Ezequiel 13:19 - Biblia Dc en Mixe de Quetzaltepec

¹⁹ Miitsëty, yë'ë mnätyukwin'ë'ënëtëp tu'knuukpyë tsajpmok, ëkë tu'ukpë mäjtskpë tsajpkääky, etsës xynyëxi'ik xytyukxi'iktë maas ja nnaax nkajpnën; xyaj'ook xyajtëkoytyë yë ja'ay ka'apë jeexyë y'ookyën; xyajwë'ëmtë juuky ka'apë nyitëkëtyën jyuuky'atëty. Jëtu'un yë nnaax nkajpnës xywyin'ëëntë, ko tmëpëky ja win'ë'ënën antakën.

Biblia Mixe de Quetzaltepec

¹⁹ Miitsëty, yë'ë mnätyukwin'ë'ënëtëp tu'knuukpyë tsajpmok, ëkë tu'ukpë mäjtskpë tsajpkääky, etsës xynyëxi'ik xytyukxi'iktë maas ja nnaax nkajpnën; xyaj'ook xyajtëkoytyë yë ja'ay ka'apë jeexyë y'ookyën; xyajwë'ëmtë juuky ka'apë nyitëkëtyën jyuuky'atëty. Jëtu'un yë nnaax nkajpnës xywyin'ëëntë, ko tmëpëky ja win'ë'ënën antakën.

Ezequiel 13:19 ပူးပေါင်းရင်းမြစ်များ

Miqueas 3:5

Ja nnaax nkajpnës jä'ä pyaye'epy ja në'ë tu'u ka'apë myëtëyëtyën jä'ä ko yë'ë win'ë'ënëtëp yë käjpxynyajxpëtëjkëty, mëti'ipë tyukwinwa'anëtyëpën ja jotkujk'ajtën ko pën yajkayëtë ets tsyipwinkajpxëtyëp ko pën tii kyamo'ojëtë. Jëtu'un yë Wintsën t'ënëmaay tääpë käjpxynyajxpëtëjkëty:

Proverbios 28:21

Ka'ap y'oyëty ko win'ixy wiinkexy ja'ay yajtsoky, yë'ëpaat ja'ay yajtëkoyë tu'ktukpyë tsajpkääky.

Ezequiel 22:26

Yë teetytyëjkëty mëti'ipë yajpatëpën ma ya'atë kajpnën, wiinkatsy tja'akyukëtë ëjts ja n'ijxpëjkënës ets yaj'ëxë'këtyääytyëp ja mëti'ipës wa'ats nyajnajxypyën; ka'ap t'ixtë mëti'ipë ëxëëkën ets mëti'ipë wa'atsën ets ka'ap pën tukni''ixëtë mëti'ipën oy'ajtp ets ëxëëk'ajtpën. Ka'ap tpo'kxtë npo'kxën nxëëwës ets ka'apës xymyëjpëjkta'aktë.

Ezequiel 20:39

Mijts Israel kajpn, mëtoow'it wi'ix yë Wintsën y'ënä'änyën: Nëjkx ëwtatë yë m'awinaxëty. Je'eyëp ko ok nëjkx xymyëmëtowtës ets ka'ap jatëkok xy'ëk'ëxëëk tuunëtëty ja nkënu'kxy xyëëwës ma ja wiink tios xymyo'otën ja wintsë'kën ets xy'ëwtatë.

Jeremias 23:17

Mëti'ipë y'ëxëëk'ijxtëpën yë n'aaw n'ayukës, jëtu'un yaj'ëëmëtë: Aak oy winë mwinpëtsëma'anxëtë. Mëti'ipë mëët tsuuwinma'any winë tyuuntëpën jëtu'un yaj'ënëëmëtë: Ka'ap wi'ix mjata'antë.

Jeremias 23:14

Tëës n'ixy wi'ix yë käjpxynyajxpëtëjk mëti'ipë Jerusalén kukajpnajtëpën, mëj këjää të tyuuntëkoytyë: Wiink ye'etyëjk wiink to'oxytyëjk mëët të y'ijt të tsyënaaynyëtë, je'eyë wyin'ëëntë y'anta'aktë; ni'ikyë tjotmëkmo'otë mëti'ipë tuuntëkooy kajpxtëkooytyëpën. Tääpë ja'ayëty jëtu'un tä yë Sodomë ja'ay, Gomorra ja'ayëtyën.

Romanos 16:18

Ka'ap yë Wintsën Jesukristë yë'ëjëty tmëtuntë, kyë'ëm tsojkën yë'ë myëmaay myëtajtëp ets ja ja'ay twin'ëëntë ko janty yujy janty tëtä'äky myëtya'aktë; yë'ë wyin'ë'ëntëp mëti'ipë ka'ap oy tnijawëtën tii ja Dios tsyojkpyën.

Miqueas 3:11

Ja wintsëntëjkëty mëti'ipë winë jeexyë oy pyaye'eytyëpën y'ëxajëtëp yë meeny ets ka'ap tii oy tpaye'eytyë; yë teetytyëjkëty yi'iyë ja'ay tyuk'ijxpëjktëp wi'ix tyaktëtyën ja wit meeny may'äämpy ets käjpxynyajxpëtëjkëty tyo'knëtëp ja y'aaw y'ayukëty ko nyätyijyë winë t'akajpxtë, jä'ä ko y'ëna'antë ko yë'ë Dios mooyëtëp yë winma'any ets yë'ë të myëkajpxëtë, jä'ä myäytyë tyajtë: Yë Dios yë'ë yajpatp mëët ëëtsajtëm; tii xynyajajtmëp.

1 Pedro 5:2

Jëtu'un ijxtëm ja jëyujk ijxpë t'ijx'ity tkëwent'atyën ja kyupixyny, jëtu'un këwent'atë ja Dios ja jyä'äy. Winë aaw winëjot mtuntëty ijxtëm ja Dios tsokyën, ka'ap y'atsipëty ets ka'ap yë meeny yi'iyë xytsyojkën'atëty.

1 Corintios 8:11

Ko mijts xytyunëty mëti'ipë ja mmëku'uk ka'ap t'oy'ixëtyën, tëë ënety ja mëku'uk xyajtëkooyë ja myëpëjkën mëti'ipë ja Kristë ojts tku'ookën.

Romanos 14:15

E näjyëtu'un ënät, pën yë mmëku'uk wyiink'ijxyp ko tii xyjyi'kxy, ma jëtu'un winë xytyunyën ka'ap ënety y'ëknätsyokë'ajnë. Ka'ap mëpaat yë'ë tyajtëkoy ja mmëku'uk ja myëpëjkën ma ja Kristën ko tii xyjyë'kxëty xypyëkëty.

Malaquías 1:10

Jääpëk jeexyë jam pën pyëtsimy ma miitsëtyën mëti'ipë tsajptëjk yaj'ëtukëpën, këtiipë pën tyajmëjëty jap yë jëën maas yë nwintsë'këntyaknën. Jä'ä ko ka'apës jotkujk näjyawëty mëët miitsëty ets ka'apës jëtu'un n'ëkupëkanë yë wintsë'kën mëti'ipë myajktëpën.

Ezequiel 13:22

Miitsëty, tëë xy'ëtsë'ëkëtë yë oyjyä'äytyëjkëty, mëti'ipës ënety ëjts ka'ap ntuna'anyën, ni'ikyë të xyjyotmëkmo'otë yë ëxëëkja'aytyëjk ets ëxëëkpë tuntëty ets jëtu'un ka'ap yë juukyajtën nmo'otëtyës.

Proverbios 19:27

U'unk maay, pën mijts ka'ap xy'oyjyawë ko pën tii mtuk'ënë'ëmxëty, jä'ä ënety m'ëxmajtsyp ja oypyë ja ëëwwijën kajpxwijën.

1 Samuel 9:7

Jam, jëtu'un y'ëtsooy yë Saúl. Je'eyëp ko, ¿Tii tëy nmo'omyëp? Ix ni tsajpkääky nkamëët'ajtëmë mëti'ipë jeexyë nmo'oyëmën.

Isaías 56:11

Jëtu'un y'ëtëtsnëtë ukën ka'apë kyu'uxyën, ja këwent'ajtëp ja'ijtyëty je'eyëp ko ka'ap nijënu'un jyä'äkyukëtë; këëk tu'u tjantyye'eytyë, aakyë'ë pyajëtijtëp wi'ix myeenypyaatëtyën,

Ezequiel 13:20

Paaty ëjts maas nWintsën'atyën n'ëna'any: Mëtsipës yam näpyëjktä'äkyë ma tääpë kë'ëjänën mëti'ipë mnikajpxtëpën ko tmëët'aty yë mëk'ajtën, kë'ëmpë të xyajkojtën; mëti'ipë ja'ay mtukmajtsëpën tä joon yajmatsyën. Nyajtsoonantëp yam miitsëty ma tääpë ja'ayëtyën mëti'ipë je'eyë win'ë'ëntëpën ets jotkujk mjuuky'atëty;

Ezequiel 22:25

Ja kajpn mëti'ipë ja kyutujkpëtëjk jëtu'un ja'ay'ajtëpën tä kaajën, mëti'ipë muutëpën ni'tstëpën ets t'atëj t'amootëtë y'o'kpë; mëti'ipë tsyu'typyën yë ja'ay nyaaxjoty kyajpnjoty, mye'tsyp ja wit meeny ets ja myëk'ajtën mëti'ipë yu'utsy yaj'ijtëpën ets may ja to'oxytyëjk ku'ooky tyajwë'ëmy.

Proverbios 17:15

Ko yajpokymye'kxy yë tuuntëkooypyë ets yajtëytyuny ka'apë pyokymyëëtëtyën; tääpë mäjtskpëky mëti'ipë Dios ka'ap nijënu'un t'oyjyawën.

Isaías 5:20

Janty mon janty tuk miitsëty myajpaatë, jä'ä ko yë'ë mtijtëp oy mëti'ipë ëxëëkën. Koots xy'ixtë ja xëënyajtën ets ja kootsajtën xëëny xy'ixtë; ja ta'ampë pa'ak xyjyawëtë ets ja pa'akpë ta'am xyjyawëtë.

Ezequiel 22:27

Yë ënä'ämpëtëjkëty mëti'ipë yajpatëpën ma ya'atë kajpnën jëtu'un jyä'äy'atë waxën mëti'ipë piw nuuk tyuunpyën yë y'o'kpë; yaja'ay'ookaanp je'eyë ets tyämäämpy jyä'ätsäämpy ja jot ne'pny ko kyumeenytyä'äky.