Ezequiel 11:20 - Biblia Dc en Mixe de Quetzaltepec

²⁰ Ënet nëjkx jyuuky'atë jëtu'un tääjës ja n'ënä'ämën ntëyajtën myinyën ets nëjkx tpatuntë. Nëjkxëpës nkajpn niwa'antë etsës nëjkx xyTyios'atë.

Biblia Mixe de Quetzaltepec

²⁰ Ënät nëjkx jyuuky'atë jëtu'un tääjës ja n'ënä'ämën ntëyajtën myinyën ets nëjkx tpatuntë. Nëjkxëpës nkajpn niwa'antë etsës nëjkx xyTyios'atë.

Ezequiel 11:20 ပူးပေါင်းရင်းမြစ်များ

Ezequiel 14:11

këtiipë yë Israel kajpn jatëkok nijëna'a xy'ëkmëjëkämkäknëtyës ets këtiipë yë yajja'ay'o'kën t'ëktuunk'ajnëty. Yë'ëjës nkajpniwa'anäämpy etsës nëjkx xyTyios'atë. Ëjts Wintsën, ëjts ënaanp.

Salmos 105:45

jëtu'un tmëët'atëty ja wintsë'kën ets tpatuntëty ja ënä'äm tëyajtën, mëti'ipë ja Dios ënety të tyuk'ijxpëkëtën. Tukxoontä'äky yë Dios yë xyëëw nyaxëty.

Lucas 1:6

Nimäjtskëty oy ijty yë Dios tmëtuntë, pyatuuntëp ja Wintsën ja y'ënä'ämën ets ka'ap tii poky tmëët'atë.

Jeremias 31:33

Jä'ä xëëw nëjkx ntunyës ya'atë käjpxytyu'unën mëët yë Israel kajpn: Jap jyootjoty wyinma'anyjoty npëjkta'aka'anyës ja n'ënä'ämënës ntëyajtënës ets jëtu'un jap tmëët'atëty këxja'aypyën. Ëjts nëjkx xyTyios'atë ets yë'ë nëjkx nkajpn'atës. Ëjts Wintsën, ëjts ënaanp.

Hebreos 11:16

E yë'ëty, yë'ë tsyojktë ja it wäänë oypyë, mëti'ipë tsajpjotmën, paaty ja Dios ka'ap tuktsëtyuny ko Tios'atëtë, jëtu'unts tnipëjktaakë tu'uk ja mëj kajpn.

Hebreos 8:10

Jëtu'un y'ënä'äny ja Wintsën: Ja käjpxytyu'unën mëti'ipës nyaj'apaatëjäämpyën mëët ja Israel ja'ayëty, jä'ä xëëw, yë'ë ya'atë, jëtu'un y'ënä'äny ja Wintsën: Wyinma'anyjotyës npëjkta'aka'any ja n'ënä'ämënës ets njaaywyë'ëma'anyës ma y'aaw jyotëtyën, ëjts xyWintsën'atantëp, ets yë'ëjës nja'ay'atäämpy.

1 Corintios 11:2

Ntukxoontäkpyës miits mëku'uktëjkëty, ko xyjyä'ämyätstës ets ko xypyatuntë ja ijxpëjkën mëti'ipë të ntuk'ëwaanëtën.

Romanos 16:26

je'eyëp ko tëë tyam yajnijawë ko ja y'aaw y'ayuk të tukjaaywyi'imy ja kyäjpxynyajxpëtëjk ijxtëm tni'ënä'ämën ja xëmëkyëjxmëpë Dios ets ja naaxwiinyëtë ja'ay ni'ëmukë yajtuknijawëtëty jëtu'un tmëpëktëty ets tmëmëtowtëty.

Oseas 2:23

Nyajnaaxkëta'akäämpyës yë naax nkajpn ma tu'uk yë naaxjotmën etsës ëjts nkajpn niwa'ana'any; mpa'ëyowäämpyës yë Jo-ruhamá ets n'ënëëmëja'anyës yë Lo-ruhamá: Mijts nkajpn'ajtyp, etsës yë'ë xy'ëtsowa'any: Mijts nTios'ajtyp.

Ezequiel 37:27

Ëjts yajpaataanpës ma yë'ëjëtyën, ëjts nëjkx xyTyios'atë ets yë'ëjëty nëjkxëpës nkajpniwa'any.

Ezequiel 11:12

ets nëjkx xynyijawëtë ko ëjts Wintsën. Miitsëty ka'ap jëtu'un të mjuuky'atë tääjës të ni'ënä'ämën ets ka'ap të xypyatuntë yë ntëyajtënës, miitsëty jëtu'un winë të xytyuntë tä ja'ayëtyën mëti'ipë wiink naax wiink kajpnëtyën.

Jeremias 32:38

Nëjkxëp yë'ë nkajpniwa'anyës etsës nëjkx xyTyios'atë.

Jeremias 24:7

Nëjkxëpës nmo'otë ijxkujk ja'aykyujkën etsës ëjts xy'ijxpaatëty ko ëjts Wintsënajtp, yë'ë nëjkx nkajpn niwa'antës etsës nëjkx ëjts xyTyios'atë, jä'ä ko ëmuumtu'ukjot nëjkx jatëkok xynyiwinpitës.

Jeremias 11:4

Yë'ë ja käjpxytyu'unën mëti'ipës mëët ntuunyën ja y'ap y'okëty koos jap nyajpëtsëëmtë Egiptë, ma ënety yajpaatën jëtu'un tä jeexyë jyuuky'atën ma jëëntooytyaknën ma pujxn wyin'ëëtsyën. Ojtsës n'ënëëmëtë: Mëmëtoowtëkës, tuntë tu'kë'ëyë mëti'ipës ni'ënä'ämëpën ets jëtu'un nkajpnniwa'antëty etsës miitsëty xyTyios'atëty.

Salmos 119:32

Ëjts poj'amës njapatuunta'aja'any yë m'ënä'ämën mtëyajtën, jä'ä ko janty jotkujkës nnäjyawëty mijts xyaj'ity yë njot nwinma'anyës.

Salmos 119:1

Janty jotkujk yë ja'ay jyuuky'atë mëti'ipë mëtëy winë tyuuntëpën ets yi'iyë pyanëjkxtëp mëti'ipë yë Wintsën y'ijxpëjkën'ajtypyën.

Proverbios 9:6

Këtii xëmë tsuu myajpaatë, oy mjuuky'atëty: jëtu'un mnaxtëty mtëkëtëty tä ja'ayën mëti'ipë niwijy nikujk yajpatpën.

Ezequiel 43:11

Pën tsyëtyu'un ja'awëtyëp ja nyëë pyokyëty mëti'ipë të tuuntëkoytyën, tukmëmëtya'ak wi'ix y'ixë'ata'anyën ja tsajptëjk ets wi'ix jap jootjoty kyëxë'ëka'anyën, wi'ix ja nyitëjkëtyaknën ets wi'ix ja pyëtsëëmtaknën, tu'kë'ëyë wi'ix y'ixë'ata'anyën, näjyëtu'un ja ënä'ämën kuttujkën mëti'ipë pyatuntëpën. Myajkojta'ajëp tu'kë'ëyë ya'atë ets tja'akyukëtëty yajxon. Mkëxjaaytya'ajëp näjyëtu'un ja ënä'ämën kuttujkën ets tjëkyäpëty wi'ix tpatuntëtyën.

Zacarías 8:8

etsës nyajmina'any jam Jerusalén ets jam tsyëënëty. Yë'ë nëjkx nkajpn'atës etsës nëjkx xyTyios'atë, mëti'ipë xëmë mëët'atanëtëpën ets mëti'ipë tëyajtënpë tii nyipaye'epyën.

Génesis 17:8

Mijts ets yë'ëjëty nmo'ojantëp yë naaxwiinyëtë jampë Canaán ma mijts tyam mtsëënën ets yë'ë tkuma'ayën'atëty, etsës ëjts nTios'atëty.

Deuteronomio 30:6

Nëjkxëp jap tpëjktä'äky ja oy'aaw oy'ayuk ma ja mjot mwinma'anyëtyën ets ma ja m'u'unk m'ok ja jyot wyinma'anyëtyën. Yë'ë nëjkx tu'ukyë xytsyoktë xyjyawëtë winë aaw winëjot, tu'ukyë jot tu'ukyë winma'any ets nëjkx jotkujk mjuuky'ajnëtë.

Jeremias 24:5

Ëjts Wintsën, mëti'ipë yë Israel ja'ayëty Tyios'ajtëpën, jëtu'unës n'ëna'any: Jëtu'un tä yë higo tëëmën mëti'ipë oyëtyën, jëtu'unës yë Judá jyä'äy n'ixanë mëti'ipës ojts nkäxtën tsumy matsy ma Caldeo ja'ayëtyën. Mpa'ëyowäämpyës ets oy njawëja'antës,

Jeremias 32:39

Ëjts kë'ëm nyajkutukäämpy ets yi'iyë tmëmay tmëtajtëty wi'ixës xyajmëjnaxtëtyën ets oy jyuuky'atëty, näjyëtu'un yë y'u'unk y'okëty.

Ezequiel 37:23

Näy ka'ap nëjkx y'ëknätyukyaj'ëxë'kënëtë ja awinax ëkë wiinkëtypë ja tios, ka'ap nëjkx nëkoo ja nëë poky t'ëk tuuntëkooynyëtë. Nëjkxëpës npokymyä'kxtë oy ënety tiijaty të tuntë ets nëjkxëpës nyajpokywya'atstë. Yë'ë nëjkx nkajpniwa'antës ets ëjts nëjkx xyTyios'atës.