Ezequiel 10:5 - Biblia Dc en Mixe de Quetzaltepec

⁵ Ko ja tsajpjotmëtë kukexy ja kyäkn tyaj'ëna'antë yajmëtoop jappaat tsajptëjk ëkë'p, mëti'ipë tëja'ptsowën. Jëtu'un yajmëtoy tä jeexyë ja Dios kyäjpxyën mëti'ipë maaytyääyëpën winë.

Biblia Mixe de Quetzaltepec

⁵ Ko ja tsajpjotmëtë kukexy ja kyäkn tyaj'ëna'antë yajmëtoop jappaat tsajptëjk ëkë'p, mëti'ipë tëja'ptsowën. Jëtu'un yajmëtoy tä jeexyë ja Tios kyäjpxyën mëti'ipë maaytyääyëpën winë.

Ezequiel 10:5 ပူးပေါင်းရင်းမြစ်များ

Ezequiel 1:24

Ojtsës näjyëtu'un nmëtoy wi'ix ja kyäkn y'ëna'antë ko kyääkjëtitë: jëtu'un yajmëtoy tä mëjnëë y'iitsyën ko kyomy, tä kyäjpxyën mëti'ipë maaytyääyëpën winë, tä tsiptuunpëtëjk wya'kta'aktën. Ko wya'ak'oyëtë tääts ja kyäkn tkëëymyuktë.

Job 40:9

¿Ni'ik jëtää mijts mëkëty këtiinëm ëjtsë? ¿Jëtu'un yë m'aaw myo'kn y'ënä'äny ënääwën tääjës ëjts yë njä'äjënë?

2 Crónicas 4:9

Ojts tyajkojy ëpëky tu'uk yë tëkot mëti'ipë ja teetyëjk jyä'ä'atëpën, ëpëky ja mëjtëkot, mëët yë nyitëjk'aaw ets tuknikooytyääy yë tsuxkpujxn.

1 Reyes 7:9

Tëkokyë ya'atë tëjkëty mëti'ipë yë Salomón kyojën, yë y'ëjx yë kyopk, yë y'ijxën ets nyitëjkpa'a aak'oy tsyaa ojts mëët yaj'oytyuny mëti'ipë tsetsyën ets pajyën, aakjëtu'un jap jootjoty ets nëkëjxytsyow.

Éxodo 19:19

E ja jëtu'unpë yajmëtoyën, tä ja pujxnxuxn y'ënä'änyën ni'ikyë ënety jyänty myëktä'äky; ënät ja Moisés ojts tyëkë mëtyakpë mëët ja Dios, ja Dios ja y'aaw y'ayuk jëtu'un yajmëtoy tä ënääw y'ënä'änyën ko y'ëtsoy.

Éxodo 19:16

Ko tyëkëëkxëëwpejty, ënät ojts yajmëtoy y'ënaantä'äky y'ëtëtstä'äky yë ënääw wëtsuk ets nyäkyo'ktaayë jam kopkkëjxm yë yoots nëma'a, je'eyë yaj'ijxnë koots pëmiinë, e ko yajmëtoowpaty, jëtu'un tä ja'ay yë pujxnxuxn mëk tukxu'uxyën, ënät ojts yë tsë'ëkë tyuktëjkëtya'ajëtë ja ja'ayëty.

Ezequiel 46:21

Ënätës jap tëja'p xywyoowpëtsëëmy ets ojts xytyukniye'eyëtyä'äyës ja tëja'aw ja tyatsk taxkpëky. Etsës n'ijxy ko maajaty ja tëja'aw ja tyatskën taxkpëky aaktam tmëëtëty yë tëjkpa'atwa'ats mutskjatyëty. Aak tu'knax kyijpxyëty, majktëkëëk xajpk ja tu'kkë'ënux y'ayenyëty ets majk xajpk myëjwiinëty.

Salmos 77:17

yë yoots nëëma'a ojts tnajtsmatsëtë yë nyëë tyuu, ets y'ënaantäky yë ënääw jam tsajpjotm ets wëtsuk xii yaa muum y'ëtëtstë y'ënantë.

Salmos 68:33

mëti'ipë jam ënyääpyën tsajpjotm mëti'ipë kë'ëyxyëëw kë'ëyjyëmëjt ijtpën. Mëtoow'itë wi'ix yë y'aaw y'ayuk yajmëtoyën, yë y'aaw y'ayuk mëti'ipë mëj'ajtën mëëtën.

Isaías 6:8

Ënätës tu'uk ja aaw yo'kn të nmëtoowpaaty mëti'ipë ja Wintsën jyä'ä'ajtypyën ets y'ënä'äny: ¿Pënës ënät nkäxëp? Etsës të n'ëtsoy: Tyaajës ëjts, ëjts käjxk.

Ezequiel 10:6

Ënet ja Dios t'ënëmaay ja ja'ay mëti'ipë linë wit wyit'ajtypyën ets tpëjkë'ëkëty yë jëën ma ja kepy wintëkäämpë ja ye'eypyäjnën, mëti'ipë itkujky yajpatpë ma ja tsajpjotmëtë kukexyën. Ënet ja ja'ay ojts nyijkxy ets wya'ak'o'oyëy jam winkon ma ja tëkäämpën.

Ezequiel 40:17

Ënet ja ye'etyëjk ojts xywyoownëjkxyës jap tëja'p ma ja tsajptëjk ja nyitëja'awën. Ma ya'atë tëja'awën ojts yajtsaawinpotsë na'ëwtity, i'px majk ja tëjk yajtuknakojëy.