Ezequiel 14:1 - Biblia Dc en Mixe de Quetzaltepec

¹ Ojts may yë mëjja'aytyëjk xynyimintës ets Wintsën winë tyajtëwa'antë.

Biblia Mixe de Quetzaltepec

¹ Ojts may yë mëjja'aytyëjk xynyimintës ets Wintsën winë tyajtëwa'antë.

Ezequiel 14:1 ပူးပေါင်းရင်းမြစ်များ

Ezequiel 8:1

Ma myëkoxk anyën yë mëtëtujk po'opë, ma tëtujk jëmëjt y'apetyën, jamës ënety n'u'unyë maas yë ntëjkën mëët yë mëjja'aytyëjkëty mëti'ipë Judá kukajpnajtëpën. Ajotkumonë ojts yë Wintsën tpëjktä'äky yë kyë'ë maas ëjtsën,

Ezequiel 20:1

Ma myajk anyën ja mëmëkoxk po'opë, ja mëwëxtujk jëmëjtpë, ojts yë mëjja'aytyëjk tninëjkxtë ja Dios ets winë tyajtëwa'antë, ënät jam nyaaxwä'tstaaytyë ëjts nwintuuyës.

Ezequiel 33:31

Ets jëtu'un ja nnaax nkajpnës mniminyë ets nyaaxwäätstë mijts mwintuuy, jëtu'un tä xëmë tuunk'atën ets tmëtoow'ita'antë ja n'aaw n'ayukës. Je'eyëp ko ka'ap tpatuntë. Jëtu'un t'akajpxëtë janaam jatsojk tä ja'ay tkuuy'iyën yë nätsyok näjyawë, e ma jyot wyinma'anyëtyën, yi'iyë myëmaay myëtajtëp wi'ix wit meeny tpaatëty t'ixtëty.

Isaías 29:13

Ëjts tëëjës yë Wintsën xy'ënëëmë: Ya'atë naax kajpn nëkoojës wiinkë'ëy akë'ëy xywyinkäjpxy xywyinmëtyä'äky yë jyot wyinma'any wiinktsow tyaj'ity, ets koos xytyukxoontä'äky, jëtu'un tä naaxwiinyëtë ja'ay kë'ëm të tuknipëjktaakën.

2 Reyes 6:32

Yë Elisejë tam ënety pyo'kxy pyiky ma jyëën tyëjkën mëët ja mëjja'aytyëjkëty. E ja yajkutujkpë tëë ënety tkexy tu'uk ja tyuunpë. E ka'anëm ënety ja yajktutujkpë ja kyukäjpxy jam jyä'ty, ko ja Elisejë t'ënëmaay ja mëjja'aytyëjk: Yajxon ixtë, ix tääpë yaja'ay o'kpë tu'uk të tkexy yë tyuunpë etsës yë nkëpajk xyajjënakanë. E tyam ja'akyukëtë yajxon, ko ënät ja tyuunpë jya'tëty, tääts yë tëjk'aaw xyaj'ëtuktëty wä'än jap tëja'p twë'ëmy, wa'ats yajmëtoy ko tää ja wyintsën pyaminyë.

Hechos 22:3

Jutiis ja'ayës ëjts, Tarsis nmëxu'unk'ajty, Cilicia y'itjotm. Yaas Jerusalén të nyeeky, Gamalielës xyaj'ijxpëjk; wa'atsës xytyuk'ijxpëjky ja aptëjk ja y'ënä'ämën, etsës ja Dios ja jyä'ä npatuunëty ijxtëm miits xytyuunk'atën.

Hechos 4:8

Tääts ja Kënu'kxypyë Mëk'ajtën ja Pedro tyukëtakë ets t'ëtsooy: Wintsëntëjkëty, mëjja'aytyëjkëty,

Hechos 4:5

Komjëpom ja kutuunktëjk, mëjja'aytyëjkëty ets ja tsajptëkotyëtë yaj'ijxpëjkpëtëjk ye'eymyujktë jam Jerusalén.

Lucas 10:39

Ets ja myëkä'äx tu'uk, Maria xyëëwajtyp; yë'ë ojts Jesús wyintum nyaaxweetsy ets tmëtoow'ity wi'ix y'ënä'änyën.

Ezequiel 14:2

Ënet yë Wintsën ojts xymyëkäjpxyës ets xy'ënëmaayës:

Ezequiel 33:32

Yë'ëjëty jëtu'un mtijëtë ko mijts jëtu'un mëtyä'äky tä jeexyë xykyuuy'iyën yë nätsyok näjyawë, ko oy yë aaw yo'kn xymyëëtëty ets oy mkoy. Je'eyë ko nëkoopë je'eyë tmëtoow'itë ets ka'ap tkuuytyuntë.

Isaías 21:12

Ets ja këwent'ajtpë y'ëtsoy: Tää xyiinyëjanë ets tää kyootsëjanë. Pën tii myajtëwantëp jyëkyejpy xyajtëwtëty, mmintëp jatëkok.

Ezequiel 20:3

Mijts ye'etyëjk, mëmëtya'ak yë Israel mëjja'aytyëjk ets xy'ënëëmëty: Jëtu'un yë Wintsën y'ënä'äny: ¿Ëjts miits xynyimiintëp ets winë xynyijawëja'antë? Ëjts tyamës yë njuukyajtën ntukajpxpety ets n'ëna'anyës ko ka'apës yam nkupëka'any ets miitsëty tii xyajtëwtëtyës.