Ezequiel 1:28 - Biblia Dc en Mixe de Quetzaltepec

²⁸ Tä i'tyën mëti'ipë këxë'kpën xëëw'an akujky ko tyu'uja'any, jëtu'unës ja Dios ja myëj'ajt y'oyajtën të n'ijxë. Koos jëtu'un të n'ixy täätsës të nwintä'äky të nnaaxkoy, yë'ëjës yë nwinpok ntukpatyp yë naax.

Biblia Mixe de Quetzaltepec

²⁸ Tä i'tyën mëti'ipë këxë'kpën xëëw'an akujky ko tyu'uja'any, jëtu'unës ja Tios ja myëj'ajt y'oyajtën të n'ijxë. Koos jëtu'un të n'ixy täätsës të nwintä'äky të nnaaxkoy, yë'ëjës yë nwinpok ntukpatyp yë naax.

Ezequiel 1:28 ပူးပေါင်းရင်းမြစ်များ

Apocalipsis 10:1

Ënätës n'ijxy wiinkpë ja tsajpjotmëtë kukäjpxy, mëti'ipë maaytyääyëpën winë, ko tsajpjotm tsyo'ony yootsjotm. Tam i'ty tmëëtëty ma kyëpajkën ets ja wyiin jyëjp janty ajajp ijxtëm xëëw'anën ets tyeky ijxtëm yë jëënyä'änkën.

Apocalipsis 4:3

Mëti'ipë jam u'unyääpyën, jëtu'un kyëxë'ëky ijxtëm ja poop tsaajën, mëti'ipë ajajp atë'kxpën, mëti'ipë xyëëwajtyp jaspe ets cornalina ets ja i'ty na'ëwtity tmëëtëty ijxtëm ja esmeraldë tsaa y'ajajy y'ate'kxyën.

Génesis 17:3

Ënet ojts yë Abram nyäkyoxtënaaytyä'äkyë, tyukpatyp yë wyimpok yë naax, tam ënety yë Dios kyäjpxy:

Ezequiel 3:23

Ënätës të mpëtë'ëky etsës të nëjkxy jam joyjotm, jamës të n'ixy yë Dios yë myëj'ajt y'oyajtën, jëtu'un tä ënety të n'ixyënës jam Quebar ma ja mëjnëëpa'ajën. Ënätës nwintäky naaxkooy, ntukpatypyës yë naax yë nwinpokës.

Hechos 9:4

Tääts kyëtääy ets tmëtooy tu'uk ja ja'ay kyäjpxy ets y'ënä'äny: Saulo, Saulo, ¿tii koos xy'ixjëtity xypyajëtiy?

Daniel 8:17

Ënätës të xymyëwinkony, e ëjts tëëjës ntsë'ëkë ets nwintä'äky të naaxkoyës, koonëmës yë nwinpok ntukpaaty yë naax, e yë'ë jëtu'unës të xy'ënëëmë: Mijts nääxwiinyëtë ja'ay, yë'ë mnijawëp ko ya'atë xy'ixyën yë'ë nyikäjpxyp wi'ix kyukëxëja'anyën yë xëëw juukyajtën.

Ezequiel 8:4

Tap ënety ja myëj'ajt y'oyajtën ja Israel Wintsën, mëti'ipës të n'ëkwin'ixjpën jam joyjotm.

Éxodo 24:16

Yë Dios yë myëj'ajt y'oyajtën ojts jam kyëtä'äky ma ja Sinaí kopkën, tëtujk xëëw ojts jëtu'un y'ity. Ko wyëxtujkxëëwpejtyp täänëm ja Dios ojts tmëkäjpxy ja Moisés jap jokjoty yootsjoty.

1 Corintios 13:12

Näyjyëtu'un tyam ja Dios ja jyä'ä ka'ap wa'ats nnija'awëmë, jëtu'un n'ijxëmë ijxtëm ijxnjoty tii yajku'ixën ka'ap wa'ats yaj'ixy, jäänëm nëjkx n'ijxëm nnija'awëm ni'ëmukë ko ënety ja tiempo tpaaty. Ka'ap tyam ja n'ijxpeky'ajtënës kyä'pxyëty, je'eyëp ko nnija'awëtya'ajäämpyës winë ok, jëtu'un ijxtëm ja Dios të nijawën koos njääjëty.

Ezequiel 44:4

Ënet ja ye'etyëjk ojts ok xyajnëjkxyës jam anëkëjxmtsow ma ja wiinkpë tëjkëtyaknën, tsajptëjkwintuuy tsyowpë. Täätsës të n'ixy ko tëëtëm yë Wintsën tyajtuktuky yë tsajptëjk mëët yë myëj'ajt y'oyajtën, etsës të nwintä'äky të naaxkoy, koonëmës yë nwinpok të ntukpaaty yë naax.

Éxodo 16:10

Ma ënety jam jëtu'un ja Aarón myëtyä'äkyën mëët yë Israel ja'ayëty, ënät jam nyajts'ijxëtyääytyë të'ëts'itum ets ojts ja Wintsën t'ijxëtë ja myëj'ajt y'oyajtën yootsjotm.

Éxodo 16:7

E ko jyopy'atëty, jää xy'ixtëty yë Dios yë myëj'ajt y'oyajtën, yë'ë wa'ats të tmëtoy ko miitsëty wiinkjaty të xynyimëtya'aktë. ¿Jä'ä ko ëëtsëty tii mëj'ajtën n'ëkmëët'ajtëpës etsës xynyi'oj xynyiyaaxëtëty?

Romanos 9:4

Yë'ë u'unk'ajt ok'ajtëtëp ja Israel, ets ja Dios të kyupëkëtë tä y'u'unkën. Yë Dios ojts yajpaaty ma yë'ëjëtyën mëët ja myëj'ajt y'oyajtën, ets myooyëtë ja ënä'ämën ets ja waantakën, näjyëtu'un wi'ix twinjawëtëty twintsë'ëkëtëty ja Dios.

Éxodo 24:17

Yë Dios yë myëj'ajt y'oyajtën jëtu'un ojts t'ixtë yë Israel ja'ayëty jam kopkkëjxm, tä tu'uk yë jëënën mëti'ipë tsääpyën no'kpën.

Jueces 13:20

Ko ja jëën yä'änë'ky jam ma ja wintsë'këntyaknën ënät ja Manoa mëët ja tyo'oxytyëjk ajotkumonë t'ijxpatë ko jap jokjoty taptëm ja Wintsën ja tsyajpjotmëtë kukäjpxy pya'tëjkënë tsajpjotm. Ënätyë ja Monoa nyäjyijtakë mëët ja tyo'oxytyëjk.

Ezequiel 10:4

Ënet ja Wintsën ja myëj'ajt y'oyajtën të pyëti'iky ma yajpaatën ja tsajpjotmëtë kukäjpxy ets të nyijkxy ma ja tsajptëjk yajnitëkën; ënät ja tsajptëjk të tyuktuky mëët ja yoots ets të jyajtä'äky jap tsajptëjk ëkë'p ja Wintsën ja myëj'ajt y'oyajtën.

Ezequiel 43:2

etsës të n'ixy ko myiny ja Wintsën ja myëj'ajt y'oyajtën xëëwpëtsëmtsyow. Jëtu'un yajmëtoy tä nëë y'iitsy kyomyën ets ja naaxwiinyëtë të kyujajtä'äky.