Ezequiel 12:11 - Biblia Dc en Mixe de Quetzaltepec

¹¹ Ënëëmë ko mijts ijxpäjtën jëtu'un myäjkpy ma yë'ëjëtyën ets yë'ëjëty kopkpëky ko jëtu'un tuna'antë winë tä mijts të xytyunyën, jä'ä ko yë'ëjëty yajmënëjkxantëp tsumy matsy wiink naax wiink kajpn.

Biblia Mixe de Quetzaltepec

¹¹ Ënëëmë ko mijts ijxpäjtën jëtu'un myäjkpy ma yë'ëjëtyën ets yë'ëjëty kopkpëky ko jëtu'un tuna'antë winë tä mijts të xytyunyën, jä'ä ko yë'ëjëty yajmënëjkxantëp tsumy matsy wiink naax wiink kajpn.

Ezequiel 12:11 ပူးပေါင်းရင်းမြစ်များ

Jeremias 52:15

Ets ja Nebuzaradán tyajnëjkxtaay ja ja'ay tsumy matsy jam Babilonyë, mëti'ipë ënety jam kajpnjotm yajpatëpën ets mëti'ipë ënety të tmëjwa'kpätën ja Babilonyë yajkutujkpë ets mëti'ipë ënety oyjyäty winë yaj'o'oyëtëpën.

Jeremias 15:2

Ets ko myajtëwëtëty maaxën nyëjkxtëty, jëtu'un xy'ënëëmëty ko ëjts ënaanp: Mëti'ipë të yajtuknipëjktaakën ets y'ookëty mëët ja pa'am ëyo'on, pa'am ëyo'on nëjkx yaj'ookyë; mëti'ipë të yajtuknipëjktaakën ets tsipjotm y'ookëty, tsipjotm nëjkx y'ooky; mëti'ipë të yajtuknipëjktaakën ets yuu yaj'ookëtëty, yuu nëjkx yaj'ookyë; mëti'ipë të yajtuknipëjktaakën ets tsumy matsy yajmënëjkxëty wiink naax wiink kajpn, tsumy matsyë nëjkx yajmënëjkxy.

Ezequiel 12:6

E ko ënety të tsyu'ujënë, tääts mnätyukejkyjyëpipëtëty mëti'ipë mëtsoonäämpyën, ijxnë kä'äxnë mtsoonëty. Këtii mwiin mjëjp xyajkëxë'ëkëty jëtu'un ka'ap ja naax kajpn xy'ixëty. Ntsojkpyës ets mijts ijxpäjtën mwa'anëty mëti'ipë nyikäjpxypën ja ëyo'on jotmay mëti'ipë miimp këtakpën ma ja Israel kajpnën.

Ezequiel 4:3

Tääts xykyiiyë'ëkëty tu'uk yë pujxn jam xynyajtskëyëty itkujky ma mijtsën ets ma ja kajpnën, jëtu'un tä jeexyë jää y'apojtstukyëtyën ets mwa'ak'oyëty ma ja kajpnën wintuuytsyow tä jeexyë xynyipëtë'ëkyën. Yë'ë ijxpäjn wë'ëmëp ma ja Israel ja'ayëtyën.

Ezequiel 12:3

Paaty nänyipëjktaakët ets mtsoonëty tsumy matsy, xëëny mtsoonëty ma mjëën mtëjkën, ijxnë kä'äxnë ets mnëjkxëty wiink naax wiink kajpn; wä'änxyëp tja'akyukëtëty ko tääpë kajpn je'eyë kyäjpxykyumëtoownaxtë.

Zacarías 3:8

Mëtoow'it yajxon mijts Josué, mijts mniwintsën'ajtyp yë teetytyëjkëty ets wä'än tmëtowtë näjyëtu'un yë mmëku'uktëjkëty mëti'ipë näjyëtu'un teety'ajtëpën, jä'ä ko miitsëty jëtu'un mnaxtë tä tu'uk ijxpätën mëti'ipë yajktëpën yë käjpxynyajxpëtëjkëty: Ëjts nyajminäämpyës yë ntuunpë, mëti'ipë jëtu'un tä Kepyji'tskën.

2 Reyes 25:7

y'ijx ja Sedequías ko ja y'u'unk y'ëna'k yajyo'kpujxtë ets y'o'ktë tyëkooytyë. E ja Sedequías ajuuky ojts tmënëjkxtë jam Babilonyë.

2 Reyes 25:11

Ojts ja Nabuzaradán tmënëjkxta'ay ja ja'ay jam Babilonyë, mëti'ipë ënety të jyaakwë'ëmtën kajpnjotm ets ja mëti'ipë tëë tja'aypyëjknëtën ja Babilonyë yajkutujkpë ets näjyëtu'un ja ja'ayëty mëti'ipë pi'tëpën kojtëpën.

Jeremias 10:17

Mijts naax kajpn, tim pëjkmujkta'a winë, jä'ä ko tëë ja mëtsip myajnatukyë.

Ezequiel 4:1

E mijts, ye'etyëjk, koonë'ëk tu'uk yë muutsy ets xykyoonta'akëty mijts mwintuuy, jam xyajnikojtu'utëty yë Jerusalén kajpn.