Ezequiel 14:7 - Biblia Dc en Mixe de Quetzaltepec

⁷ Ko tu'uk yë Israel ja'ay ëkë jaaypyaat jaaypyo'kxy mëti'ipë tsënääpyën ma Israel kajpnën xy'ëxmatsëtyës ets wiink tios tpanëjkxtëkëty ka'apë tyiosëtyën ets jam ja jyot wyinma'any tpëjkta'akëty ma t'ëwtatyën ja wiink tios ets yi'iyë tuk'ijxpätëty ja mëti'ipë yajpokytyuunëpën ets ok tninëjkxëty ja käjpxynyajxpë ets winë tyajtëwëty, ëjts kë'ëm nmo'ojäämpy ja ëtsoowinpijtën.

Biblia Mixe de Quetzaltepec

⁷ Ko tu'uk yë Israel ja'ay ëkë jaaypyaat jaaypyo'kxy mëti'ipë tsënääpyën ma Israel kajpnën xy'ëxmatsëtyës ets wiink tios tpanëjkxtëkëty ka'apë tyiosëtyën ets jam ja jyot wyinma'any tpëjkta'akëty ma t'ëwtatyën ja wiink tios ets yi'iyë tuk'ijxpätëty ja mëti'ipë yajpokytyuunëpën ets ok tninëjkxëty ja käjpxynyajxpë ets winë tyajtëwëty, ëjts kë'ëm nmo'ojäämpy ja ëtsoowinpijtën.

Ezequiel 14:7 ပူးပေါင်းရင်းမြစ်များ

Éxodo 12:48

Pën tu'uk yë atsënääpyë xyëëwtunäämpy yë ëmaayxyëëw ets jëtu'un yë Dios tmëjjawëja'any, jëyëjp tu'kë'ëyë yë ye'etyëjktëjk yajnatsujk'ëwtitëty yë ye'etyëjk'ajtënëty mëti'ipë ijtëpën ma tyëjkëtyën, täänëm tnixëëwtuntëty ja ëmaayxyëëw. Jä'ä ko jëtu'un ënety nyajxnë tä tu'uk yë kunaax kukajpnën ma miitsëtyën. E pën ka'ap nyatsujk'ëwtityëty ja ye'etyëjk'ajtënëty, ka'ap tjëkyäpëty tsu'utsëty ja jëyujk'ooky.

Judas 1:19

Je'eyë tyajnäwya'kxa'anëtë ja mëpëjkpëtëjk, yi'iyë tyunantëp ja ëxëëkajtën, ka'ap ja Kënu'kxymyëkajtën tmëët'atë.

Oseas 9:10

Jëtu'un yë Wintsën y'ënä'äny: Koos mpaty yë Israel, jëtu'unës jotkujk näjya'awëy tä ja'ay tpaatyën yë tsatsym jam të'ëts'itjotm. Yë m'ap m'okëty jëtu'unës n'ijxy tä yë higos tsojk tsyaamë'ëkyën. E ko jam jyajtë Baal-peor wiink tios ojts nyätyukmëkënu'kxëtë ets ojts tuntë winë ëxëëk tä y'ëxëkëtyën yë y'awinaxëty mëti'ipë ënety tsyojkën'ajtëpën.

Oseas 4:14

Ëjts ka'apës ntëytyuna'any yë mnëëx ko jyot nyini'kx tooky tyäky ets mxäkxytyëjk ko tyajtëkoy yë pëjkën ukën wyintsë'kën, jä'ä ko miitsëty ye'etyëjktëjk nän mninëjkxtë yë to'oxytyëjk mëti'ipë jyot nyini'kx tyo'ktëpën; ets miitsëty ko yë wintsë'kën xyaktë, myajmiintëp yë to'oxytyëjk mëti'ipë jyot nyini'kx tyo'kpy yäjkpyën. Jëtu'un ja naax kajpn nyätyunyë mëti'ipë ka'ap wyijyëtyën.

Jeremias 37:17

Yë Sedequías yajkutujkpë ojts tni'ënä'ämë ets Jeremías yajmënëjkxëty jam ma kutujkëntëjkën. Ko jam jyä'äjty ma ja yajkutujkpën, ënät ame'tsyë yajtëëwë: ¿Jam tii ayuk xymyëëtëtyë mëti'ipë Wintsën të mmo'oyënë? Ets ja Jeremías y'ëtsooy: Tyapës ayuk nmëëtëty ets jëtu'unës yë Wintsën të xy'ënëëmë: Mijts jam myajkë'ëyaka'any ma Babilonyë yajkutujkpën.

Éxodo 20:10

E ja mëwëxtujkxëëwpë po'kxënxëëw jäänë, mëti'ipë ja mWintsën Dios yajtukwintsë'ëkëpën. Nitituunk mëpaat xykyatuny jä'ä xëëw, näjyëtu'un yë mmaank, yë mnëëx, yë mtuunpë ye'etyëjkpë, to'oxytyëjkpë; yë mjëyujk ets jaaypyaat jaaypyo'kxy ka'ap mëpaat jää nitituunk tuntë.

Isaías 63:17

Mijts Wintsën, ¿wi'ix ko të xyajkutuky ets ntu'utëkatstëtyës, etsës ni'ik ja njot nwinma'any mëk npëjkta'aktëtyës këtiipë myajwintsë'ëkëty? Yajtëkats ja mjot mwinma'any mëët ko xytsyoky xyjyawë ja mtuunpë ets ko xytsyoky xyjyawë ja mja'ay.

Ezequiel 3:20

N'ëkpëjktakmëty wiinkpë ijxpäjtën; tu'uk yë ja'ay oypyë jyuuky'ätyën tyajtëkatsëty yë jyuukyajtën ets jä'ä tuunëty ja ëxëëkpë ëkë tëkatsypë ets jyuukyajtën tyajtsiptëkëty; pën mijts ka'ap wi'ix xy'ënëëmë, ookëp yë'ë. Ëjts ka'apës nja'amyätsa'any oy ënety tii oy të tjatuny mëj këjää, yë'ë nëjkxëp ja pyoky tku'ookë; je'eyëp ko mijts nëjkx nyajtëy pën tëë ënety xyjya'ënëëmë ets ka'ap tii tëkatsy tunëty.

Oseas 4:5

Mijts xëëny koots nëjkx ëxëëk mjaty mkëpety, näjyëtu'un yë mkäjpxynyäjxpë xëëny koots nëjkx ëxëëk jyäty kyëpety ets mtaak nyajkutëkoyäämpyës yë'ë.

Deuteronomio 29:19

Pën jam pën y'ënä'äny ëkë myäy tyäjy; ëjts tiijës pën xykyëwentëty jyëkyejpyës ntunëty oy tii ntimtyuna'anëtyës, jëtu'unpë ja'ay yë'ë ja poky myëët'atëp, ko ënety miitsëty wi'ix mjatë mkëpätë.