Ezequiel 12:13 - Biblia Dc en Mixe de Quetzaltepec

¹³ Ntukujëpijpë'ëkäämpyës yë ntsaayës ets yë'ë mëët nmatsa'anyës. Jam Babilonyë nyajnëjkxa'anyës, ma Caldeo ja'ayëtyën, ja naax kajpn mëti'ipë ka'ap nëjkx t'ixyën ets jam nëjkx y'ooky.

Biblia Mixe de Quetzaltepec

¹³ Ntukujëpijpë'ëkäämpyës yë ntsaayës ets yë'ë mëët nmatsa'anyës. Jam Babilonyë nyajnëjkxa'anyës, ma Caldeo ja'ayëtyën, ja naax kajpn mëti'ipë ka'ap nëjkx t'ixyën ets jam nëjkx y'ooky.

Ezequiel 12:13 ပူးပေါင်းရင်းမြစ်များ

Oseas 7:12

E ko ënety jam jyanëjkxtë, ntukujëpijpë'ëkäämpyës yë ntsaayës; etsës nyajkuka'anaxa'any joonën, jëtu'unyës nmajtsmujkta'aja'any mëët ko të pyok tyuntë.

Ezequiel 17:20

Jëtu'unës yam ntuna'any tä ja'ay tkujëpipyën yë nëë jëyujk ets nmajtsmuka'anyës; nmënëjkxa'anyës jam Babilonyë, jamtsës nyajnitukëja'any mëët ko ka'ap të xymyëj'ixyës.

Jeremias 39:7

Yë Sedequías ojts yajni'ënä'ämë ets wyiintsaa yajjuutëty ets atsumy kë'ëtsumy nyëjkxëty mëët yë pujxn aats jam Babilonyë.

Ezequiel 32:3

Jëtu'un yë Wintsën y'ënä'äny: Oy muum mjayajpatpëty wiink kajpnjoty, je'eyëm nkujëpijpë'ëka'any mëët yë ntsaayës ets nmatsa'any.

Ezequiel 17:16

Ëjts Wintsën, jëtu'unës n'ëna'any ets njuukyajtënës yam ntukkajpxpejtyp, ko tääpë ja'ay jyëkyejpy y'ookëty jä'ä ko tëë tukxi'iky ja käjpxytyu'unën ets ka'ap të tpatuny ijxtëm të y'ënë'ëmxëtyën ja yajkutujkpë mëti'ipë të jyapëjktä'äkyën ets yajkutukëty.

Lucas 21:35

jëtu'un tä ja jëyujk yajxokyën. Jä'ä ko minaanp ma tëkokyë ja naaxwiinyëtë ja'ayën.

Lamentaciones 3:47

ëtsë'këtyëp, yaj'ookantëp, yajkutëkoyantëp ets xit ko'ow ëëts je'eyë të xytyuunta'atë, jëtu'unës njat të nkëpätë.

Lamentaciones 1:13

Jam tsajpjotm yë Wintsën të xytyuknikexyës yë jëën mëti'ipës nwaay mpajk të tyajtooytyëkoyën; jam ntu'u'amës jamës yë xyoky etsës të xyajwinpity; tëëjës xynyike'eky ets xëmës n'ëyoy njotëkoy.

Jeremias 50:24

Mijts Babilonyë, kë'ëm të xynyipëjktaakë yë m'o'ktakn yu'utsypë, ka'ap të xyjyawë ko jam o'këntum të mka'ay. Jam wë'ëm, jam ku'ëtuky yajpaat mëët ko të xykyamëtoowkukë yë Wintsën.

Jeremias 34:3

Mijts ka'ap nëjkx tjëkyepy mkä'äkëty; nëjkxëp myajmatsy ets nëjkx jam myajkë'ëyäky, nëjkxëp myajmënëjkxy tsumy matsy jam Babilonyë.

Salmos 11:6

Yë'ë yajtu'ujäämpy jëënpajk jëënyä'änk ma ëxëëkja'aytyëjkën ets tyajmina'any yë jëënpoj mëti'ipë winë yajtëtsta'ajäämpyën. Yë Wintsën yë'ë tukumëtowanëtëp nyëë pyokyëty.

Job 19:6

Yë'ë yajxon nijawëtë ko yë Dios yë'ëjës të xyajkëtay, yë'ëjës jam të xyajkuka'ajë ma o'ktaknën yu'utsypë.

Salmos 66:11

Tëë xy'ëwa'atsy etsës ëxëëk njatëty nkëpätëty; ojts yë mëjëtypë ëyo'on jotmay nyajnaxtës.

Jeremias 24:8

E yë Sedequías mëti'ipë jam Judá yajkutujkpën ets kopktëjkëty ets tëkokyë Jerusalén ja'ayëty mëti'ipë ojts wyë'ëmtën kajpnjotm ëkë mëti'ipë ojts nyëjkxtën jap Egiptë tsënääpyë, jëtu'unës njawëja'antë tä ja higo tëëmën mëti'ipë ma'atëtyën, mëti'ipë ka'ap tjëkyepyën wi'ix yajë'kxëty.

Jeremias 32:5

Yë Nabucodonosor jam yë Sedequías tyajnëjkxa'any Babilonyë, jeky jam tyaj'ita'any koonëmës jatëkok nwinpitëty. Oy miits jënu'un xyjyanipëtë'ëktëty yë Caldeo ja'ayëty, ka'ap myajmëta'aka'anëtë. Ëjts Wintsën, ëjts ënaanp.

Jeremias 37:17

Yë Sedequías yajkutujkpë ojts tni'ënä'ämë ets Jeremías yajmënëjkxëty jam ma kutujkëntëjkën. Ko jam jyä'äjty ma ja yajkutujkpën, ënät ame'tsyë yajtëëwë: ¿Jam tii ayuk xymyëëtëtyë mëti'ipë Wintsën të mmo'oyënë? Ets ja Jeremías y'ëtsooy: Tyapës ayuk nmëëtëty ets jëtu'unës yë Wintsën të xy'ënëëmë: Mijts jam myajkë'ëyaka'any ma Babilonyë yajkutujkpën.

Ezequiel 12:6

E ko ënety të tsyu'ujënë, tääts mnätyukejkyjyëpipëtëty mëti'ipë mëtsoonäämpyën, ijxnë kä'äxnë mtsoonëty. Këtii mwiin mjëjp xyajkëxë'ëkëty jëtu'un ka'ap ja naax kajpn xy'ixëty. Ntsojkpyës ets mijts ijxpäjtën mwa'anëty mëti'ipë nyikäjpxypën ja ëyo'on jotmay mëti'ipë miimp këtakpën ma ja Israel kajpnën.

Job 18:10

Yu'utsy jam ja o'ktakn yajpaata'any tu'u'am ko ënety nyäxy.