Ezequiel 13:10 - Biblia Dc en Mixe de Quetzaltepec

¹⁰ Yë'ëjëty tëë twin'ëëntë yë nnaax nkajpnës, ko y'ëna'antë ko oy winë tyu'uye'ey ma naax kajpnën ets ka'ap jyëtu'unëty. Jëtu'un të y'ëtë'ëtstë tä ja'ay tu'uk yë potsy tyaj'oyën oywyi'ix ets jaam tuknikoy.

Biblia Mixe de Quetzaltepec

¹⁰ Yë'ëjëty tëë twin'ëëntë yë nnaax nkajpnës, ko y'ëna'antë ko oy winë tyu'uye'ey ma naax kajpnën ets ka'ap jyëtu'unëty. Jëtu'un të y'ëtë'ëtstë tä ja'ay tu'uk yë potsy tyaj'oyën oywyi'ix ets jaam tuknikoy.

Ezequiel 13:10 ပူးပေါင်းရင်းမြစ်များ

Ezequiel 22:28

Yë käjpxynyajxpëtëjkëty yu'tstëp ja tëyajtën, jëtu'un tä ja'ay poop twinkukoyën yë potsy; jëtu'un y'ëna'antë ko tëë Wintsën tyuk'ixëtë winë ets ka'ap myëtëyëty. Jëtu'un y'ëna'antë ko yë'ë nyikajpxtëp mëti'ipës të ntuknipëktën ets ka'apës wi'ix n'ënëëmëtë.

Ezequiel 13:16

tääpë käjpxynyajxpëtëjkëty mëti'ipë ijty tëkatsy winë nyikajpxtëpën ma Israel ja'ayëtyën ets ma Jerusalén ja'ayëtyën ets ijty y'ëna'antë ko oy yë naax kajpn yajpaaty ets ka'ap jyëtu'unëty. Ëjts Wintsën, ëjts ënaanp.

Jeremias 14:13

Ënätës n'ëtsooy: Wintsën, ¿wi'ixën ko jëtu'un m'ëna'any? Yë käjpxynyajxpëtëjkëty jëtu'un y'ëna'antë ko ka'ap jyää'ata'any yë tsip ets yuu, ko mijts myakäämpy ja jotkujk'ajtën mëti'ipë winë xëëw winë kyëjxm ijtpën.

Jeremias 8:11

Ka'ap tmëmay tmëtajtë oyës ja nnaax nkajpn o'ktëy jyäty kyëpety, xëmë je'eyë y'ëna'antë ko oy tyu'uye'ey winë ets ëxëëk jyäty kyëpety ja naax kajpn.

Jeremias 6:14

Oyës ja nnaax nkajpn nitsëtyut kutsëtyut yajpaatëty, yë'ëjëty ka'ap tii tmay tajtë; je'eyë xëmë y'ëna'antë ko oy yajpaatë ets ëxëëk jyatë kyëpätë.

2 Reyes 21:9

E yë'ëjëty ka'ap tkuuytyuuntë. Ni'ikyë ja Manasés ojts tyuktunëtë ka'apë jeexyë mëpaat tuntën; ni'ik o'ktëy y'ëtëtstë këtiinëm jyëtu'unëty ja naax kajpn mëti'ipë ënety ja Wintsën të twojpëtsëmyën ma ja Israel ja'ayëty ja naax yajmooytyën.

Apocalipsis 2:20

E jam tu'uk mëti'ipës ka'ap n'oy'ixyën: ko mijts jam xyaj'ity yë to'oxytyëjk Jezabel, mëti'ipë nätyijëpën Dios ayuk kajpxnajxpë. Yë y'ijxpëjkën tyukwin'e'empy ja mëpëjkpëtëjk ko y'ënä'äny ko ka'ap pyokyëty oy xim yam ja ye'etyëjk ëkë ja to'oxytyëjk tmëët'atëty ets oy tjë'kxtëty mëti'ipë tëë yajtukwintsë'ëkën ja awinax.

1 Juan 2:26

Paaty miits nnijäyëtë këtiipë myajwin'ëëntëty.

2 Timoteo 3:13

E ja ëxëëkja'aytyëjkëty ets ja win'ë'ëmpëtëjkëty ni'ikyë y'o'ktëwa'antë, win'ëënantëp ni'ikyë ets näjyëtu'un yajwin'ëëna'antë.

1 Timoteo 4:1

Wa'ats ja Kënu'kxymyëkajtën tnikäjpxy ko ja ja'ay t'ëxmatsa'antë ja mëpëjkën ko ënety ja tiempo kyëxanë, yë'ë pyatunantëp ja ijxpëjkën ka'apë myëtëyëtyën mëti'ipë ku'oypyë jyä'ä'ajtypyën.

Malaquías 3:15

Tëë n'ijxëmë ko ja'ay mëti'ipë mëj këjxm ja'ay'ajtpën nikë jotkujk jyuuky'äty, mëti'ipë ja'ay ëxëëk ëtëtsp ënaanpën nikë oy winë wyimpëtsë'ëmxëty, jyayajjoot'anpëjktëp yë Dios ets ka'ap wi'ix tyunëtë.

Miqueas 2:11

Ko ja ja'ay tu'uk wyin'ëënëty ets y'ëna'anëty: Ëjts yë'ëjës yam nnikäjpxyp nimëtyäkpy yë tsatym nyëë tëëpë nyimaanaxyën ets nëë mëti'ipë mukpën, jëtu'unpë ja'ay yë'ë ja naax kajpn oy tsyojkpy ets kyäjpxynyajxpë'atëty.

Ezequiel 7:25

Tuktëkëjänëtëp yë tsë'ëkë; y'ixta'ajantëp ja jotkujk'ajtën ets ka'ap tpaata'antë.

Jeremias 50:6

Yë nnaaxës nkajpnës jëtu'un ënety yajpaatë tä maykyupixynyën mëti'ipë të tyu'utëkoytyën, mëti'ipë ka'ap këwent'ajtpë oy të kyëwent'atëtën ets të ye'eywya'kxta'atë jam ujtsjotm. Ko jyatsoontë ma jam yajpaatën, wiinktsow nyëjkxtë ets ka'ap jya'të ma y'ijtaknëtyën.

Jeremias 28:9

E ko ijty tu'uk yë käjpxynyajxpë t'akäjpxy yë oyajtën jotkujk'ajtën ets jyänty tyuny jyänty jyätyë, jää yaj'ixy ko janty Wintsën të kyexyë.

Jeremias 23:17

Mëti'ipë y'ëxëëk'ijxtëpën yë n'aaw n'ayukës, jëtu'un yaj'ëëmëtë: Aak oy winë mwinpëtsëma'anxëtë. Mëti'ipë mëët tsuuwinma'any winë tyuuntëpën jëtu'un yaj'ënëëmëtë: Ka'ap wi'ix mjata'antë.

Jeremias 8:15

Yë'ë të nja'ëwxijtëm oy juukyajtën, nitii oy të nkapatëmë. Yë'ë të njajëjp'ijxëmë oy'ajt mëk'ajtën, je'eyë të ntsë'këmë.

Jeremias 5:31

Mëti'ipë käjpxynyajxpëtëjk jyanikajpxtëpën ka'ap myëtëyëty; yë teetytyëjkëty jëtu'un ja naax kajpn t'ënä'ämtë tä yë'ë kë'ëm wyinma'anypyaatën ets ja nnaax nkajpnës y'oy'ijxyp ja jëtu'unpë. E yë'ëts ënät, ¿tii miitsëty mtuunta'aktëp ko ënety ja jëtu'unpë kyixy nyäxy?

Jeremias 4:10

Ënätës të n'ëna'any: Aay Wintsën, ix ja'ay nëkoo xywyin'ëëny mëti'ipë jam tsënaaytyëpën Jerusalén. Je'eyë nëkoo të xytyukwinwanë ko jotkujk'ajtën tpaata'antë, yë'ëjëty jëtu'un jam jyatë kyëpätë tä jeexyë të yajyo'ktsujkta'atën.

Isaías 57:21

Mëti'ipë ja'ay winë tyuuntëkoopy kyajpxtëkoopyën, nijëna'a jotkujk kyayajpaata'any. Jëtu'un yë Wintsën të y'ënä'äny.

Isaías 30:10

Jëtu'un ja käjpxynyajxpë t'ënëëmëtë: Këtii nëkoo tii xy'ijxpëtsëmtëty, këtii nëkoo ja tëyajtën xytyukmëmëtya'aktëtyës. Yu'unk naxymës xymyëkajpxtëty; këtiis xypyëjkëtëty ja mëti'ipës nmaaytyëp ntajtëpën.

Proverbios 12:26

Yë wa'ats ja'ay jä'ä y'ity tu'uwinwoopë ma ja myëku'ukën; yë ëxëëk ja'ay jëtu'unyë nyë'ëtëkoy tyu'utëkoy.

2 Crónicas 18:12

Ja kukexyye'epyë, mëti'ipë ënety të tninëjkxyën ja Micaías ets myinëty, jëtu'un ja Micaías t'ënëmaay: Tëkokyë yë Wintsën yë tyuunpëtëjk aak'oy të kyajpxtë ma ja yajkutujkpën. Paaty yam mijts n'ënëëmë xytyunëty mëyajtën oy winë xynyikajpxëty ets oy ja yajkutujkpë aaw ayuk xymyo'ojëty.

1 Tesalonicenses 5:3

Ko ja ja'ay y'ëna'antëty: Jotkujk tyam, ka'ap tii tyunyë jyätyë, ënät nëjkx ajotkumonë tyukja'tëtë ja ëyo'on, ijxtëm tu'uk ja to'oxytyëjk tyukminyën ja pëjkën ijxën ko ja y'u'unk myëxu'unk'ita'any ets nimaa ja yu'tstakn kya'ita'any.

Jeremias 23:32

Mëtsipës nnäpyëjktä'äkyë ma tääpë käjpxynyajxpëtëjkëtyën mëti'ipë nyimëtyaktëpën ja tsuu kuma'ay ka'apë myëtëyëtyën; mëti'ipë yajwa'kxtëpën ja nnaax nkajpnës ko je'eyë twin'ëëntë. Ëjts ka'apës wi'ix të n'ënëëmëtë ets ka'ap y'ëjtsëty të nkäxtë, paaty yë'ëjëty ka'ap tjëkyepy nnaax nkajpnës tputëkëtëty. Ëjts Wintsën, ëjts ënaanp.

Oseas 9:7

Tëë tpaaty ja xëëw po'o ma ja tëytyu'unën y'ita'anyën. Tëë tpaaty ja xëëw po'o ma tkëpäta'antën ja ja'ay ja y'ëxëëktu'un y'ëxëëk kajpxënëty. Israel nyijawëp ënät ko tpaatëty ja xëëw po'o. Miitsëty jëtu'un m'ëna'antë: Yë Dios yë kyäpxynyajxpë winma'anytyuk yë'ë ets tsuujajtp lokëjajtp. Yë'ëjëty paaty jëtu'un y'ëna'antë jä'ä ko ëxëëk nyäyjyawëtë, jä'ä ko mëj këjää yë pyokyëty.