Ezequiel 12:20 - Biblia Dc en Mixe de Quetzaltepec

²⁰ Tu'kë'ëyë kyutëkooytya'aja'any yë naax kajpn maajaty yë ja'ay tsyëënën; aanë'ëk tëëtsë'ëk y'awinpita'any. Ënet nëjkx miitsëty xy'ixkaptës ko ëjts Wintsën.

Biblia Mixe de Quetzaltepec

²⁰ Tu'kë'ëyë kyutëkooytya'aja'any yë naax kajpn maajaty yë ja'ay tsyëënën; aanë'ëk tëëtsë'ëk y'awinpita'any. Ënät nëjkx miitsëty xy'ixkaptës ko ëjts Wintsën.

Ezequiel 12:20 ပူးပေါင်းရင်းမြစ်များ

Jeremias 4:7

Jëtu'un ja mmëtsip të mnitsoonyë tä kaa pyëtsimyën ma myä'äy pyo'kxyën, tää ja wyinkony mëti'ipë yajkutëkoyäämpyën ja naax kajpn; tëë ja nyaax kyajpn t'ëxmatsy ets tyajkutëkoyä'äny ja mnaax mkajpn ets xit ko'ow tuunta'aja'any.

Jeremias 25:9

yë'ëjës nmëkajpxäämpy yë naax kajpn mëti'ipë anëkëjxmtsow yajpatëpën, yë ntuunpës Nabucodonosor mëti'ipë Babilonyë yajkutujkpën tääts yaa myintëty ets tnitëkëtëty ya'atë kajpn ets jënu'un mëët nyämyëwinkon'atyën. Xit ko'ow ntuunta'aja'anyës, wa'atsës nyajkutëkooytya'aja'any. Xit ko'owës xëmë nyaj'ita'any ets je'eyë ja'ay tsyë'ëkëtëty ko t'ixtëty.

Isaías 3:26

Jë'ëjaanp ya'axaanp ja naax kajpn ets mon tuk yajpaata'any, nëjkxëp ja ja'ay tsyo'ontaaynyë ets tukwa'ats ja naax kajpn wyë'ëmëty.

Daniel 9:17

Mijts Dios, mëtoow'it ja jëëytyak nu'kxtakën mëti'ipë ya'atë mtuunpë yäjkpyën; yajmëjnax mxëëw Wintsën, ets ko xymyëët'aty ja tsojkën ja'awën, ni''ijxkëta'ak yë mnaax mkajpn ets mtsajptëjk, ix o'ktëy të jyajnë.

Ezequiel 15:8

Aanë'ëk tëëtsë'ëk nëjkx yë nyaax kyajpn nyaj'awinpijtëtës mëët koos ënety të xykyamëj'ixtë. Ëjts, mëti'ipë Wintsën'ajtpën, ëjts ënaanp.

Ezequiel 15:6

Paaty ëjts maas nWintsën'atyën n'ëna'any: Jëtu'un ijxtëm yë tsatym kyepy yajjëënkupëkyën ets tyoyëty, jëtu'unës yë Jerusalén ja'ayëty njëënkupëka'antë ets nyitooytya'atëty.

Lamentaciones 5:18

Yë Sión kopk tsaanipiyën je'eyë kyëxë'knë; yë wax je'eyë najxnëtëp tëjkënëtëp.

Jeremias 19:11

ets xy'ënëëmëtëty: Yë Wintsën mëti'ipë maaytyääyëpën winë, jëtu'un y'ënä'äny: Jëtu'unës ya'atë naax kajpn ntuna'any tä ja'ay tu'uk yë naaxtu'ts tukpu'ujën ets ka'ap tjëkyepy wi'ix nyaj'o'oyëmëty jatëkok. Nëjkxëp jam Tofet ja'ay nyäyajnaaxtëkëty, jä'ä ko ka'ap ënety ma t'ëkjëkyäjpnë nyaaxtëkëtëty.

Jeremias 16:9

jä'ä ko ëjts, Wintsën mëti'ipë maaytyääyëpën winë, mëti'ipë yë Israel ja'ayëty Tios'ajtëpën, ëjts ënaanp: Nyaj'atëkoyäämpyës ja xëëw ets ja xoontakën, ja ëy yä'äxy ma yajwin'ëwtën ja pëjkpë ukpë. Ya'atës nikäjpxyën jää tyuna'any jyata'anyë ma ënety mjuuky'atën ets nëjkxëp kë'ëm xy'ixtë.

Isaías 24:12

Xit ko'ow ja kajpn të jyäty, ja tëjk akaj, kujy jëpipy të jyajta'ay.

Isaías 24:3

Wa'ats nëjkx ja naaxwiinyëtë mya'ta'ay, nëjkxëp yajjëpëjkta'ay tiijaty ënety jääjën naaxwiiny naaxkëjxy, jä'ä ko jëtu'un ja Wintsën të y'ënä'äny.

Jeremias 34:22

Ntuk'ënä'ämäämpyës ets jatëkok tnitëkëtëty ya'atë naax kajpn ets tjëënmo'otëty. Ets ëjts kë'ëm ntuknipëjktaakëjäämpy ets Judá kajpn y'awinpitëty aanë'ëk tëëtsë'ëk ma nitu'uk ja'ay jam kyatsëënëtyën. Ëjts Wintsën, ëjts ënaanp.

Ezequiel 5:14

Mijts Jerusalén, axit ako'owë nëjkx nyajjaty ets o'ktëy ma ja wiinkëtypë ja naax kajpnën ets nëjkxëp t'ixtë wi'ix ënety mjaty mkëpetyën ko jam nyaxtëty mkajpnjotm.

Ezequiel 12:15

Ko ënety të nyajkääkwa'kxtës wiink naax wiink kajpn ets wiink naaxwiinyëtë, jää nëjkx xy'ijxpaatës ko ëjts Wintsën.

Ezequiel 12:21

Ojts ja Wintsën xymyëkäjpxyës ets xy'ënëmaayës.

Ezequiel 36:3

E oy ko jyëtu'unëty, mëmëtya'ak ëjts nxëëwkyëjxmës: Jëtu'un yë Wintsën y'ënä'äny: Xiitsow yaatsow myajnipëtë'ëktë ets m'ooktëty; tëkokyë yë naax kajpn wiinktsowpë tsyoontën tëë tniwa'kta'atë yë mnaax mkajpn ets je'eyë mnëxi'ik mtukxi'ikëtë ets ëxëëk mtunëtë.