Ezequiel 10:4 - Biblia Dc en Mixe de Quetzaltepec

⁴ Ënet ja Wintsën ja myëj'ajt y'oyajtën të pyëti'iky ma yajpaatën ja tsajpjotmëtë kukäjpxy ets të nyijkxy ma ja tsajptëjk yajnitëkën; ënät ja tsajptëjk të tyuktuky mëët ja yoots ets të jyajtä'äky jap tsajptëjk ëkë'p ja Wintsën ja myëj'ajt y'oyajtën.

Biblia Mixe de Quetzaltepec

⁴ Ënät ja Wintsën ja myëj'ajt y'oyajtën të pyëti'iky ma yajpaatën ja tsajpjotmëtë kukäjpxy ets të nyijkxy ma ja tsajptëjk yajnitëkën; ënät ja tsajptëjk të tyuktuky mëët ja yoots ets të jyajtä'äky jap tsajptëjk ëkë'p ja Wintsën ja myëj'ajt y'oyajtën.

Ezequiel 10:4 ပူးပေါင်းရင်းမြစ်များ

Ezequiel 1:28

Tä i'tyën mëti'ipë këxë'kpën xëëw'an akujky ko tyu'uja'any, jëtu'unës ja Dios ja myëj'ajt y'oyajtën të n'ijxë. Koos jëtu'un të n'ixy täätsës të nwintä'äky të nnaaxkoy, yë'ëjës yë nwinpok ntukpatyp yë naax.

Ezequiel 9:3

Ënet ja Israel Dios ja myëj'ajt y'oyajtën të pyëti'iky anëkëjxytsyow ma tyänëtën ja tsajpjotmëtë kukäjpxy ets të nyijkxy ma ja tsajptëjk'aawën. Ënet ja Dios të tmëkäjpxy ja ye'etyëjk ja'ay mëti'ipë linë wit xyox'ajtypyën ets wyëënkëjxy tmëëtëty ja mëti'ipë tyukjääpyën,

Apocalipsis 15:8

Ets y'ujtstaay ja Dios ja tyëjk mëët ja jok, jä'ä ja Dios ja myëj'ajtën jyääntyajtën ets ja kyutujkën; ni pën mëpaat jap kyatëkë, koonëm jyëjpkëxëty ja ëyo'on mëti'ipë ja wëxtujkpë tsajpjotmëtë kukäjpxy myëët'ajtëpën.

Ezequiel 10:18

Ënet ja Wintsën ja myëj'ajt y'oyajtën të pyëti'iky ma ja tsajptëjkën ets të nyäpyëjktä'äkyë ma ja tsajpjotmëtë kukexyëtyën.

Éxodo 40:35

Jëtu'un'äämpy ojts ka'ap t'ëkjëkyäjpnë ja Moisés jap tyëkëty ma ja wit tëjkën ma ja näpyaatë y'ityën, jä'ä ko ja yoots nëma'a jä'ä ënety jam të nyäkyo'ktaayënë tëjknëkëjxm ets ja Dios ja myëj'ajt y'oyajtën yë'ë ënety të tyajtuktujkta'ay ja tëkot.

Hageo 2:9

Ya'atë tsajptëjk, mëmäjtskpë yam kyojyën ni'ik oy ni'ik y'ita'any këtiinëm jyëtu'unëty ja mëjëyëjpë. Ënätnëm nëjkx jyää'aty yaa ja jotkujk'ajtën. Ëjts Wintsën, mëti'ipë maaytyääyëpën winë, ëjts ënaanp.

Ezequiel 43:5

Ënet ja Wintsën ja myëk'ajtën ojts xyajpëtë'ëkyës ets xyajnëjkxyës ma ja tëja'awën tëkotytsyowpë, etsës n'ijxy ko tëë ja Wintsën ja myëj'ajt y'oyajtën tyajtuktujkta'ay ja tsajptëjk.

Éxodo 40:34

ënät ja yoots nëma'a ojts tyajnituky ja wit tëjk ma ja näpyaatë y'ityën mëët ja Dios ets tyajtuktujktaay mëët ja myëj'ajt y'oyajtën.

Isaías 6:1

Jä'ä jëmëjt ma ja yajkutujkpë Ozías y'o'kyën, jääjës ojts yë Wintsën n'ixy kuma'ayjoty; jamtëm y'u'unyë ma ja yajkutujktaknën. Jam këjxm ets janty'oy janty tsuj jam, ja wyit janty yonytyëm, jä'ä wa'ats të tyajnitujkta'ay ja tsajptëjk.

Ezequiel 43:2

etsës të n'ixy ko myiny ja Wintsën ja myëj'ajt y'oyajtën xëëwpëtsëmtsyow. Jëtu'un yajmëtoy tä nëë y'iitsy kyomyën ets ja naaxwiinyëtë të kyujajtä'äky.

Ezequiel 44:4

Ënet ja ye'etyëjk ojts ok xyajnëjkxyës jam anëkëjxmtsow ma ja wiinkpë tëjkëtyaknën, tsajptëjkwintuuy tsyowpë. Täätsës të n'ixy ko tëëtëm yë Wintsën tyajtuktuky yë tsajptëjk mëët yë myëj'ajt y'oyajtën, etsës të nwintä'äky të naaxkoy, koonëmës yë nwinpok të ntukpaaty yë naax.