Ezequiel 13:5 - Biblia Dc en Mixe de Quetzaltepec

⁵ Nitii të tkatuntë ets Israel kajpn tkuwa'antëty ets jeexyë nyäkyuwa'anyë jä'ä xëëw ma ja Wintsën ja tsip tyaj'ita'anyën.

Biblia Mixe de Quetzaltepec

⁵ Nitii të tkatuntë ets Israel kajpn tkuwa'antëty ets jeexyë nyäkyuwa'anyë jä'ä xëëw ma ja Wintsën ja tsip tyaj'ita'anyën.

Ezequiel 13:5 ပူးပေါင်းရင်းမြစ်များ

Ezequiel 22:30

Ëjts tëëjës ja ja'ay n'ixta'ay ma tääpë naax kajpnën mëti'ipë jeexyë ja kajpn pya'ëyoopyën ets jeexyë tnikajpxtu'uty ma ëjtsën këtiipës nyajkutëkoyëty, je'eyëp ko ka'ap të npaatyës.

Isaías 58:12

Nëjkxëp ja naax kajpn tkoj'o'oyëtyä'äy ja jëën tëjk jënu'un ënety të jyityën ets tyajta'tspëjkta'aja'any ja potsy ëjx mëti'ipë jeky itaanpën. Jä'ä nëjkx mnaax mkajpn xyëëwpety Potsy kyoj o'oyëpë. Tu'u yaj'o'oyëpë.

Salmos 106:23

Ojts yë Dios tjanikäjpxy ko ënety yajkutëkoya'anëtë, e yë Moisés mëti'ipë wyin'ijxën, yë'ë ojts tuktëkë ets ja Dios ja jyoot'an xye'emy, jëtu'un ojts ka'ap kyutëkooynyëtëpë.

Jeremias 23:22

Ko jeexyë të tnijawëtë yë n'aaw n'ayukës yu'utsypë, tëë jeexyë tnikäjpxy tnimëtya'aktë yë n'aaw n'ayukës maas yë nnaax nkajpnën; ojts jeexyë tjëwowtë ma ëxëëk tu'ujën ets jeexyë t'ëxmajtstë ja y'ëxëëk juukyajtënëty.

Isaías 13:9

Miimp wiinkoonp ja Wintsën ja xyëëw ma ja ëyo'on y'ita'anyën, ma ja tsyip y'äkë tyajnaxa'anyën, mëti'ipë ja naaxwiinyëtë yaj'awinpitäämpyën anë'ëk tëëtsë'ëk, yajkutëkooytya'ajäämpy ja pokyjyä'äytyëjk mëti'ipë yajpatëpën naaxwiiny naaxkëjxy.

Isaías 13:6

Jë'ëtë ya'axtë, jä'ä ko miimp wiinkoonp ja ëyo'on jotmay, jëtu'un myiny tä kyoxy tsyiikyën ja Wintsën mëti'ipë maaytyääyëpën winë.

Apocalipsis 16:14

Ja ku'oypyë mëj ijxpäjtën yaj'ijxëp ets ni'ëmukë ja yajkutujkpë tyajnämyujkta'aja'anyë mëti'ipë yaa naaxwiinyëtën ets tsyiptuntëty mëët ja Dios Mëti'ipë Maaytyääyëpën Winë.

Apocalipsis 6:17

Jä'ä ko tëë ja xëëw tpaaty ma y'äkë tyiytyuna'any tsyäätstyuna'anyën. ¿Pën yë'ë y'ëkmëtänëp?

2 Pedro 3:10

Ko ënety ja Wintsën myiny, jëtu'un nëjkx myiny ijxtëm ja mä'tspën tsuu koots tyëjktëkën. Ënet ja tsajp nëjkx mya'ta'ay, pëmiimpën nëjkx yajmëtoy, näjyëtu'un nëjkx tyooytyëkooytyä'äy mëët yë jëën ets ja naaxwiinyëtë mëët tu'kë'ëyë winë nëjkxëp ja Dios tpaye'eytyä'äy.

1 Tesalonicenses 5:2

Wa'ats miits xynyijawëtë ko ja Wintsën myina'any oyjyëna'ajëty ma ënety ka'ap pën tjëjp'ixyën, ijxtëm tu'uk ja mä'tspë koots jyä'tyën.

Malaquías 4:5

Ëk'ixtë: Ëjts yë'ëjës yam nkäxäämpy yë Elías yajkutujkpë, ma ka'anëm tpaatyën ja xëëw po'o ma ëyo'on jotmay y'ita'anyën.

Joel 3:14

Tam ja'ay jyätyë ma ja joyjotmën ma jam yajnijawëja'anyën wi'ix tu'uktu'uk ja nipaye'eyën y'ita'any. Tëë wyinkony ja Dios ja xyëëw.

Joel 2:31

Pi'itsäämpy yë xëëw ets po'o, ne'pnyën jyajta'aja'any; ka'anëm ënety yë Wintsën yë xyëëw tpaaty mëti'ipë mëj'äämpy ets kutsë'ëkë itaanpën.

Joel 2:1

Yajxu'uxtë yë pujxnxuxn jam ma Sión kopkën; yaktë ja mëto'owën jam ma Wintsën yë kyopkën. Wä'än tyajxijtyu'kxtë ja mëti'ipë jam Judá tsënaaytyëpën, jä'ä ko tim wiinkoonp ja Wintsën ja xyëëw,

Joel 1:15

Janty mon janty tuk nyajpatëmë, jä'ä ko tää myiny wyinkony ja Wintsën ja xyëëw. Ma Wintsën xyajkutëkoya'anëmën mëti'ipë maaytyääyëpën winë.

Ezequiel 30:3

mëti'ipë wiinkoonpën, wiinkoonp ja Wintsën ja xyëëw; mëti'ipë wiinkoonpën wintuky y'ita'any; ëyo'on jää itaanp ma tääpë xëëwën.

Ezequiel 7:19

Jëtu'unyë tko'owëtijta'aja'antë tu'ujoty ja poop pujxn mëti'ipë myëët'ajtëpën; tä pu'uxmën t'ixko'owa'antë ja pu'ts pujxn. Oy tjamëët'atëty ja pu'ts pujxn ets ja poop pujxn ka'ap yë'ë yajtso'oka'anëtë ko ënety ja Wintsën tyukjoot'anpëkëtë. Ka'ap nëjkx myäyëtë wi'ix ja yuu xëëw tyajnaxtëtyën ets ka'ap nëjkx myäyëtë wi'ix ja myox tyaj'utstëtyën, jä'ä ko ja pu'ts pujxn jä'ä ënety të yajkuka'anaxëtë jap pokyjoty.

Jeremias 27:18

Pën janty tëy ko miitsëty mkäjpxynyajxpë'atë, ëjts yajtëëwtëk; ëjts Wintsën mëti'ipë maaytyääyëpën winë, wä'änës ka'ap nyajkutukëty ets jam Babilonyë yajmënëjkxta'ajëty ja apëjk atu'unën mëti'ipë jap ijtpën tsajptëkoty, mëti'ipë jamën ma kutujkëntëjkën ets mëti'ipë jamën maajaty yë Jerusalén kajpnën.

Malaquías 1:9

Miitsëty jyëkyejpy xy'amëtowtëty yë Dios yë pa'ëyo'owën najts'ëyo'owën. Je'eyëp tëy ko jëtu'unpë wintsë'kën xymyo'ojantëpëty ka'ap nëjkx tkupëky ets ka'ap nëjkx myaj'ëxajëtë oy. Yë Wintsën mëti'ipë maaytyääyëpën winë, jëtu'un y'ënä'äny:

Jeremias 15:1

Jëtu'unës yë Wintsën të xy'ënëëmë: Oyxyëp yë Moisés ets Samuel yë'ë yaa xyjyatimnyimiintëpës, ëjts ka'apës tääpë kajpn npa'ëyowa'any. Ënëëmë wä'än xywyinwa'ktu'utës, wä'än tnëjkxtë.

Isaías 34:8

Jëtu'un nëjkx ja Wintsën ja tsyip y'äkë tyajnaxy, jää jëmëjt nëjkx tyaj'ity ja tëytyu'unën, mëët ko ënety ja Sión kajpn o'ktëy të jyäty të kyëpety.

Isaías 27:4

Ka'apës n'ekyë mëët yë'ë. Ko jeexyë tmëët'aty yë äpny ëkë ëxëëk ujts, pojënës jeexyë nitsoony etsës jeexyë ënätyë nino'kta'ay.

Isaías 2:12

jä'ä xëëw ma ënety winë tunyën yë Wintsën mëti'ipë maaytyääyëpën winë, o'ktëy nëjkx jyatë kyëpätë mëti'ipë nämyëjja'aw näjyääntyja'awëtëpën, ets tëkokyë ja'ay mëti'ipë ënety mëj jaanty të nyäyajnaxëtën, pa'tkë'p nëjkx kyëtakta'atë,

Salmos 76:7

Mijts mkutsë'ëkë oy. ¿Pën mëpaat m'ëk wiinkuwa'akëty ko mjoot'anpëky?

Job 40:9

¿Ni'ik jëtää mijts mëkëty këtiinëm ëjtsë? ¿Jëtu'un yë m'aaw myo'kn y'ënä'äny ënääwën tääjës ëjts yë njä'äjënë?

1 Samuel 12:23

E ëjts mëti'ipës xypyatpën, yë'ë ko tyam nkënu'kxta'aka'antë janaam jatsojk. Ntukni''ixëja'antë wi'ix mëpaat mjuuky'atën oy tsuj ets wi'ix mëpaat oy winë xytyuntën.

Ezequiel 13:4

Mijts Israel, yë mkäjpxynyajxpëtëjk, jëtu'un yë'ëjëty tä maywyax muum yajpaatën ma naax kajpnën tëëpë xit ko'ow jyajta'ayën.