Ezequiel 13:6 - Biblia Dc en Mixe de Quetzaltepec

⁶ Mëti'ipë wyin'ijxtëpën ka'ap myëtëyëty ets mëti'ipë y'akajpxtëpën ka'ap jyääntyëty. Jëtu'un y'ëna'antë koos xynyikajpx xynyimëtyaktëp, ka'ap y'ëjtsëty nkäxtë. Y'ëwxijtëp ets y'atëwëty yë y'aaw y'ayukëty.

Biblia Mixe de Quetzaltepec

⁶ Mëti'ipë wyin'ijxtëpën ka'ap myëtëyëty ets mëti'ipë y'akajpxtëpën ka'ap jyääntyëty. Jëtu'un y'ëna'antë koos xynyikajpx xynyimëtyaktëp, ka'ap y'ëjtsëty nkäxtë. Y'ëwxijtëp ets y'atëwëty yë y'aaw y'ayukëty.

Ezequiel 13:6 ပူးပေါင်းရင်းမြစ်များ

Ezequiel 22:28

Yë käjpxynyajxpëtëjkëty yu'tstëp ja tëyajtën, jëtu'un tä ja'ay poop twinkukoyën yë potsy; jëtu'un y'ëna'antë ko tëë Wintsën tyuk'ixëtë winë ets ka'ap myëtëyëty. Jëtu'un y'ëna'antë ko yë'ë nyikajpxtëp mëti'ipës të ntuknipëktën ets ka'apës wi'ix n'ënëëmëtë.

Jeremias 29:8

Ëjts Wintsën mëti'ipë maaytyääyëpën winë, yë Israel ja'ay Tyiosëty, ëjts ënaanp: Këtii mnätyukwin'ëënëtëty yë ja'ay mëti'ipë nätyijëtëpën najtsja'apë ets käjpxynyajxpë, mëti'ipë jam yajpatëpën ma miitsëtyën; këtii xymyëpëktëty yë kyëma'ayëty mëti'ipë nyimëtyaktëpën.

Jeremias 28:15

Ënet ja Jeremías t'ënëmaay ja Hananías: Ëkmëtoow'it yajxon mijts Hananías. Mijts ka'ap Wyintsënëty të mkexyë, paaty yë naax kajpn wiinkjaty të xy'ënëëmë ets nëkoo je'eyë xyajjotkujk'aty.

Ezequiel 21:29

Mëti'ipë mjawin'ijxtëpën ka'ap tyiyëty ets mëti'ipë mkajpxtëpën ka'ap myëtëyëty. Jam ja tëypyujxn kyëxka'aja'any ma ja yo'knëtyën tääpë ëxëëk ja'ayëty mëti'ipë je'eyë të tyuuntëkoytyën. Tyimpatyp ja nyixëëw ma yajtëytyuna'antën tääpë ja'ayëty.

Jeremias 37:19

¿Maa ënät tyam yajpaatë ja käjpxynyajxpëtëjkëty mëti'ipë ojts y'ëna'antën ko ka'ap yë Babilonyë yajkutujkpë tnitëkëja'any ya'atë kajpn?

Zacarías 10:2

Tä yë ja'ay mëti'ipë ënantëpën ko tëë yë awinax myëkajpxëtë nëkoopë yë'ëjëty nëkoopë wyin'ëëntë, ka'ap myëtëyëty y'ëna'antë yë najtsja'apëtëjkëty ko winë t'ixtë. Ko tii t'akajpxtë nëkoopë je'eyë wyinkuma'atë, yë y'aaw y'ayukëty ka'ap tii jotkujk'ajtën tyäky. Paaty yë naax kajpn jëtu'un yajpaaty tä tu'uk yë kupixynyën ka'apë wyinye'epyën ets o'ktëy jyäty kyëpety mëët ko ka'ap pën tmëët'aty mëti'ipë tu'uwinwowëtëpën.

Jeremias 14:14

Ënet ja Wintsën xy'ëtsooyës: Pën jëtu'un y'ëna'antë käjpxynyajxpëtëjkëty ets pën ëjts yë nxëëw kyajpxpatëp, win'ë'ëntëp yë'ëjëty. Ka'ap y'ëjtsëty të nkäxtë ets ka'ap tii ënä'ämën të nmo'otës; nijëna'a ma pën nkamëkäjpxyës. Nëkoopë y'ijxma'atë, nëkoopë wyinkëma'atë ets kë'ëm tma'kxtë jyot wyinma'anyëty. Mëti'ipë yë käjpxynyajxpëtëjk të nikajpxtë ka'ap myëtëyëty.

2 Pedro 2:18

Amëj akëjxm tii tkajpxtë mëti'ipë ka'ap tyunyën, wyin'ë'ëntëp ja ja'ay ko y'ëna'antë ko ka'ap pyokyëty ko ja'ay kyë'ëm winma'any tyajtuny. Jëtu'un ja ja'ay tyajpokytyuntë tyam ënety jemnyëm t'ëxmatstë ja ëxëëk juukyajtën.

2 Tesalonicenses 2:11

Paaty ja Dios të t'ëwa'atsy ets yajwin'ëëntëty mëët ja tëko'oyën ets yë'ë tmëpëktëty ja ka'apë tyiyëtyën,

Marcos 13:6

Nimay ja ja'ay nëjkx myintë etsës xy'atuunnaxa'antë ets y'ëna'ana'antë: Ëjts yë Kristë, ets may ja ja'ay nëjkx twin'ëëntë.

Ezequiel 21:23

E yë Jerusalén ja'ayëty ka'ap timmyëjpëjkta'aktë ya'atë aaw ayuk mëti'ipë yam ja yajnimëtyakpën, yë'ë tyukjotkujk'ajtyp ko tëë mëët wiinkëtypë naax kajpn käjpxytyu'unën tuny. Yë'ë yajnimëtyakp tëypyë mëët ko tëë nëë poky tmëtëkë.

Ezequiel 13:7

Ja wiinkëma'ay mëti'ipë miitsëty mëët'ajtëpën ka'ap tyiyajtënëty. Mëti'ipë m'akajxtëpën ka'ap myëtëyëty. Jëtu'un m'ëna'antë koos yë n'aaw n'ayuk mnikajpxëtëp, e ëjts ka'apës tii të nikäjpxy.

Lamentaciones 2:14

Ja wiinkëma'ay mëti'ipë ja mkäjpxynyajxpëtëjk ojts mtuk'ëwa'anxëtën nëkoo ojts je'eyë mwin'ëënyë. Ka'ap ojts tkajpxkëxë'ëktë ja mpoky këtiipë ja mjuukyajtënëty y'oyëtëty, nëkoo ojts mtukwinwanëty oypyë juukyajtën ets ojts mtukmëpëkyë.

Jeremias 29:31

Tuknikäx yë ayuk tëkokyë yë ja'ayëty mëti'ipë wiink naax wiink kajpn yajpatëpën tsumy matsy ets xy'ënëëmëty ko ëjts Wintsën, ëjts ënaanp: Mëët ko yë Semaías të m'ënë'ëmxëtë mëët ëjts nxëëwkyëjxmës ets ka'ap y'ëjtsëty të nkexy ets ko ka'ap y'ëjtsëty të nmo'oy ja ayuk mëti'ipë oy të xymyëtowtën ets ka'ap myëtëyëty,

Jeremias 28:2

Yë Wintsën mëti'ipë maaytyääyëpën winë, mëti'ipë Israel ja'ayëty Tyios'ajtëpën, jëtu'un y'ënä'äny: Jëtu'unës yë Babilonyë yajkutujkpë ntuna'any tä tu'uk tsajpkaa myëpotën yë kyukë'ë mëti'ipë tyukyuupyën.

Proverbios 14:15

Yë tsuuja'ay aak myëpëjktääpy wi'ix pën y'ënä'änyën; e yë wijyjyä'äy mëk timy'ixy maa nyäxy tyëkën.

1 Reyes 22:37

jä'ä ko tëë ja yajkutujkpë y'ooky. Ënet ja yajkutujkpë ojts jam yajmënëjkxy Samaria, jam nyaaxtëjkëy.

1 Reyes 22:27

Jëtu'un xy'ënëëmëtëty ko ëjtsës yam ni'ënä'ämëp ets tpëjkta'aktëty pujxn tëkoty ets ka'ap tmo'otëty yë kääky uuky, koonëmës nwinpitëty oy mëk maas tyam nëjkxyën tsiptuunpë.

1 Reyes 22:6

Ënet ja yajkutujkpë twoowmujktaay ja Wintsën ja myëtuunpëtëjk, jä'ä nyiwinë'atë nimajktaxk mëko'px ets tyajtëëy: ¿Wi'ix oyës yë Ramot nitsiptunëtyë, ëkë ka'apë? Ets yë'ëjëty y'ëtsoowtë: Oy, nitsiptun, jä'ä ko yë Wintsën tëë tkë'ëyäky.

Jeremias 5:31

Mëti'ipë käjpxynyajxpëtëjk jyanikajpxtëpën ka'ap myëtëyëty; yë teetytyëjkëty jëtu'un ja naax kajpn t'ënä'ämtë tä yë'ë kë'ëm wyinma'anypyaatën ets ja nnaax nkajpnës y'oy'ijxyp ja jëtu'unpë. E yë'ëts ënät, ¿tii miitsëty mtuunta'aktëp ko ënety ja jëtu'unpë kyixy nyäxy?

Jeremias 23:16

Yë Wintsën mëti'ipë maaytyääyëpën winë, jëtu'un y'ënä'äny: Miitsëty Israel ja'ayëty, këtii nëkoo xymyëjpëjkta'aktë yë käjpxynyajxpëtëjkëty yë y'aaw y'ayukëty. Aakyë'ë y'ëëwtëp kyajpxtëp mëti'ipë ka'ap myëtëyëtyën, mëti'ipë kë'ëm të tma'kxtën, mëti'ipë ka'ap y'ëjtsëty të nnikäjpxyën.

1 Reyes 22:12

Aakjëtu'un ja Wintsën ja myëtuunpëtëjkëty y'ënaanta'atë. Tä t'ënëmaaytyë ja yajkutujkpë: Nipëtë'ëk yë Ramot, jampë yajpaatyën ma Galaad y'itjotmën, tëë yajnijawë ko mijts mëtakaanp, yë Wintsën kë'ëm të timy yajkutuky ko mijts tääpë kajpn xyjyä'ä'atëty.

1 Reyes 22:15

Ënet ojts jam nyijkx ma ja yajkutujkpën ets ja yajkutujkpë yajtëëwë: Micaías, ¿mijts wi'ix m'ëna'any, oyë Ramot yajnitsiptunëtyë, mëti'ipë jamën Galaad y'itjotmën, okë oy ka'apë? Ets ja Micaías y'ëtsooy: Nitsiptun, mijts mëta'akaanp, yë Wintsën mijts myajmëta'akanëp.

Jeremias 28:1

Ma mëkoxk po'o y'apetyën, nän yë'ë jëmëjtpë, jää ma mëmajktaxk jëmëjt y'apetyën ma Sedequías yajkutukyën jam Judá, yë Hananías käjpxynyajxpë, yë Azur yë myaank, mëti'ipë jam Gabaón kukajpn'ajtpën, ojts tninëjkxy yë Jeremías ma ënety jam tsajptëkotm yajpaatyën, ma ënety näjyëtu'un jam yajpaatën wiinkëtypë teetytyëjkëty ets ja'ayëty mëti'ipë jam kunaax'ajt kukajpnajtëpën ets t'ënëmaay: