Ezequiel 13:12 - Biblia Dc en Mixe de Quetzaltepec

¹² ets kyëtawa'any yë potsy. Ënet nëjkx tyajtëwtë: ¿Tiixë ja jaam të jyätyë mëti'ipë tyuknikooytyën?

Biblia Mixe de Quetzaltepec

¹² ets kyëtawa'any yë potsy. Ënät nëjkx tyajtëwtë: ¿Tiixë ja jaam të jyätyë mëti'ipë tyuknikooytyën?

Ezequiel 13:12 ပူးပေါင်းရင်းမြစ်များ

Jeremias 37:19

¿Maa ënät tyam yajpaatë ja käjpxynyajxpëtëjkëty mëti'ipë ojts y'ëna'antën ko ka'ap yë Babilonyë yajkutujkpë tnitëkëja'any ya'atë kajpn?

Jeremias 2:28

Judá, ¿ma ënät ja mtios mëti'ipë të xyajkojyën? Mijts jëtu'un yë tios may xymyëëtëty tä maykyajpnën. Wä'än yë'ë mniminyë ets wä'än myajtso'okyë ko ëyo'on xypyaatëty.

2 Reyes 3:13

e ja Elisejë tyaa t'ëtsooy ja Israel yajkutujkpë: ¿Ëjts tii winma'anyës yam n'ëkmëët'ajtyp mëët mijts? ma nëjkx yë'ë xykya'ixy ja ja'ayëty mëti'ipë ijty ja mteety xëmë winë yajtëëpyën. E ja yajkutujkpë ni'ikyë tjanty y'ënëëmë ja käjpxynyajxpë: Ka'ap, jä'ä ko Wintsënës të xyajmintë ets ëëtsëty nitëkëëk yë Moab ja'ayëty xyaj'ooktëty.

Jueces 10:14

Nëjkx yë'ë amëtowtë yë putëjkën ja tiosëty mëti'ipë miits kë'ëm të xywyin'ixtën. Wä'än yë'ë myajtso'okëtë ma tyam amaayjoty jotmayjoty myajpaatën.

Jueces 9:38

Kajpx ënät tyam, janty jotmëkxë mnäjyawëty. Jëtu'un ojts y'ëtsoyë ja Zebul. Jëtu'unxë m'ëna'any ko yë Abimélec ka'ap tii tkëjxmëty ets yë'ë nmëtu'unmëty. Xii ënät ix, ix ja myäytsyiptuunpëtëjk mëti'ipë ënety ka'ap xykyumayën. Paaty, nëjkx ets nëjkx mtsiptuny mëët yë'ëjëty.

Deuteronomio 32:37

Ënet nëjkx ja Israel ja'ayëty t'ënëëmëtë ja myëtsip: ¿Maaxën ja mtiosëty mëti'ipë ënety mnikapxtëpën, ko yë'ë m'ijx'it mkëwent'atëtë, ets yë'ë xëmë mtimtyuk'ijxpäjtëp,

Éxodo 2:3

E jä'ä ka'ap ënety tjëkyepy jeky yu'utsy tyaj'itëty, ënät ojts tu'uk yë katsy t'oytyuny ets tyaj'ëtujktaay maajaty y'ëwa'atsëtyën mëët yë kepy'u'pky ets pu'unyky këtiipë jap ja nëë tyëkëty, tä ja y'u'unk jap t'ako'kë katsyjoty ets ojts jam tpëjktä'äky nëëpë'am yu'utsy, nëë'awekyjoty ma ja Nilë mëjnëëjën.

Ezequiel 13:11

Ënëëmëtë tääpë ja'ayëty mëti'ipë potsy poop nyikooytyëpën, ko këtawaanp tääpë potsy. Minaanp yë nëë tuu ets tëtsn tuu mëti'ipë tsaajën këxë'ëkaanpën ets mëkpoj tuupoj myina'any,

Ezequiel 13:13

Paaty ëjts maas nWintsën'atyën n'ëna'any: Koos ënety njoot'anpëky nyajminäämpyës yë mëktuupoj ets koos ënety ja ntsip n'äkë myëjë nyajtëtsntu'ujäämpyës jëtu'un tä jeexyë tsyaatu'uyën etsës winë nyajkutëkoyä'äny mëët ja tsip äkë.