Ezequiel 11:1 - Biblia Dc en Mixe de Quetzaltepec

¹ Ënet ja Dios ja myëk'ajtën ojts xyajpëtë'ëkyës etsës ojts wyoownëjkxy jam ma yajnitëkën yë Wintsën yë tsyajptëjk. Jam ma tëjk'aawën i'px mëkoxk jam yë ja'ay tyänëtë. Yë'ëjës ojts n'ixkäpy yë Jaazanías, yë Azur yë myaank ets Pelatías, yë Benaías yë myaank, mëti'ipë mëj'äämpy ijtpën ma naax kajpnën.

Biblia Mixe de Quetzaltepec

¹ Ënät ja Tios ja myëk'ajtën ojts xyajpëtë'ëkyës etsës ojts wyoownëjkxy jam ma yajnitëkën yë Wintsën yë tsyajptëjk. Jam ma tëjk'aawën i'px mëkoxk jam yë ja'ay tyänëtë. Yë'ëjës ojts n'ixkäpy yë Jaazanías, yë Azur yë myaank ets Pelatías, yë Benaías yë myaank, mëti'ipë mëj'äämpy ijtpën ma naax kajpnën.

Ezequiel 11:1 ပူးပေါင်းရင်းမြစ်များ

Ezequiel 11:24

Ënet ja Dios ja myëk'ajtën ojts xyajpëtë'ëkyës, etsës xyajwinpijty jam Babilonyë, ma yajpaatën ja wiinkëtypë ja Israel ja'ayëty tsumy matsy. Ya'atë nwin'ijxës ko ja Wintsën ja jyot jya'awën xytyuktëjkëyës. Ok, ka'apës ojts tii n'ëkwin'ijxnë.

Ezequiel 11:13

Tamës ënety ja Dios ja y'aaw y'ayuk nimëtyakë, ko ojts yë Pelatías jyëpijpkëtä'äky ooky, yë Benaías yë myaank. Ënätës nwintäky nnaaxkooy etsës mëk nyujkyäxy, n'ënanyës: Wintsën, ¿tyam jyaniwäänë'ajtpë yë Israel ja'ayëty ets ni'ikyë xyjyaak timy yajkutëkoyä'änyë?

Ezequiel 8:16

Ënätës të xywyoownëjkxy jap tëja'p mëti'ipë tëkotsyow yajpatpën, ma Wintsën yë tsyajptëjk yajnitëkën, itkujky ma tëjkwiinën ets mëët yë wintsë'këntyakn, i'px mëkoxk jap yë ye'etyëjk kyoxtänëtë, japtsow ma jëxkë'ptsow yë tsajptëjk yajpaatyën ma yë'ëjëtyën ets wyinta'ak nyaaxkowtë maatsow yë xëëw pyëtsimyën, xëëw y'ëwtajtëp.

Ezequiel 8:3

Tëë ja ja'ay ja kyë'ë xynyimëjxajyës ets të tmatsy ja nwaayës. Ënet ja Dios ja myëj'ajtën të xyajpëtë'ëkyës etsës pojjoty të xyajnëjkxy, etsës ja Dios të xytyukwin'ixy xyajnëjkxyës jam Jerusalén, jam të xypyëjktä'äkyës ma yajnitëkën ja naax kajpn, anëkëjxytsyowpë, ma yajpaatyën ja awinax mëti'ipë ëxëëk yë Dios t'ixyën.

Ezequiel 3:14

Ënätës ja Dios ja myëk'ajtën ojts xyajpëtë'ëky etsës xyajpëtsëmy jap, mon tukës ojts nëjkxnë ets jë'ë ya'ax, tamës ja Dios mëk xymyajts'ity nkë'ëkëjxyës.

Ezequiel 3:12

Ënet ja Dios ja myëk'ajtën ojts xywyijtsë'ëkyës ets jap njëxkë'pës nmëtooyës tu'uk yë mëto'owën mëkpë, jëtu'un y'amu'uy tä yë naaxwiinyëtë yu'kxyën, ko jyëwä'äky jam ma y'ijtaknën ja Wintsën ja myëj'ajt y'oyajtën.

Apocalipsis 1:10

Wintsën ënety ja xyëëw ko ja Kënu'kxymyëkajtën ojts xynyikëtä'äkyës ets janty mëk nmëtooyës ja ayuk njëxkë'ëmës ijxtëm tu'uk yë pujxnxuxn y'ënä'änyën,

Hechos 8:39

Ko pyëtsëëmtë nëëjoty, ënät ja Felipe ja Wintsën ja Jya'awën wiinktsow yajnëjkxë; ni kä'äp ja Etiopíë ja'ay t'ijxy maa ojts ja Felipe nyijkxy e yë'ë akujk jotkujk ojts jatëkok tyu'utëkë.

Oseas 5:10

Jëtu'un yë Wintsën y'ënä'äny: Yë Judá kyopktëjkëty jëtu'un tä tääpë ja'ayëtyën mëti'ipë tsëpa'an kë'ëm yajtëkäjtstëpën ets nyaax kyajpn tyajmëjwiinëtë. E ëjts nyajnikoompatäämpyës yam mëëtës yë ntsip n'äkë.

Ezequiel 41:1

Ënet ojts ja ye'etyëjk xywyoownëjkxyës jap tsajptëkoty ets tkijpxtaay yë xeny; jä'ä myëjwiinëty mäjtskëty mäjtsk xajpk.

Ezequiel 37:1

Ojts ja Wintsën ja kyë'ë tpëjktä'äky maas ëjtsën, etsës xyajtso'ony mëët ja mëj'ajtën oyajtën, etsës jam xyajnaaxwä'ky joyjotm ma o'kpëpajk jyätyën.

Ezequiel 22:27

Yë ënä'ämpëtëjkëty mëti'ipë yajpatëpën ma ya'atë kajpnën jëtu'un jyä'äy'atë waxën mëti'ipë piw nuuk tyuunpyën yë y'o'kpë; yaja'ay'ookaanp je'eyë ets tyämäämpy jyä'ätsäämpy ja jot ne'pny ko kyumeenytyä'äky.

Ezequiel 10:19

Ënet ja tsajpjotmëtë kukäjpxy të kyääkë'ëktë. Tëës n'ixy wi'ix të tmëkääkë'ëktën ja tëkäämpë pyë'aay ets wi'ix jam të nyaaxkëta'aktën ma ja tëjk'aawën mëti'ipë xëëwpëtsëmy wë'ëmpën. Jam kyëpajk këjxm jam ja Dios ja myëj'ajt y'oyajtën yaj'ixy.

Isaías 1:23

Yë mkutujkpëtëjk je'eyë kyäjpxykyumëtoownaxtë, jä'ä pyutëjkëtyëp mëti'ipë yaja'ay o'ktëpën. Aak meeny je'eyë myëmaay myëtajtëp ets jëtu'un winë tuntë ets yi'iyë pyatijtëp ma tii jëtu'unyë namëyajtën tpaatëty. Ka'ap ja ku'ooky u'unk nipaye'eytyë, ka'ap tja'amyätstë mëti'ipë ja ku'ookpyë to'oxytyëjk patëpën.

Isaías 1:10

Miitsëty wintsëntëjkëty, Sodomë ja'ayëty, mëtoow'itë ya'atë aaw ayuk mëti'ipë ja Wintsën kyajpxäämpyën. Miitsëty, Gomorra ja'ayëty mëtoowkukëtë wi'ix ja Wintsën ja y'ënä'ämën y'ënä'änyën.

2 Reyes 25:23

E ko ja tsiptuunpë wintsënëty ets ja jyä'äyëty tnija'awëtyë, mëti'ipë jam kukajpnajtëpën Judá, ënät ojts nyëjkxtë jam Mizpá ets myëtya'aka'antë mëët ja Guedalías. Ja ja'ayëty mëti'ipë ojts jam nyëjkxtën, jä'ä xyëëwajtëp: Ismael, yë myaank yë Netanías; yë Johanán, yë myaank yë Caréah; Seraías, yë myaank yë Tanhumet, mëti'ipë jam kukajpn'ajtpën Netofá ets ja Jaazanías, yë myaank tu'uk yë ja'ay mëti'ipë jam tso'onpën Maacá. Mëët ja jyä'äy ojts nyëjkxtë.

2 Reyes 2:16

ets t'ënëmaaytyë: Ëk'ix Elisejë, maa ëëtsëtyën, tä ja'ay yajpaatë niwëxtyikxymyajkën mëti'ipë jotmëkëtyën. Yë'ë ënëëmëtë wä'än nëjkx t'ixta'atë ja mwintsën Elías, jä'ä ko wä'änxyëp je'eyë yë Wintsën yë myëk'ajtën y'oyajtën të yajpëtë'ëkyë ets jatëkok të nyasmatsëty jam muum tunkëjxm kopkkëjxm ëkë jam muum joyjotm. E yë Elisejë tyaa y'ëtsooy: Ka'ap nëkoopë pën nkäjxmëty.

1 Reyes 18:12

Ëjts wa'atsës ntsyäty nyijawë ko ënät yaa ntsoonëtyës wiinktsow ënät ja Wintsën ja myëk'ajtën y'oyajtën myajnëjkxa'anyë maas ka'ap ninu'un nijawëtyën. E koos ënät ntuk'ëwaanëty ja Ahab, yë'ë kajts ja maa m'ëk patënëty, etsës ënätës xyaj'ookëty. Ëjts nwinkutsë'këpës yë Wintsën mutsknëm.

Ezequiel 10:22

Ja wyiin jyëjpëty näjyëtu'un yaj'ixtë tä tsajpjotmëtë kukexyën mëti'ipës ënety të n'ëk ijxpën jam Quebar mëjnëë ëkë'ëm. Aak wintuuytsyow ye'eytyë.

Ezequiel 40:6

Ënet ojts ja ja'ay nyijkxy ma ja tëjkëtyaknën mëti'ipë yajpatpën xëëwpëtsëmtsyow ets pyejty ma tëjk yajniyujkwä'äkyën ets ojts tkijpxy ja tëjk'aaw ja nyiye'eypyäjn, jä'ä ojts pyëtsimy mäjtsk xajpk myëjwiinëty.