel 16:27

Ënet ojts nyajnitukë ets xykyumëtowëty ja mpoky, ojts njëpëjkta'ayës yë mjë'kxy mpëky ets ja Filistejë ja'ayëty ntukkë'ëtëjkëy mëti'ipë m'ëxëëk ijxëpën ets ka'ap ënety t'oy'ixy ijxtëm m'ëtë'ëtsy m'ëna'anyën oytyuktsëtyuunë.

Jeremias 14:15

E ëjts Wintsën, jëtu'unës nyikäjpxy yë käjpxynyajxpëtëjkëty mëti'ipë ënantëpën koos nxëëwkyëjxm winë tnimëtya'aktë ets ka'apës wi'ix n'ënëëmëtë, mëti'ipë ënantëpën ko ka'ap yuu xëëw y'ita'any ets ka'ap tsip y'ita'any ma ya'atë naax kajpnën, tääpë käjpxynyajxpëtëjkëty yuu ets tsip nëjkx yaj'ookëtë.

Isaías 66:4

Ëjts ntuknipëjktakëpës yam ets o'ktëy jyatëty kyëpätëty, ets tpaatëty mëti'ipë ëxëëk tsë'ëkëtën. Jä'ä ko ojtsës njamëkajpxtë, ni pën xykya'ëtsooyës; ojtsës njakäjpxy ets ni pën xykyamëtooyës; jä'ä tyuuntë mëti'ipë ka'ap n'oy'ixyënës ets jä'ä wyin'ijxtë ka'apë ntukjotkëtä'äkyënës.

Isaías 63:16

Mijts ëëts nTeety'ajtëp. Oy yë Abraham xykya'ixkaptës, ets oy yë Israel ja'ay xykyaja'amyätstës, mijts Wintsën, mijts ëëts nTeety'ajtëp; mijts ëëts xëmë të xyaj'ëwaatsëpëtsëmtë.

Isaías 10:4

Oy ënety miitsëty ka'ap të mnëjkxtë tsumy matsy wiink naax wiink kajpn, jam nëjkx mkëxtë ma ja ja'ay y'ooktën. Ja Wintsën ka'ap ja jyoot'an xyääma'any, ni'ikyë ja ëyo'on jotmay tyajmina'any.

Isaías 9:21

Ja Manasés ja'ay nyipëtë'knëtëp ja Efraín ja'ay, ja Efraín ja'ay nän nyipëtë'knëtëp ja Manasés ja'ayëty ets yë'ëjëty tëë näjyëtu'un tnipëtë'ëktë ja Judá ja'ayëty. Ja Wintsën kä'äpyëm jyotxeemy, je'eyëm ja ëyo'on jotmay tyajkëtä'äky.

Isaías 9:17

Paatykyëjxm ja Wintsën ka'ap të tpa'ëyoy ja ëna'ktëjk, ja ku'ooky u'unktëjk ets ja ku'ookytyo'oxy. Jä'ä ko aak ëxëëk ja ja'ay ja jyot wyinma'anyëty, aakyë'ë myääytyëp tyajtëp ka'apë mëpaat tuntën, ko kyajpxpëtsëmtë tsaatsy ma'atëty yajmëtoy. Paatykyëjxm ka'ap ja Wintsën ja jyoot'an xyeemy ets ka'ap tyajjëwä'äky ja tsyip y'äkë.

Isaías 9:12

Maatsow yë xëëw pyëtsimyën, Siria ja'ayëty jam miintëp; maatsow kyëtä'äkyën, filistejë ja'ay jam miintëp. Poj'am të yajmëmëta'aktë yë Israel ja'ayëty, jëtu'un tä ja'ay poj'am jyi'kxy tkujë'ënaxyën. E yë Wintsën yë tsyip y'äkë ka'ap nyäknyäxy.

Isaías 5:25

Paatykyëjxm yë Wintsën të tukjoot'anpëky yë nyaax kyajpn, tëë tnipëtë'ëky ets tëytyuny. Tëë ja ëyo'on jotmay y'ity mëjwiin këjää jam tunjotm, xii yaa muum ja o'kpë të kyä'äy në'ëjoty tu'ujoty tä pu'uxmën. E ja Wintsën ja y'äkë tyoyë ka'ap xyeemnyëm, je'eyëm ja ëyo'on jotmay tyaj'ity.

Job 12:16

Yë myëk'ajtën yë'ë xëmë yajmëtakëp. Aakjam yajpata'atë yë ja'ayëty mëti'ipë win'ë'ëntëpën ets mëti'ipë yajwin'ë'ëntëpën.

2 Crónicas 18:22

E tyam tëë xynyijawë ko ja Wintsën yë'ë të tpëjktä'äky tu'uk ja ëxëëk poj mëti'ipë antakpën ma ja käjpxynyajxpëtëjkëtyën ets tnikajpx tnimëtya'aktëty mëti'ipë ka'ap tyiyëtyën ets ëxëëk mjat mkëpätëty.

Jeremias 6:14

Oyës ja nnaax nkajpn nitsëtyut kutsëtyut yajpaatëty, yë'ëjëty ka'ap tii tmay tajtë; je'eyë xëmë y'ëna'antë ko oy yajpaatë ets ëxëëk jyatë kyëpätë.

Jeremias 6:15

Tsëtyuunëtëp jeexyë ko yi'iyë tyuuntëp ka'apës nme'kxyën. E ka'ap tsyëtyuntë, jëtu'un yaj'ixy ka'ap yowë nijawëtë tii tsëtyu'unën'ajtp. Paatykyëjxm koos ënety ntëytyuntë, je'eyë y'anäpëja'antë ets kyëtawa'antë jëtu'un tä jyatën yë wiink ja'ayëty. Ëjts, mëti'ipë Wintsën'ajtpën, ëjts ënaanp.

Ezequiel 14:10

Yë ja'ay mëti'ipë ënety winë ja käjpxynyajxpë yajtëëpyën ets ja käjpxynyajxpë nëjkxëp tkumëtowtë ja pyoky,

Oseas 9:7

Tëë tpaaty ja xëëw po'o ma ja tëytyu'unën y'ita'anyën. Tëë tpaaty ja xëëw po'o ma tkëpäta'antën ja ja'ay ja y'ëxëëktu'un y'ëxëëk kajpxënëty. Israel nyijawëp ënät ko tpaatëty ja xëëw po'o. Miitsëty jëtu'un m'ëna'antë: Yë Dios yë kyäpxynyajxpë winma'anytyuk yë'ë ets tsuujajtp lokëjajtp. Yë'ëjëty paaty jëtu'un y'ëna'antë jä'ä ko ëxëëk nyäyjyawëtë, jä'ä ko mëj këjää yë pyokyëty.

Zacarías 13:3

paaty ko ënety pën kyäjpxynyaxa'any ets tukajpxpätëty yë Dios, yë'ë nëjkx kë'ëm tyeety tyaak y'ënë'ëmxëty: Mijts m'ookëp ënät, jä'ä ko mwin'ëënaanp je'eyë ko m'ëna'any ko yë Dios yë y'aaw y'ayuk xynyikajpxanëyë. Kë'ëm nëjkx ja tyeety tyaak tyukmoxmëtijëty ja tëypyujxn ko ënety nyäyajnaxyë käjpxynyajxpë.

Ezequiel 13:9

Nkoxäämpyës yë käjpxynyajxpëtëjkëty mëti'ipë ka'ap tii mëtëy twinkëma'atën ets mëti'ipë win'ë'ëntëpën. Ka'ap tjëkyepy jam yajpaatëty ma tyu'ukmuktën yë Israel ja'ayëty; ka'ap nëjkx yë xyëëw yajkëxja'atë ma myintën këxja'ay yë Israel ja'ay yë xyëëwëty ets ka'ap nëjkx tyëkëtë ma Israel ja'ay nyaaxjotëtyën. Ënet nëjkx xy'ijxpaatës ko ëjts Wintsënajtp.

Ezequiel 14:5

Ëjts ntuktëkëjäämpy yë jyot wyinma'any yë Israel ja'ayëty mëti'ipës të xy'ëxmatstën ko të tpanëjkxtëkëtë ka'apë tyiosëtyën.