Ezequiel 1:4 - Biblia Dc en Mixe de Quetzaltepec

⁴ Ënätës të n'ixy ko jam anëkëjxmtsow të tsyoony yë tuupoj, jap mëj yootsjoty pyëtsimy jëënën, jëtu'un y'atë'kxy wëtsukën ets na'ëwtityë mëk tyi'kxy. E jam jëënjotm jëtu'un yaj'ixy y'atë'kxy tsuxkpujxnën,

Biblia Mixe de Quetzaltepec

⁴ Ënätës të n'ixy ko jam anëkëjxmtsow të tsyoony yë tuupoj, jap mëj yootsjoty pyëtsimy jëënën, jëtu'un y'atë'kxy wëtsukën ets na'ëwtityë mëk tyi'kxy. E jam jëënjotm jëtu'un yaj'ixy y'atë'kxy tsuxkpujxnën,

Ezequiel 1:4 ပူးပေါင်းရင်းမြစ်များ

1 Reyes 19:11

Ets ja Wintsën ojts y'ënë'ëmxëty: Pëtsëm jap tëja'p ets xywyinkuwa'akëtyës jam kopkkëjxm. Tam ënety jëtu'un yajpaaty kopkkëjxm ko ja Wintsën jam nyäjxy mëët yë mëkpoj, tyimkë'ëtswa'kx ja kopk ets ja tsaa piw nuuk tuuntaay jam Wintsën wyintum; je'eyëp ko ja Wintsën ka'ap ënety jap yajpaaty pojjoty. Ko jëtu'un y'ëknajxy ja mëkpoj tä ojts ja naaxwiinyëtë tyëkë yu'kxpë, mëk jyänty yu'kxy, je'eyëp ko ja Wintsën ka'ap ënety jap yajpaaty.

2 Reyes 2:11

E tam ënety jëtu'un tyu'uye'eytyë ets myëtya'aktë, ko ojts ajotkumonë tu'uk yë pujxnwintëkäämpë t'ëkëty y'ijxpaatë jam tu'u ëkë'ëm jëënmëët, mëët yë nyikëwaay nän jëënmëët, mëti'ipë ojts yajwa'akwa'kxëtën, e jëtu'un'äämpy ojts ja Elías tsyajpäjnë mëët tu'uk pojxujtyk.

2 Crónicas 5:13

Ënet tyëjkëtyë tu'knax xuxpë wojpë, ëëpë yaxpë; tukxoonta'aktë ja Wintsën ja xyëëw ets tyajnaxtë ja kukkajpxën ja'awëkyëtakkën; ja xuxn, ja ak ets ja pujxn awojpmujk jä'ä ja ëy tyukpa'ënantëp, jëtu'un y'ëna'antë: Win'ëw winya'axtë yë Wintsën, jä'ä ko oy yë'ë ets tsojkp ja'ap xëmëkyëjxm. Jää ma ënety jam jëtu'un y'ëwtën ënät ja Wintsën ja myëj'ajtën tkejxy jap tsajptëkoty, jëtu'un tyajnaaxkëtäky tä tu'uk yoots nëma'ajën,

Job 38:1

Ënet ja Dios t'ëtsoowinpijty ja Job mëët ja mëktuupoj.

Salmos 50:3

Yë nTios'ajtëm tää myiny wyinkony, ka'ap Amón api'its myiny: jëënmëët myiny mëti'ipë winë yajtooytyëkoopyën, ets wyintuuy pyë'aay mëk tuu mëkpoj mëët ye'ey.

Éxodo 9:24

Yë ënääwëty wëtsukëty ets ja tëtsntuujëty ëxëëk jap y'ëtëtstë Egiptë, jeky yajxon tyëtsntuuy, ka'ap tsyojknajxy. Tä tyëtsntuuyën jap Egiptë, ka'ap ënety nijëna'a jëtu'un yaj'ixynyëm.

Isaías 19:1

Ixtë wi'ix ja Wintsën tniminyën ja Egiptë ja'ayëty yootsjoty. Ja awinax jëtu'unyë tsyëtyuupyëjkta'atë ko t'ixtë myiny ja Wintsën, ja Egiptë ja'ayëty nän yajxon tsyë'kënëtë.

Isaías 21:1

Ma yaj'akäjpxyën mëti'ipë tunan jatanëpën jam të'ëts'itjotm, winkon ma ja mëjmejyën. Tä tu'uk mëk ënääwtuujën mëti'ipë ëpa'tkë'ëmtsow tso'onpën, jëtu'un myiny atsë'ëk ajawë mëti'ipë tunan jatanëpën.

Jeremias 23:19

Jëtu'un yë Wintsën yë tsyip y'äkë tä mëk kom tuujën, tä yë mëktuupoj jam nyäxyën ma ëxëëkja'ayëtyën.

Jeremias 25:32

Yë Wintsën mëti'ipë maaytyääyëpën winë, jëtu'un y'ënä'äny: Yë ëyo'on jotmay mëti'ipë miimp këtakpën, jëjpkë'ëy tyu'utëkëja'any kajpn kajpn; jëtu'un tä tuupoj jam tsyoonyën ma naaxwiinyëtë jyëjpkëxyën.

Jeremias 25:9

yë'ëjës nmëkajpxäämpy yë naax kajpn mëti'ipë anëkëjxmtsow yajpatëpën, yë ntuunpës Nabucodonosor mëti'ipë Babilonyë yajkutujkpën tääts yaa myintëty ets tnitëkëtëty ya'atë kajpn ets jënu'un mëët nyämyëwinkon'atyën. Xit ko'ow ntuunta'aja'anyës, wa'atsës nyajkutëkooytya'aja'any. Xit ko'owës xëmë nyaj'ita'any ets je'eyë ja'ay tsyë'ëkëtëty ko t'ixtëty.

Jeremias 4:6

Yujktëytyë yë mwit wintëyëty ets jam ma Sión kajpn xyajnajts'ixëtëty; ixta'atë maa mkäktso'oktëtyën, këtii mpo'kxtë. Jä'ä ko nyajminäämpyës jam anëkëjxmtsow yë ëyo'on jotmay etsës winë nyajkutëkooytya'aja'any.

Jeremias 6:1

Miitsëty Benjamín ja'ayëty, ixta'atë yë tsoktakn, käkpëtsëmtë jam Jerusalén. Tukxu'uxtë ja mxuxnëty jam Tecoa, tëëyë'ëktë tu'uk wit jam Bet-haquérem, jä'ä ko tam anëkëjxmtsow myiny wyinkony ja ëyo'on jotmay.

Ezequiel 1:27

Ma wyëënën ets anëkëjxytsyow ma myoxën ma kyätyën, jëtu'un yaj'ixy y'atë'kxy tä tsuxkpujxnën ets jëënën yaj'ix nya'ëwtityë; ma pyuuy ma tyekyën jëënën yaj'ixy. Pyë'aay jëtu'un yaj'ixy ajajp yowë.

Ezequiel 13:11

Ënëëmëtë tääpë ja'ayëty mëti'ipë potsy poop nyikooytyëpën, ko këtawaanp tääpë potsy. Minaanp yë nëë tuu ets tëtsn tuu mëti'ipë tsaajën këxë'ëkaanpën ets mëkpoj tuupoj myina'any,

Ezequiel 13:13

Paaty ëjts maas nWintsën'atyën n'ëna'any: Koos ënety njoot'anpëky nyajminäämpyës yë mëktuupoj ets koos ënety ja ntsip n'äkë myëjë nyajtëtsntu'ujäämpyës jëtu'un tä jeexyë tsyaatu'uyën etsës winë nyajkutëkoyä'äny mëët ja tsip äkë.

Ezequiel 43:3

Jëtu'unës të n'ixy tääjës ojts n'ëk ijxpën ko ja Wintsën ja Jerusalén kajpn tyajkutëkooy ets jëtu'un tääjës ojts jam n'ixyën Quebar. Tëës nwintä'äky naaxkoy,

Ezequiel 8:2

ets të n'ixyës tä ja'ayën. Ëpa'tkë'ëytsyow ma wyëënën jëtu'un kyëxë'ëky jëënën ets jää ma wyëënën anëkëjxytsyow jëtu'un yaj'ixy y'atë'kxy tä tsuxkpujxnën.

Zacarías 6:6

Yë pujxnwintëkäämpë mëti'ipë yëk kwaay pajëtujtëpën, jamtsow anëkëxmtsow nyijkxy; yë pujxnwintëkäämpë mëti'ipë poop kwaay pajëtujtëpën, jam nyijkxy xëëwkëtä'äkytsyow; e ja pujxnwintëkäämpë mëti'ipë pajëtujtëpën ja kwaay mëti'ipë poopkatsën, jamtsow nyijkxy ëpa'tkë'ëmtsow.

Hebreos 12:29

Jä'ä ko jëtu'un ja nTios'ajtëmë ijxtëm ja jëënën mëti'ipë yajtooytyëkoopyën winë.

Apocalipsis 1:15

Janty ajajp atsëmaamp ja tyeky, ijxtëm ja jempyë pujxnën ets jëtu'un kyäjpxy ijxtëm ja mëjnëë y'iitsy kyomyën.