Ezequiel 10:1 - Biblia Dc en Mixe de Quetzaltepec

¹ Ënätës të n'ixy jam niwits nijuux nëkëjxm mëti'ipë yajpatpën ma ja kyëpajkëtyën ja tsajpjotmëtë kukäjpxy, tu'uk yë kutujkëntakn aak tsuxk uky tsyaa mëët y'oytyunyëty.

Biblia Mixe de Quetzaltepec

¹ Ënätës të n'ixy jam niwits nijuux nëkëjxm mëti'ipë yajpatpën ma ja kyëpajkëtyën ja tsajpjotmëtë kukäjpxy, tu'uk yë kutujkëntakn aak tsuxk uky tsyaa mëët y'oytyunyëty.

Ezequiel 10:1 ပူးပေါင်းရင်းမြစ်များ

Éxodo 24:10

Jam ojts ja Dios t'ixtë mëti'ipë yë Israel ja'ay Tyios'ajtëpën, ojts yë tyeky tyajnaaxkëtä'äky ets jëtu'un yaj'ijxy yë'ë yowë tyukte'empy yë wa'kpäjn mëti'ipë oytyunyën mëët yë tsaa mëktsuxkpë ets jëtu'un tyi'kxy tä tsajp jyäjyën.

Apocalipsis 1:13

Jamts itkujkm n'ijxyës tyänë ijxtëm ja naaxwiinyëtë ja'ay ja y'u'unkën. Tyeky ix'ampaat ja wyit tyiiykyëtä'äky ets tkatsywyëën'aty tu'uk ja pu'ts pujxn wëën.

1 Pedro 3:22

mëti'ipë ojts pya'tëkën tsajpjotm ets nyaaxwe'tsy ma ja Dios Teety yajkutukyën a'oytsyow, ets yë'ë tyam y'ëne'empy ja anklëstëjk ets mëti'ipë ja mëk'ajtën ets ja kuttujkën myëët'ajtëpën.

Efesios 1:20

ko ja Kristë ojts tyajjuukpyiky ets tyajtsajpejty ets tyajnaaxwe'tsy y'aka'any'äämpy,

Juan 1:18

Ka'ap pën nijëna'a ja Dios të t'ixy; yë'ë tu'ukyë Dios U'unk, mëti'ipë Dios Teety mëët y'ityën, yë'ë të xytyuk'ijx të xytyuknija'awëmë wi'ix ja Dios.

Habacuc 2:1

Jëjp'ixyës ntimy'ita'any ets ixaamp tunäämpës yam, jëtu'un tä yë këwent'ajtpë jam kyu'ijxnaxyën ma potsyën ets nijawëja'anyës wi'ixës yë Wintsën xy'ënëëmë ets wi'ixës xy'ëtsoowinpity koos ntuknijawëty yë njotmayës.

Ezequiel 11:22

Ënet ja tsajpjotmëtë kukäjpxy kyääkë'ktë ets pyapëtë'këtë ja tëkäämpë. Ja Israel Wintsën ja myëj'ajt y'oyajtën ojts jam nyäpyëjktä'äkyë këjxm,

Ezequiel 10:20

Näy jä'ä ja tsajpjotmëtë kukäjpxy, mëti'ipës ënety të n'ëk ijxpën y'ënä'ämëtë ja Israel Wintsën, jam Quebar mëjnëë ëkë'ëm. Ënätës yajxon të n'ijxwa'atsy ko jä'ätëm ja tsajpjotmëtë kukäjpxy.

Jeremias 13:8

Ënet ja Wintsën jatëkok ojts xymyëkäjpxyës,

Jeremias 13:6

Tëë ënety nyäxy kanaak xëëw koos jatëkok ja Wintsën xy'ënëmaay: Nëjkx jam ma ja Éufrates mëjnëëjën ets xymyëminëty ja mwëën mëti'ipë myu'tsën tsaajutjoty.

Salmos 18:10

Ënet të tukwä'tspety tu'uk yë Dios kyukäjpxy käkn mëëtpë, ets të myëkääkë'ëkyë pojotm.

Josue 6:2

Paaty ja Wintsën t'ënëmaay ja Josué: mijts yam ntukë'ëtëjkëp tääpë naax kajpn mëët yë nyiyajkutujkpë ets tsyiptuunpëtëjk.

Génesis 32:30

Tä yë Jacob tyajxëëwpejty ja jampë ja it naaxwiinyëtë Penuel, jä'ä ko y'ënäny: Tyam tëëjës ënät ja Dios kë'ëm ntim'ixy wiinxë jëjpxë ets ixës tyam njaakjuuknyëmëty.

Génesis 32:24

Ko ja Jacob ojts atu'uk wyi'imy, ënät tu'uk ja ye'etyëjk ja'ay tyëjkëy mëët tsiptuunpë. Jeky ojts tsyiptuntë ijxtë koonëm xyiinyëy.

Génesis 18:31

Ënet ja Abraham jatëkok yë Wintsën t'ënëmaaykyojnëpë: Wintsën mëpaat xy'ëknamä'kxëty ko yam jëtu'un mijts nyajjotkëxy. ¿Tii jëtää tunëtëp jatëtëp, ko je'eyë xypyaatëty ni''i'px yë wa'ats ja'aytyëjk? Ënet yë Dios y'ëtsooy, pën npatypyës ni''i'px ka'apës nyajkutëkoyëty yë naax kajpn.

Génesis 18:22

Mäjtsk yë tëjk'ëye'eypëty ojts nyëjkxtë jam Sodomë. E yë Abraham ojts mëët yë Wintsën jyaak wë'ëmy.

Génesis 18:17

Tä ja Wintsën ojts myäy tyäjy ets y'ënäny: Oy yowë kyopkpëkyëty etsës yë Abraham ntuknijawëty mëti'ipës ntunäämpyën.

Génesis 18:2

Ko ojts ja Abraham y'ijxë'ëky, ënät t'ijxy nitëkëëk yë ja'ay wyintänëty ye'etyëjk. Ko jëtu'un t'ixy ojts pojën y'ëxwä'ätsë'ëky ets ojts t'ëëwpo'kxy tkajpxpo'kxy.

Génesis 3:24

Ko ënety tëë ja Ye'eytyëjk jap tju'tnë kamjoty, ënät nyäpyëjktakëtë jam awinmtsow ja Wintsën ja kyukäjpxy ets tu'uk yë tëypyujxn jëënmëët wyojpminy wyojpxëpy xiitsow yaatsow, yë'ë kyëwent'ajtëp ja jë'kxykyam. Jä'ä këtiipë pën tmëwinkonëty ja ujtstëëm mëti'ipë myëët'ajtypyën ja juukyajtën.

Ezequiel 9:11

Ënet ja ja'ay të wya'akwinpity linë wit mëëtpë, jampë wyëënkëjxy tmëëtëtyën mëti'ipë tyukjääpyën ets të y'ënä'äny: Tëës yam npatuny ja ënä'ämën mëti'ipës të xytyuknipëkyën.

Ezequiel 1:1

Ëjts, yë teety Ezequiel, yë Buzí myaank; tëkok ojts nwin'ixyës, jamës näjyawëty ntänë ma Quebar mëjnëëjën, jam Babilonyë; ma ënety yajpaatën ja ja'ayëty mëti'ipë tsumy matsy të yajmënëjkxtën. Ënet ja tsajp y'ëwatsy ets nwin'ijxyës yë Dios. Jää ma myëmëkoxk anyën yë mëmajktaxk po'opë, ma y'apetyën ja më'i'px majk jëmëjtpë, tëë ënety mëkoxk jëmëjt nyajxnë ma ja Joaquín yajkutujkpë yajmënëjkxyën tsumy matsy. Ënet ja Wintsën ojts xykyë'ë nnixajyës.