Ezequiel 12:12 - Biblia Dc en Mixe de Quetzaltepec

¹² Ja ja'ay mëti'ipë yaj'ënä'ämtëpën kopkpëky ko nëjkx nyätyukejkyjyëpipëty yë tyim kyi'iy ets koots tsu'um nëjkx jam nyäxy potsyjutjoty ma ënety jam ja ja'ay të t'atajtu'utën. Winkupä'änë nëjkx tsyoony këtiipë pën y'ixëtëty ets näjyëtu'un yë'ë këtiipë ja naax kajpn t'ixëty.

Biblia Mixe de Quetzaltepec

¹² Ja ja'ay mëti'ipë yaj'ënä'ämtëpën kopkpëky ko nëjkx nyätyukejkyjyëpipëty yë tyim kyi'iy ets koots tsu'um nëjkx jam nyäxy potsyjutjoty ma ënäty jam ja ja'ay të t'atajtu'utën. Winkupä'änë nëjkx tsyoony këtiipë pën y'ixëtëty ets näjyëtu'un yë'ë këtiipë ja naax kajpn t'ixëty.

Ezequiel 12:12 ပူးပေါင်းရင်းမြစ်များ

Jeremias 39:4

Ko yë Sedequías yajkutujkpë ets tsyiptuunpëtëjk t'ijxtë tii tuunëp jajtëp, ënätyë pyëtsëëmtë kajpnjoty, koots ojts kyä'äktë, jamtsow nyajxtë ma ja pëjykyamjotmën mëti'ipë yajkutujkpë jyä'ä'ajtypyën, ma ja tëjk'aawën mëti'ipë potsy akujk yajpatpën ets tpëjktë ja tu'u mëti'ipë nëjkxpën ma Jordán joyjyotën.

2 Reyes 25:4

Ënet jam potsy'ëjxm tu'uk t'oytyuuntë ja najxtakn, ja caldeo ja'ayëty oy jap kajpnpë'ajp jyakëwent'atë, ka'ap t'ijxtë ko ja yajkutujkpë kyeky mëët ja tsyiptuunpëtëjkëty, tsu'umkujk kyäktë. Jamtsow ojts kyäkpëtsëmtë potsy'akujkm ma ja tëjk'aawën mëti'ipë ënety ja Nabucodonosor ja jyä'äy këwent'ajtëpën ets tpëjktë ja tu'u mëti'ipë jam najxpën ma ja pëjykyamën mëti'ipë ja yajkutujkpë jyä'ä'ajtypyën; jamtsow jyënajkë'ktë ma ja Jordán nëë yajninëjkxyën.

Ezequiel 12:6

E ko ënety të tsyu'ujënë, tääts mnätyukejkyjyëpipëtëty mëti'ipë mëtsoonäämpyën, ijxnë kä'äxnë mtsoonëty. Këtii mwiin mjëjp xyajkëxë'ëkëty jëtu'un ka'ap ja naax kajpn xy'ixëty. Ntsojkpyës ets mijts ijxpäjtën mwa'anëty mëti'ipë nyikäjpxypën ja ëyo'on jotmay mëti'ipë miimp këtakpën ma ja Israel kajpnën.

Jeremias 52:7

Ënet ja Jerusalén ja'ayëty tyajjujtë ja mëjpotsy mëti'ipë ja kajpn nyapots'ajtypyën. Oy ënety jam ja caldeo ja'ayëty tjayaj'itë ja naax kajpn natuky, jap nyajxtaaytyë ja tsiptuunpëtëjkëty, Israel ja'ayëty ets kyäktë. Jam pyëtsëëmtë ma ja tëjkëtyaknën ma mäjtsk ja potsy nyäpyäätyë, koots kyäktë, jam nyajxtë ma ja kamjotmën mëti'ipë yajkutujkpë jyä'ä'ajtypyën, yë'ë ojts tpanëjkxtë ja tu'u mëti'ipë jam Jordán nëjkxpën.

Jeremias 42:7

Kom majk xëëw ja Wintsën ojts t'ëtsoowinpity ja Jeremías,

Jeremias 24:8

E yë Sedequías mëti'ipë jam Judá yajkutujkpën ets kopktëjkëty ets tëkokyë Jerusalén ja'ayëty mëti'ipë ojts wyë'ëmtën kajpnjotm ëkë mëti'ipë ojts nyëjkxtën jap Egiptë tsënääpyë, jëtu'unës njawëja'antë tä ja higo tëëmën mëti'ipë ma'atëtyën, mëti'ipë ka'ap tjëkyepyën wi'ix yajë'kxëty.

Jeremias 32:5

Yë Nabucodonosor jam yë Sedequías tyajnëjkxa'any Babilonyë, jeky jam tyaj'ita'any koonëmës jatëkok nwinpitëty. Oy miits jënu'un xyjyanipëtë'ëktëty yë Caldeo ja'ayëty, ka'ap myajmëta'aka'anëtë. Ëjts Wintsën, ëjts ënaanp.

Jeremias 37:17

Yë Sedequías yajkutujkpë ojts tni'ënä'ämë ets Jeremías yajmënëjkxëty jam ma kutujkëntëjkën. Ko jam jyä'äjty ma ja yajkutujkpën, ënät ame'tsyë yajtëëwë: ¿Jam tii ayuk xymyëëtëtyë mëti'ipë Wintsën të mmo'oyënë? Ets ja Jeremías y'ëtsooy: Tyapës ayuk nmëëtëty ets jëtu'unës yë Wintsën të xy'ënëëmë: Mijts jam myajkë'ëyaka'any ma Babilonyë yajkutujkpën.

Ezequiel 12:4

Xëëny ets ijxnë kä'äxnë jap xyajpëtsëmëty winë ma mjëën mtëjkën jëtu'un tä ja'ay tsumy matsy yajmënëjkxa'anyën wiink naax wiink kajpn; näjyëtu'un ënät jënäkyxyëëw mtsoonëty tä yajmënëjkxyën yë ja'ay tsumy matsy wiink naax wiink kajpn.

2 Reyes 7:5

Ënet ojts tuknipëjktaakëtë koots, tëë ënety tsyu'ujënyë ko ojts tsyoontë jam nyëjkxtë ma yajpaatën ja tsiptuunpëtëjkëty, sirië ja'ayëty, këwent'ajtëp jam; ko jam jyajtë nimaa pën kyaka'ty.

Job 24:16

Yë mä'tspë koots tyëjktëkë. Tëkokyë yë'ëjëty aak näyajku'ëtujkëtëp ko xyiiny'äty; ëxëëk yë të'kxën jajën t'ixtë.