Ezequiel 13:23 - Biblia Dc en Mixe de Quetzaltepec

²³ Paaty miitsëty ka'ap tii xy'ëkwin'ijxnëtëty ka'apë myëtëyëtyën ets ka'ap m'ëk win'ë'ënëtëty ma tii xykyajpxnaxtën. Ëjts nyajtso'okäänpyës yë nkajpnës ma miitsëty o'ktëy xytyuntën ets jëtu'un nëjkx xynyijawëtë ko ëjts Wintsën.

Biblia Mixe de Quetzaltepec

²³ Paaty miitsëty ka'ap tii xy'ëkwin'ijxnëtëty ka'apë myëtëyëtyën ets ka'ap m'ëk win'ë'ënëtëty ma tii xykyajpxnaxtën. Ëjts nyajtso'okäänpyës yë nkajpnës ma miitsëty o'ktëy xytyuntën ets jëtu'un nëjkx xynyijawëtë ko ëjts Wintsën.

Ezequiel 13:23 ပူးပေါင်းရင်းမြစ်များ

Ezequiel 13:21

nyajpëtsëmäämpyës yë nnaax nkajpnës ma miitsëty o'ktëy xytyuntën ets ma të yajtukwin'ëëntën yë kumots mëti'ipë të nyätyukuyä'äpëtën, këtiipë jatëkok yajwin'ëëntëty. Ënet nëjkx xynyijawëtë ko ëjts Wintsën.

Miqueas 3:6

Miitsëty ka'ap xy'ëkmëët'atanëtë ja tsuu kuma'ay koots ets ka'ap nëjkx m'ëk'maayënëtë wi'ix tii xy'akajpxtëtyën. Nëjkxëp ja xëëw jää jyäjy tyi'kxy ma tääpë käjpxynyajxpëtëjkëtyën ets ko xyiiny'atëty nëjkxëp jää kyootsë,

Ezequiel 12:24

Ka'ap tii y'ëkyajwin'ixanë ma Israel kajpnën ka'apë myëtëyëtyën ets käjpxynyajxën ka'apë jyääntyëtyën.

Apocalipsis 12:11

Tëë ja nmëku'uk'ajtëm tmëmëta'aktë ja mëjku'u mëët ja Dios U'unk ja nye'pyny ets mëët ja tëyajtën mëti'ipë nyikajpxtën; ka'ap të tsë'ëkëtë ja o'kën, ni'ikyënëm të y'ëna'antë oy tyimwi'ix'atëty.

Apocalipsis 12:9

Jëtu'un yaj'ixkejxy ya'atë mëj tsa'any, mëti'ipë yajtijpën mëjku'u ets Satanás, mëti'ipë wyin'ë'ëmpyën ni'ëmukë ja naaxwiinyëtë ja'ay. Yë'ëts ojts naaxwiinyëtë yajkujëpijpnaxy mëët ja ëxëëkpë ja anklëstëjk.

Zacarías 13:3

paaty ko ënety pën kyäjpxynyaxa'any ets tukajpxpätëty yë Dios, yë'ë nëjkx kë'ëm tyeety tyaak y'ënë'ëmxëty: Mijts m'ookëp ënät, jä'ä ko mwin'ëënaanp je'eyë ko m'ëna'any ko yë Dios yë y'aaw y'ayuk xynyikajpxanëyë. Kë'ëm nëjkx ja tyeety tyaak tyukmoxmëtijëty ja tëypyujxn ko ënety nyäyajnaxyë käjpxynyajxpë.

Ezequiel 34:10

mëti'ipë yam ëjts Wintsën miitsëty ntukmëmëtya'akantëpën: Miitsëty kupixyny këwent'ajtpë, mmëtsipës yam näpyëjktä'äkyë ma miitsëtyën ets yë'ë yam ntukpatëkëjantëp ja nkupixynyës; mpëjkëjantëp yam ja tuunk ma mkupixynykyëwent'atën, këtiipë kë'ëm mtsyätynyäkyëwent'atëtëty; mpëjkëtya'ajantëp yam yë nkupixynyës këtiipë xytsyu'tsta'atëty.

Apocalipsis 15:2

Ets n'ijxyës näjyëtu'un ja mejy mëti'ipë këxë'kpën ijxnën ets jëënyä'änkën xëpiny. Jamts mejy ëkë'ëm tyänëtë ni'ëmukë mëti'ipë ka'ap të twintsë'ëkëtën ja mëj jëyujk ets ja awinax, ets mëti'ipë ja jëyujk xëëw mëtsyo'owën të tkakupëktën. Jam ja kyow tmëët'atë mëti'ipë ja Dios ënety të myo'ojëtën.

Apocalipsis 13:8

Ja naaxwiinyëtë ja'ayëty wyintsë'ëkëjantëp ja mëj jëyujk, mëti'ipë ja xyëëw ka'ap jap myintën kuja'ay ma ja nokyën mëti'ipë myë'ijtypyën ja Kupixyny U'unk ja jyuukyajtën, mëti'ipë ja ja'ay yajkruuts päjtën.

Apocalipsis 13:5

Tääts näjyëtu'un ja mëj jëyujk yaj'ëwatsy ja tyu'u ets ja Dios tmëkajpxtëkoyëty. Näyjyëtu'un yaj'ëwatsy ja tyu'u ets y'ënä'ämëty wëxtyikxy mäjtsk po'o.

Judas 1:24

Ja tu'kpajkpë ja Dios, mëti'ipë të xyajnitsokëmën, myëët'ajtyp yë mëk'ajtën ets mkëwent'atëtëty këtiipë mka'atëty pokytyum, ets myaja'tëtëty ma ja xyoontakënën, ma yë'ë yajpaatyën tsuj xoontä'äky. Yë'ë patëp ja mëj'ajt oyajtën, ja kuttujkën, ja ënä'ämën, mëët ko ja nWintsën'ajtëm Jesukristë të nmëpëjkëm, tëëyëp, tyam ets xëmëkyëjxm. Jëtu'un y'itëty.

2 Timoteo 3:9

Je'eyëp ko ka'ap yë jyä'ä myëjtëkëja'antë, jä'ä ko nyijawëjantëp yë ja'ay ko tsuu ets kunëpap yë'ëjëty, näjyëtu'un ijxtëm jyaajtën ja nimäjtskpë ja ja'ayëty mëti'ipë myëtsippëjktën ja Moisés.

1 Corintios 11:19

Jëtu'un tyimjataanpë ets miits mnäpyëjkwa'kxëtëty ets yajnijawëty pën oy myëtuuntëp ja Dios.

Marcos 13:22

Jä'ä ko minantëp mëti'ipë nätyijanëtëp Kristë ets mëti'ipë nätyijanëtëp Dios käjpxynyajxpë, yaj'ixëtëp näjyëtu'un ja ijxpäjtën ets mëj'ajtën, ets yë'ëpaat yajwin'ëëna'any mëti'ipë ja Dios të wyin'ixyën.

Mateo 24:24

Jä'ä ko minantëp ja ja'ayëty mëti'ipë nëjkx nyätyijëtën Kristë ets mëti'ipë nätyijëtëpën Dios kyäjpxynyajxpë; nëjkxëp tyaj'ixëtë ja mëj'ajtën ets wi'ix kawi'ixëty nëjkx winë tuntë ets yë'ëpaat nëjkx yajwin'ëëntë mëti'ipë ënety ja Dios të twin'ixyën.

Ezequiel 15:7

Mëtsipës nänyikajpxa'anyë ma yë'ëjëtyën. Jyakukä'äktëp tu'kpëky ja jëën je'eyëp ko nän jëënjoty nëjkx kyukääkëtë. E koos ënety ëjts nänyikäjpxyë mëtsip ma yë'ëjëtyën jäänëm nëjkx xy'ixkaptës ko ëjts Wintsënajtp.

Ezequiel 14:8

Tyamës mëët näy'ixëtëty tääpë ja'ay ets ntëytyunäämpyës yam mëti'ipë nëjkx ijxpät wyi'imyën, mëti'ipë nëjkx ja'ay tnimëtya'aktën etsës njo'otsa'any maas yë nnaax nkajpnën. Ets nëjkx miitsëty xynyijawëtë ko ëjts Wintsën.

Deuteronomio 18:20

E ja käjpxynyajxpë mëti'ipë kë'ëmwinma'any kajpxp mëtyakpën mëët nxëëwkyëjxmës ets tnikajpx tnimëtya'akëty mëti'ipës ka'ap të ntuk'ëne'emyën ets wiink tios tnikajpx tnimëtya'akëty, tääpë ja'ay nëjkxëp y'ooky tyëkoy.

Jeremias 23:14

Tëës n'ixy wi'ix yë käjpxynyajxpëtëjk mëti'ipë Jerusalén kukajpnajtëpën, mëj këjää të tyuuntëkoytyë: Wiink ye'etyëjk wiink to'oxytyëjk mëët të y'ijt të tsyënaaynyëtë, je'eyë wyin'ëëntë y'anta'aktë; ni'ikyë tjotmëkmo'otë mëti'ipë tuuntëkooy kajpxtëkooytyëpën. Tääpë ja'ayëty jëtu'un tä yë Sodomë ja'ay, Gomorra ja'ayëtyën.